مستونگ، بی این پی سربراہ اختر مینگل کا دھرنا 12ویں روز بھی جاری
اشاعت کی تاریخ: 8th, April 2025 GMT
اختر مینگل کا کہنا ہے کہ ڈاکٹر ماہ رنگ بلوچ و دیگر خواتین کی رہائی تک دھرنا جاری رکھیں گے۔ آج صادق سنجرانی نے مذاکرات کے سلسلے میں اختر مینگل سے ملاقات کی۔ اسلام ٹائمز۔ بلوچستان نیشنل پارٹی کے سربراہ اختر جان مینگل اور کارکنوں کی جانب سے ڈاکٹر ماہ رنگ بلوچ و دیگر خواتین کی رہائی کے لئے مستونگ میں لکپاس کے مقام پر احتجاجی دھرنا آج 12ویں روز بھی جاری رہا۔ آج سابق چیئرمین سینیٹ صادق سنجرانی نے مذاکرات کے سلسلے میں اختر مینگل سے ملاقات کی اور معاملات طے کرنے کی کوشش کی۔ تاہم وہ اختر مینگل کا احتجاج ختم کروانے میں ناکام رہیں۔ بی این پی سربراہ اختر مینگل نے ڈاکٹر ماہ رنگ بلوچ و دیگر خواتین کی رہائی کیلئے وڈھ سے کوئٹہ تک لانگ مارچ کا آغاز کیا تھا، تاہم حکومت نے کوئٹہ میں داخل ہرنے کے راستے بند کر دیئے، جس کے باعث اختر مینگل نے لکپاس کے مقام پر ہی دھرنا دے دیا۔ انہیں حکومت شہر میں داخل ہونے نہیں دے رہی ہے۔ بی این پی سربراہ نے کہا ہے کہ ڈاکٹر ماہ رنگ بلوچ کی رہائی تک دھرنا جاری رکھیں گے۔
.ذریعہ: Islam Times
کلیدی لفظ: ڈاکٹر ماہ رنگ بلوچ اختر مینگل کی رہائی
پڑھیں:
بلوچستان کے وزرا کی اختر مینگل کے بیانات کی مذمت، دہشتگردوں کی ’’بی‘‘ ٹیم قرار دیدیا
کوئٹہ میں پیپلز پارٹی کے راہنما کا کہنا تھا کہ پیپلز پارٹی نے جمہوری جدوجہد میں ہمیشہ قربانیاں دی ہیں اور سختیوں کے باوجود پیچھے نہیں ہٹی، انہوں نے اختر مینگل پر الزام لگایا کہ وہ خواتین کو ڈھال بنا کر دہشتگردوں کی پشت پناہی کر رہے ہیں۔ اسلام ٹائمز۔ صوبائی وزرا اور ترجمان بلوچستان حکومت نے اختر مینگل کے بیانات کی مذمت کردی۔ رکن بلوچستان اسمبلی علی مدد جتک کا کہنا ہے اختر مینگل کی پیپلزپارٹی پر تنقید کسی صورت قابل قبول نہیں، انہوں نے اختر مینگل کو دہشتگردوں کی ”بی ٹیم“ قرار دیتے ہوئے کہا کہ وہ جیل میں موجود دیگر خواتین کے لیے آواز نہیں اٹھاتے، صرف مخصوص ایجنڈے پر کام کرتے ہیں۔
صادق عمرانی کا کہنا تھا کہ پیپلز پارٹی نے جمہوری جدوجہد میں ہمیشہ قربانیاں دی ہیں اور سختیوں کے باوجود پیچھے نہیں ہٹی، انہوں نے اختر مینگل پر الزام لگایا کہ وہ خواتین کو ڈھال بنا کر دہشتگردوں کی پشت پناہی کر رہے ہیں۔ بخت محمد کاکڑ نے کہا کہ اختر مینگل بوکھلاہٹ کا شکار ہوگئے ہیں، پیپلز پارٹی نے ملک کی بقاء اور جمہوریت کے استحکام کے لیے شہدا کی قربانی دی جبکہ اختر مینگل صرف بزدلانہ سیاست کر رہے ہیں۔
دہشتگردی کا خاتمہ… ترقی وخوشحالی کا ضامن