پنجاب کے اسٹیج فنکار وزیر اطلاعات عظمیٰ بخاری سے ناراض کیوں؟
اشاعت کی تاریخ: 8th, April 2025 GMT
وزیر اطلاعات پنجاب عظمیٰ بخاری نے عیدالفطر کے موقع پر صوبائی دارالحکومت لاہور کے متعدد تھیٹرز پر رات گئے اچانک چھاپے مارے، جہاں انہوں نے نامناسب لباس اور رقص کرنے پر اداکاروں و اداکاراؤں کو نوٹسز بھی جاری کیے ہیں۔
عظمیٰ بخاری نے لاہور کے متعدد تھیٹرز پر چھاپے مارنے کی ویڈیو فیس بک پر بھی شیئر کی اور بتایا کہ انہوں نے 6 تھیٹرز اداکاروں کو نوٹس جاری کردیے ہیں۔
یہ بھی پڑھیں تھیٹرز میں کسی کو بیہودگی اور بے حیائی پھیلانے کی اجازت نہیں دی جائے گی، عظمیٰ بخاری
وزیر اطلاعات پنجاب نے تھیٹرز میں چھاپے کے دوران کیفے ٹیریاز، ڈریسنگ اور میک اپ رومز سمیت ہالز کا بھی جائرہ لیا۔ عظمیٰ بخاری نے تھیٹرز میں اداکاراؤں کی جانب سے کی جانے والی نامناسب ڈریسنگ پر اظہار برہمی کیا جب کہ وہ گانوں میں نامناسب رقص پر بھی نالاں ہوئیں اور انہوں نے 6 اداکاروں کو شوکاز نوٹس جاری کردیے۔
عظمیٰ بخاری نے یہ بھی کہاکہ اسٹیج تھیٹرز کو فیملی تھیٹرز بنانے کا فیصلہ کرتے ہوئے عریانی و فحاشی کے خاتمے کے لیے نیا قانونی مسودہ تیار کرلیا گیا ہے، جسے جلد منظوری کے لیے پیش کیا جائے گا۔
ان کے مطابق نئے تھیٹرز ایکٹ کے تحت اسٹیج تھیٹرز کی مانیٹرنگ کے اختیارات ضلعی انتظامیہ سے واپس لے کر محکمہ اطلاعات پنجاب کو تفویض کیے جائیں گے۔ نئے ایکٹ میں ایس او پیز پر عمل درآمد نہ کرنے پر سخت سزاؤں کی تجویز ہے۔
’فنکاروں کے ساتھ مل کر کمیٹی بنائی جائے‘
وی نیوز سے بات کرتے سینیئر اسٹیج اداکار نسیم وکی نے کہاکہ جس طرح صوبائی وزیر اطلاعات پنجاب عظمیٰ بخاری چھاپے مار رہی ہیں یہ درست عمل نہیں، ہم سب سینیئر اداکاروں کی بے عزتی کی جارہی ہے۔
انہوں نے کہاکہ وزیر اطلاعات اور آرٹس کونسل کے ذمہ داران ہمارے ساتھ بیٹھیں اور ایک ایس او پی بنا لیں کہ اسٹیج ڈرامے میں کیا کیا ہونا چاہیے، اس کے بعد جو تھیٹر ان ایس او پیز پر عمل نہیں کرتا اس کو بند کر دیا جائے۔
نسیم وکی نے کہاکہ اس طرح ڈریسنگ روم میں گھسنا، کینٹین پر چھاپے مارنا درست نہیں، کیوں کہ ہم یہاں جوا خانہ تو نہیں چلا رہے، ہم جلد اس حوالے سے پریس کانفرنس بھی کریں گے۔
دوسری طرف تھیٹرز مالکان نے بھی کہا ہے کہ پنجاب حکومت جو ضابط اخلاق جاری کرے گی ہم اس کے مطابق آئندہ ڈرامے کریں گے۔
یہ بھی پڑھیں فنکاروں نے پنجاب حکومت کی تشہیر مفت میں کی ہے، عظمیٰ بخاری
پنجاب حکومت نے تھیٹرز کلچر میں فحاشی کے بڑھتے ہوئے رجحان کے خاتمے کے لیے اہم فیصلہ کیا ہے۔ جو تھیڑ ضابط اخلاق کی پابندی نہیں کرے گا اسے بند کردیا جائےگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اسٹیج فنکار پنجاب تھیٹر چھاپے عظمیٰ بخاری ناراض کیوں وزیر اطلاعات وی نیوز.ذریعہ: WE News
کلیدی لفظ: اسٹیج فنکار تھیٹر چھاپے ناراض کیوں وزیر اطلاعات وی نیوز اطلاعات پنجاب وزیر اطلاعات انہوں نے کے لیے
پڑھیں:
وزیراعلی پنجاب خاتون ہیں، انھیں احتجاج کرنے والی خواتین کا کیوں خیال نہیں؟ حافظ نعیم الرحمن
مال روڈ پر گرینڈ ہیلتھ الائنس پنجاب کے زیراہتمام احتجاجی دھرنے سے خطاب کرتے ہوئے جماعت اسلامی کے امیر کا کہنا تھا کہ اس بادشاہانہ طرز عمل سے مریم نواز حکومت چلا رہی ہے، صوبہ میں یہی وطیرہ ان سے قبل ان کے والد اور چچا نے اپنایا ہوا تھا، انھیں صرف اداروں کو اپنا نام دینے اور ان پر تختیاں لگانے کا شوق ہے۔ اسلام ٹائمز۔ امیر جماعت اسلامی حافظ نعیم الرحمن نے کہا ہے کہ بنیادی اور دیہی مراکز صحت کو آوٹ سورس نہیں کرنے دیں گے۔ ڈاکٹرز، نرسز اور پیرامیڈیکل سٹاف میں سے ایک کو بھی نوکری سے نکالا گیا تو پنجاب حکومت کا تعاقب کیا جائے گا، گرینڈ ہیلتھ الائنس پنجاب کے ساتھ ہیں۔ وزیراعلی پنجاب خاتون ہیں، انھیں احتجاج کرنے والی خواتین کا کیوں خیال نہیں؟ سب کو معلوم ہے موجودہ حکومت کیسے معرضِ وجود میں آئی، خود ٹھیکے پر چلنے والی حکومت تمام بنیادی عوامی ضروریات کو بھی ٹھیکے پر دینا چاہتی ہے، اہل اقتدار پنجاب سمیت پورے پاکستان میں مسترد شدہ لوگ ہیں، عوام نے انھیں ٹھکرا دیا، یہ اسٹیبلشمنٹ اور فارم 47کے سہارے اقتدار میں آئے۔ اداروں کی لوٹ سیل کرنے والوں کا راستہ روکیں گے، عوام دشمن اقدامات بند کیے جائیں۔ ان خیالات کا اظہار انھوں نے مال روڈ پر گرینڈ ہیلتھ الائنس پنجاب کے زیراہتمام ڈاکٹرز، نرسز اور پیرامیڈیکس کے احتجاجی دھرنے میں شرکت کے موقع خطاب کرتے ہوئے کیا۔ سیکرٹری اطلاعات قیصر شریف، امیر پنجاب وسطی جاوید قصوری اور امیر لاہور ضیا الدین انصاری ایڈووکیٹ بھی اس موقع پر موجود تھے۔
امیر جماعت نے کہا کہ جس بادشاہانہ طرز عمل سے مریم نواز حکومت چلا رہی ہے، صوبہ میں یہی وطیرہ ان سے قبل ان کے والد اور چچا نے اپنایا ہوا تھا، انھیں صرف اداروں کو اپنا نام دینے اور ان پر تختیاں لگانے کا شوق ہے، پنجاب پر مسلط شریف خاندان بتائے کہ کیا حکومتیں صحت اور تعلیم کو آوٹ سورس کرتی ہیں؟ حکومت اور ریاست کی ذمہ داری ہے کہ عوام کو سستی معیاری تعلیم اور صحت کی سہولیات یقینی بنائے۔ شہریوں کی عزت، جان و مال اور آبرو کی حفاظت اور امن کا قیام بھی حکومت اور ریاست کی بنیادی ذمہ داری ہے، حکمرانوں نے عوام سے سب کچھ چھین لیا۔ انھوں نے کہا کہ وہ کل کراچی میں غزہ ملین مارچ میں شرکت کے لیے جا رہے تھے، تاہم انھوں نے یہ ضروری سمجھا کہ اپنے حق کے لیے آواز بلند کرنے والوں کے ساتھ بھی اظہار یکجہتی کریں۔ انھوں نے مظاہرین کو یقین دلایا کہ جماعت اسلامی ان کے ساتھ کھڑی ہے، حکومت کو ادارے آٹ سورس نہیں کرنے دیں گے۔
ترجمان سندھ حکومت کا مریم اورنگزیب کے بیان پر ردعمل