پی ٹی آئی ملک میں آج بھی سازشیں کرتی نظر آرہی ہے، طارق فضل چودھری
اشاعت کی تاریخ: 8th, April 2025 GMT
اسلام آباد میں جلسے سے خطاب کرتے ہوئے وفاقی وزیر پارلیمانی امور کا کہنا تھا کہ ہمیں دہشت گردی جیسا بڑا چیلنج درپیش ہے، پی ٹی آئی کو عوام کی فلاح اور ملک کی ترقی ہضم نہیں ہورہی ہے۔ پی ٹی آئی نے نفرت، تقسیم اور انتشار کی سیاست کو فروغ دیا۔ اسلام ٹائمز۔ وفاقی وزیر پارلیمانی امور ڈاکٹر طارق فضل چودھری نے کہا کہ پی ٹی آئی ملک میں آج بھی سازشیں کرتی نظر آرہی ہے۔ اسلام آباد میں جلسے سے خطاب کرتے ہوئے ڈاکٹر طارق فضل کا کہنا تھا کہ بجلی قیمتوں میں کمی پر وزیراعظم اور ان کی ٹیم کو خراج تحسین پیش کرتے ہیں۔ انہوں نے کہا کہ ایک جماعت کی طرف سے مسلسل انتشار کی سیاست کی جارہی ہے، بجلی کی قیمتوں میں کمی سے عوام کو ریلیف ملا ہے۔
وفاقی وزیر پارلیمانی امور کا کہنا تھا کہ ہمیں دہشت گردی جیسا بڑا چیلنج درپیش ہے، ایک جماعت آج بھی ملک کےخلاف سازشیں کرتی نظرآتی ہے، پی ٹی آئی کو عوام کی فلاح اور ملک کی ترقی ہضم نہیں ہورہی ہے۔ طارق فضل چودھری کا مزید کہنا تھا کہ پی ٹی آئی نے نفرت، تقسیم اور انتشار کی سیاست کو فروغ دیا، پی ٹی آئی نے ملکی سلامتی پر حملہ کیا۔
ذریعہ: Islam Times
کلیدی لفظ: کہنا تھا کہ پی ٹی آئی
پڑھیں:
اوقاف کی زمینوں پر قبضے ختم کرا کے صحت و تعلیم کے ادارے بنائیں گے: چودھری شافع
لاہور (خصوصی نامہ نگار+ کامرس رپورٹر) صوبائی وزیر اوقاف ومذہبی امور چوہدری شافع حسین سے گجرات آئے علماء کرام کے وفد نے پیسک ہاؤس میں ملاقات کی جس میں محکمہ اوقاف کے امور اور علماء کرام کے مسائل پر بات چیت ہوئی۔ محکمہ اوقاف کے علماء کرام نے ڈسپیرٹی الاؤنس کا مطالبہ کیا۔ صوبائی وزیر اوقاف چوہدری شافع حسین نے علماء کرام کے وفد سے گفتگو کرتے ہوئے کہا کہ محکمہ اوقاف کے زیر اہتمام مساجد اور مزارات کی تزئین آرائش کی جارہی ہے۔ محکمہ اوقاف کی زمینوں پر ناجائز قبضے ختم کراکے ان زمینوں پر صحت اور تعلیم کے ادارے بنائیں گے۔ انہوں نے کہا کہ محکمہ اوقاف کی کمپیوٹرائزیشن کی جا رہی ہے اور قرآن بورڈ میں نئے لوگوں کو شامل کیا جا رہا ہے۔ صوبائی وزیر نے کہا کہ معاشی ترقی کیلئے امن ناگزیر ہے، اس لئے علماء کرام قیام امن اور معاشرے میں اخوت اور رواداری کے جزبات کے فروغ کیلئے اپنا موثر کردار ادا کریں۔ دوسری جانب صوبائی وزیر صنعت و تجارت چوہدری شافع حسین سے پاکستان میں تیونس کے اعزازی قونصل جنرل ایم حمید کی پیسک ہاؤس میں ہونے والی ملاقات میں پاکستان بالخصوص پنجاب اور تیونس کے مابین تجارت کے فروغ پر بات چیت ہوئی۔ صوبائی وزیر صنعت و تجارت چوہدری شافع حسین نے اس موقع پر گفتگوکرتے ہوئے کہاکہ قائد اعظم بزنس پارک شیخوپورہ میں گارمنٹ سٹی بن رہا ہے، گارمنٹ سٹی میں ٹیکسٹائل سیکٹر سے وابستہ ملکی اور غیر ملکی سرمایہ کار نئی انڈسٹری لگائیں گے۔ چوہدری شافع حسین نے کہاکہ پاکستان اور تیونس کے مابین تجارت بڑھانے کی ضرورت ہے۔ تیونس کے ساتھ ٹیکسٹائل سیکٹر میں جوائنٹ وینچر کیا جا سکتا ہے۔
ترجمان سندھ حکومت کا مریم اورنگزیب کے بیان پر ردعمل