تیار ہو جائیں ، ڈرائیونگ لائسنس بنوانے کے لئے بڑی شرط عائد کردی
اشاعت کی تاریخ: 8th, April 2025 GMT
وزیراعلیٰ سندھ مراد علی شاہ نے ڈرائیونگ لائسنس بنوانے کے لئے بڑی شرط عائد کردی اور ہدایت کی لائسنس ہولڈرز کیلئے ڈی میرٹ پوائنٹ سسٹم متعارف کیا جائے۔
تفصیلات کے مطابق وزیراعلیٰ سندھ مراد علی شاہ کی زیر صدارت کراچی میں ٹریفک مسائل پراہم اجلاس ہوا، اجلاس میں صوبائی وزرا،میئر کراچی ،آئی جی پولیس ودیگر حکام نے شرکت کی۔اجلاس میں تمام ہیوی ٹرانسپورٹ ، لائٹ ٹرانسپورٹ وہیکلز میں ٹریکر ،ڈیش کیم کی تنصیب لازمی قرار دیا، وزیراعلیٰ سندھ نے پبلک سروس وہیکلز میں بھی ٹریکر ،ڈیش کیم کی تنصیب لازمی قرار دیا۔
کراچی میں ہیوی ٹرانسپورٹ وہیکلز کیلئےرفتار کی حد 30 کلومیٹر فی گھنٹہ مقرر کردی اور بھاری وہلکی گاڑیوں کےڈرائیورز کیلئےرینڈم ڈرگ ٹیسٹ لازمی قرار دیا۔مراد علی شاہ نے نے ڈرائیونگ لائسنس سے قبل بین الاقوامی معیارکی تربیت لازمی قرار دیتے ہوئے لائسنس ہولڈرز کیلئے ڈی میرٹ پوائنٹ سسٹم متعارف کیا جائے، محکمہ ٹرانسپورٹ، ایکسائز، لائسنسنگ اتھارٹی، ٹریفک پولیس ،نادرا کو منسلک کیا جائےگا۔
انھوں نے کہا کہ ٹریفک قوانین پر مؤثر عملدرآمد ممکن بنایا جائے اور ٹریفک انجینئرنگ بیوروکی تنظیم نو اور اسےمیئر کراچی کےماتحت کیاجائے گا۔مراد علی شاہ نے غیر قانونی نمبرپلیٹس،سائرن و لائٹس ،کالےشیشےکیخلاف تیزکریک ڈاؤن اور ہیلمٹ کے بغیر موٹر سائیکل چلانے پرسخت کارروائی کاحکم بھی دیا۔
وزیراعلیٰ سندھ نے موٹرسائیکل ٹرپل سواری ،غیر محفوظ بائیکس کیخلاف کارروائی کا حکم دیتے ہوئے کہا کہ فیصلوں پر فوری عملدرآمد کیلئےکمیٹی قائم کردی ، جس کی نگرانی آئی جی سندھ کریں گے۔ان کا کہنا تھا کہ شہر میں بڑھتے روڈ حادثات پر انتہائی افسردہ ہوں،ٹریفک اور پولیس ملکر کام کریں اور مجھے روڈ حادثات کی روک تھام چاہئیے، انسانی جانوں کا ضیاع ناقابل برداشت ہے، ماؤں کی گودیں اجڑ رہی ہیں۔
وزیراعلیٰ نے ہدایت کی تمام ہیوی وہیکلزچلانےوالوں کےڈرائیونگ لائسنس چیک کریں ، تمام گاڑیوں میں انڈر رن پروٹیکشن ڈیوائسز کی تنصیب لازمی ہے، لیک کرتےیا غلط نمبرپلیٹس کےبغیرواٹر ٹینکرز کا سڑکوں پرچلنا ممنوع ہے ،فٹنس سرٹیفکیٹ منسوخ گاڑیاں ضبط کی جائیں گی، دوبارہ اجازت محکمہ ٹرانسپورٹ سے مشروط ہوگی۔
.ذریعہ: Daily Ausaf
کلیدی لفظ: مراد علی شاہ لازمی قرار
پڑھیں:
صدر آصف زرداری نے دریائے سندھ سے نہریں نکالنے کی منظوری نہیں دی، وزیراعلیٰ سندھ
وزیراعلیٰ سندھ مراد علی شاہ نے کہا ہے کہ صدر مملکت آصف علی زرداری پارلیمنٹ کے مشترکہ اجلاس میں اس بات کا اظہار کر چکے ہیں کہ وہ دریائے سندھ سے نہریں نکالنے کی حمایت نہیں کرتے۔
یہ بھی پڑھیں دریائے سندھ سے کینالز نکالنے کے معاملے پر غلط فہمیاں دور کی جائیں گی، اسحاق ڈار
ٹھٹھہ میں خطاب کرتے ہوئے انہوں نے کہاکہ سازشی عناصر کی جانب سے کہا جارہا ہے کہ صدر مملکت نے دریائے سندھ سے نہریں نکالنے کی منظوری دی ہے۔ سوال یہ پیدا ہوتا ہے کہ کیا یہ لوگ اس بند کمرے میں سلیمانی ٹوپی پہن کر موجود تھے؟
واضح رہے کہ دریائے سندھ سے نہریں نکالنے کی معاملے پر پنجاب اور سندھ آمنے سامنے ہیں، جبکہ پیپلزپارٹی نے تحریک چلانے کی دھمکی دے رکھی ہے۔
پاکستان پیپلزپارٹی کے چیئرمین بلاول بھٹو نے کہاکہ ہم کسی صورت دریائے سندھ سے نہریں نہیں نکالنے دیں گے، اس فیصلے کے خلاف تحریک چلائی جائےگی۔
اس کے علاوہ صدر مملکت آصف علی زرداری نے پارلیمنٹ کے مشترکہ اجلاس سے خطاب کرتے ہوئے بھی یہ مسئلہ اٹھایا اور کہاکہ دریائے سندھ سے نہریں نکالنے کی حمایت نہیں کرتے۔
یہ بھی پڑھیں ہم کسی صوبے کا پانی نہیں لے رہے، مریم نواز دریائے سندھ سے کینالز نکالنے کے معاملے پر بول پڑیں
اس حوالے سے پیپلزپارٹی کے کچھ رہنماؤں کو بھی سندھ کی قیادت کے مؤقف پر اعتراض ہے۔ سابق وفاقی وزیر قمر زمان کائرہ نے کہاکہ نہروں کے معاملے پر پنجاب کے مؤقف میں جان ہے، سندھ کے ساتھی ایسے ہی جذباتی ہورہے ہیں، تاہم اس معاملے پر وسیع مشاورت کی ضرورت ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آصف زرداری پارلیمنٹ صدر مملکت مخالفت نہروں کا معاملہ وی نیوز
حسینہ گھر کی نہ گھاٹ کی