سرمایہ کاروں کو معدنی خام مال پاکستان سے باہر بھیجنے کی اجازت نہیں دی جائے گی، شہباز شریف
اشاعت کی تاریخ: 8th, April 2025 GMT
فورم سے خطاب کرتے ہوئے وزیراعظم نے کہا کہ پاکستان کو اللہ نے بے شمار نعمتوں سے نوازا ہے، بلوچستان کے سنگلاخ پہاڑوں سے لے کر خیبرپختونخوا کے برش پوش پہاڑوں تک، گلگت بلتستان، آزاد کشمیر کی قدیم چوٹیوں اور وادی سندھ اور پنجاب کی زرخیز زمینوں میں کھربوں ڈالر مالیت کے ذخائر موجود ہیں۔ اسلام ٹائمز۔ وزیراعظم شہباز شریف نے بین الاقوامی سرمایہ کاروں کو پاکستان کے معدنی شعبے میں سرمایہ کاری کی دعوت دیتے ہوئے کہا ہے کہ کھربوں ڈالر کے معدنی ذخائر پاکستان کو آئی ایم ایف جیسے اداروں کو الوداع کہنے میں مدد دے سکتے ہیں، سرمایہ کاروں کو خام مال پاکستان سے باہر بھیجنے کی اجازت نہیں دی جائے گی۔ اسلام آباد میں پاکستان منرلز انویسٹمنٹ فورم سے خطاب کرتے ہوئے وزیراعظم شہباز شریف نے کہا کہ پاکستان کو اللہ نے بے شمار نعمتوں سے نوازا ہے، بلوچستان کے سنگلاخ پہاڑوں سے لے کر خیبرپختونخوا کے برش پوش پہاڑوں تک، گلگت بلتستان، آزاد کشمیر کی قدیم چوٹیوں اور وادی سندھ اور پنجاب کی زرخیز زمینوں میں کھربوں ڈالر مالیت کے ذخائر موجود ہیں۔
انہوں نے کہا کہ اگر ہم ان عظیم اثاثوں سے مستفید ہوں تو میں بلا خوف و تردد یہ بات کہہ سکتا ہوں کہ پاکستان، آئی ایم ایف جیسے اداروں کو الوداع کہہ سکتا ہے اور اپنے قرضوں کے پہاڑ سے جھٹکارا حاصل کرسکتا ہے۔ وزیراعظم نے کہا کہ صرف یہی نہیں بلکہ ہمارے پاس پنجاب اور سندھ سمیت پاکستان کے دیگر حصوں میں انتہائی ذرخیز زمینیں موجود ہیں اور سب سے بڑھ کر ہمارے پاس انتہائی بہادر لوگ موجود ہیں جو چیلنج قبول کرنے کے لیے تیار رہتے ہیں اور مٹی کو سونا بنانے کی صلاحیت رکھتے ہیں۔ شہباز شریف نے ملک بھر میں کان کنی کے امکانات پر روشنی ڈالتے ہوئے کہا کہ ہم اس بات کو یقینی بنائیں گےکہ مستقبل میں ممکنہ سرمایہ کاروں کو خام مال کو پاکستان سے باہر بھیجنے کی اجازت نہ دی جائے۔
انہوں نے مزید کہا کہ آج سے ایک مربوط پالیسی ہونی چاہیے جہاں آپ (سرمایہ کار) خام مال کی کان کنی کریں، ڈاؤن اسٹریم انڈسٹری رکھیں، انہیں تیار سامان میں تبدیل کریں اور پھر اسے برآمد کریں۔ ان کا کہنا تھا کہ اس طرح کے معاہدوں میں سرمایہ کار ٹیکنالوجی لائیں گے اور اسے وقت کے ساتھ ساتھ پاکستان منتقل کریں گے۔ انہوں نے مزید کہا کہ یہ ہماری شراکت داری کا بنیادی اصول ہوگا، مستقبل میں آپ (سرمایہ کاروں) کو پورے پاکستان میں ان کانوں میں خوش آمدید کہا جاتا ہے لیکن ایک ایسی شراکت داری ہونی چاہیے جس سے دونوں شراکت داروں کو فائدہ ہو۔ وزیراعظم نے وفاقی اور صوبائی حکومتوں، اداروں اور فوج پر بھی زور دیا کہ وہ مل کر کام کریں۔
انہوں نے کہا کہ اگر ہم مل کر کام کرنے میں کامیاب ہو جاتے ہیں، ہم کچھ ہی وقت میں کایہ پلٹ سکتے ہیں۔ واضح رہے کہ پاکستان کی میزبانی میں 2 روزہ پاکستان منرلز ایوسٹمنٹ فورم کا آغاز اسلام آباد کے جناح کنونشن سینٹر میں ہوا، اس اعلیٰ سطح کی اس تقریب میں پاکستان اپنے چاروں صوبوں، آزاد کشمیر اور گلگت بلتستان میں کان کنی اور معدنی سرمایہ کاری کے مواقع کو فروغ دینے کے لیے ایک مربوط فریم ورک کا اعلان کرنے کا ارادہ رکھتا ہے، فورم میں تقریباً 300 غیر ملکی مندوبین شرکت کریں گے۔ پی ایم آئی ایف 25 پاکستان کے ابھرتے ہوئے معدنیات کے شعبے میں سرمایہ کاری کے مواقع تلاش کرنے اور ملک کے وسیع معدنی امکانات کو کھولنے کے لیے عالمی اسٹیک ہولڈرز کے لیے ایک اہم پلیٹ فارم کے طور پر کام کرے گا۔
ذریعہ: Islam Times
کلیدی لفظ: سرمایہ کاروں کو کہ پاکستان شہباز شریف موجود ہیں نے کہا کہ انہوں نے خام مال کے لیے
پڑھیں:
وزیر اعظم شہباز شریف 10 تا 11 اپریل بیلاروس کا دورہ کریں گے، ترجمان دفترخارجہ
اسلام آباد (اُردو پوائنٹ اخبارتازہ ترین - اے پی پی۔ 10 اپریل2025ء) وزیر اعظم محمد شہباز شریف صدر الیگزینڈر لوکاشینکو کی دعوت پر 10 سے 11 اپریل تک جمہوریہ بیلاروس کا سرکاری دورہ کریں گے۔ ترجمان دفتر خارجہ کی جانب سے جمعرات کو جاری بیان کے مطابق وزیراعظم کے ہمراہ اعلیٰ سطحی وفد میں نائب وزیر اعظم اور وزیر خارجہ سینیٹر محمد اسحاق ڈار اور وزیر اعلیٰ پنجاب مریم نواز کے علاوہ دیگر وزرا اور اعلیٰ حکام بھی شامل ہیں۔ بیان کے مطابق یہ دورہ نومبر 2024 میں صدر لوکاشینکو کے پاکستان کے اہم دورے کے بعد ہورہا ہے۔(جاری ہے)
اپنے قیام کے دوران وزیراعظم باہمی دلچسپی کے شعبوں میں پیش رفت کا جائزہ لینے کے لئے صدر لوکاشینکو سے بات چیت کریں گے۔ بیان کے مطابق گزشتہ چھ مہینوں کے دوران اعلیٰ سطحی دوطرفہ مصروفیات کا سلسلہ جاری ہے، اس سال فروری میں مشترکہ وزارتی کمیشن کا 8 واں اجلاس منعقد ہوا جبکہ اپریل 2025 میں ایک اعلیٰ اختیاراتی وزارتی وفد کے بیلاروس کے دورہ نے ایک نتیجہ خیز دورے کی بنیاد رکھی ہے۔
بیان میں مزید کہا گیاہے کہ توقع ہے کہ دونوں فریق تعاون کو مزید مضبوط بنانے کے لئے متعدد معاہدوں پر دستخط کریں گے۔ وزیراعظم کا دورہ پاکستان اور بیلاروس کے درمیان مضبوط اور جاری شراکت داری کو اجاگر کرتا ہے۔
حسینہ گھر کی نہ گھاٹ کی