سلمان اکرم راجہ، ظہیر عباس، نیاز اللّٰہ نیازی کو اڈیالہ جیل جانے سے روک دیا گیا
اشاعت کی تاریخ: 8th, April 2025 GMT
---فائل فوٹو
پاکستان تحریکِ انصاف کے بانی، عمران خان کے ترجمان نیاز اللّٰہ نیازی، رہنما سلمان اکرم راجہ اور ظہیر عباس چوہدری کو اڈیالہ جیل جانے سے روک دیا گیا۔
چیئرمین تحریکِ انصاف بیرسٹر گوہر علی کو اڈیالہ جیل جانے کی اجازت دے دی گئی جبکہ علیمہ خان کو بھی اڈیالہ جیل کے قریب گورکھپور ناکے پر روک دیا گیا۔
سلمان اکرم راجہ نے میڈیا سے گفتگو کے دوران کہا کہ سمجھ نہیں آرہی کیوں ناکے لگائے گئے ہیں، ہماری آج ملاقات طے تھی نام بھی بھیجے گئے ہیں، ناکے لگانا، وکلاء کو ملاقات سے روکنا سمجھ سے بالا تر ہے۔
رانا ثناء نے کہا کہ پی ٹی آئی کو اپنے گھر کے چراغ
دوسری جانب بانیٔ پی ٹی آئی کے ترجمان نیاز اللّٰہ نیازی اور دیگر وکلاء کو بھی جیل جانے سے روک دیا گیا۔
نیازاللّٰہ نیازی نے میڈیا سے گفتگو کے دوران کہا ہے کہ ہمیں کہا جا رہا ہے کہ ملاقاتیں بند ہو چکی ہیں، آگے نہیں جا سکتے، اسلام آباد ہائی کورٹ کے احکامات کی کھلی خلاف ورزی ہو رہی ہے۔
انہوں نے یہ بھی کہا کہ کل ملاقاتیوں کے نام اڈیالہ جیل حکام کو بھیجے گئے ہیں، ہماری گاڑیاں روک کر واپس کر دی گئی ہیں۔
.ذریعہ: Jang News
کلیدی لفظ: روک دیا گیا اڈیالہ جیل جیل جانے ہ نیازی سے روک
پڑھیں:
حامد رضا اور احمد خان بچھر کو بھی اڈیالہ جیل جانے سے روک دیا گیا
—فائل فوٹوصاحبزادہ حامد رضا اور احمد خان بچھر کو بھی پولیس نے اڈیالہ جیل جانے سے روک دیا۔
حامد رضا نے کہا ہے کہ ہمارے پاس کوئی راستہ نہیں بچا سوائے اس کے کہ ہم یہاں پُرامن طور پر آنے کی کال دیں، کل چیف جسٹس نے سلمان صفدر کی ملاقات کا کہا لیکن نہیں ملنے دے رہے۔
انہوں نے کہا کہ بانئ پی ٹی آئی سابق وزیرِ اعظم ہیں، ان کے ساتھ یہ رویہ ہے تو پھر کیا توقع کی جاسکتی ہے، میرا نام کبھی بھی کمپرومائزڈ لوگوں کی فہرست میں شامل نہیں ہو گا۔
بانئ پی ٹی آئی عمران خان کی تینوں بہنوں کو اڈیالہ جیل جانے کے لیے داہگل کے مقام پر پولیس ناکے پر روک دیا گیا۔
صاحبزادہ حامد رضا کا کہنا ہے کہ پارٹی کے اندر ملاقاتوں کو لے کر تشویش تو ہے، سلمان اکرم راجہ جو فہرست بھیجتے ہیں ان کو ملاقات نہیں کرنے دی جاتی باقی لوگوں کو ملاقات کی اجازت دی جاتی ہے۔
ان کا یہ بھی کہنا ہے کہ پارلیمانی کمیٹی یا سیاسی کمیٹی میں ہم اوتھ لے کر بیٹھتے ہیں لہٰذا اندر کی باتیں باہر نہیں کروں گا، کچھ لوگوں کے متعلق عام رائے ہے کہ وہ کمپرومائزڈ ہیں، جو لوگ اندر جاتے ہیں ان کے متعلق سوالات تو موجود ہیں۔
واضح رہے کہ اڈیالہ جیل میں بانئ پی ٹی آئی عمران خان سے آج پارٹی رہنماؤں کی ملاقات کا دن ہے۔
سیکریٹری جنرل پی ٹی آئی سلمان اکرم راجہ نے جیل حکام کو رہنماؤں کی فہرست بھجوا دی۔
فہرست میں اپوزیشن لیڈر عمر ایوب، شبلی فراز اور صاحبزادہ حامد رضا شامل ہیں۔
راجہ ناصر عباس، احمد خان بچھر اور زرتاج گل کا نام بھی فہرست میں شامل ہے۔
پی ایس ایل بمقابلہ آئی پی ایل؛ انعامی رقم کی تفصیلات نے ہوش اُڑا دیے