وسیم الرحمٰن خاکوانی سپریم کورٹ میں ایڈیشنل رجسٹرار جوڈیشل تعینات
اشاعت کی تاریخ: 8th, April 2025 GMT
— فائل فوٹو
وسیم الرحمٰن خاکوانی کو سپریم کورٹ آف پاکستان میں ایڈیشنل رجسٹرار جوڈیشل تعینات کر دیا گیا۔
رجسٹرار سپریم کورٹ عشرت علی عہدے سے ریٹائر ہوگئے۔ رجسٹرار سپریم کورٹ عشرت علی کو سپریم کورٹ ملازمین کی جانب سے الوداعیہ دیا گیا۔
وسیم الرحمٰن خاکوانی کی تعیناتی ایک سال کے لیے ڈیپوٹیشن پرکی گئی ہے۔
اس سے قبل گزشتہ ماہ لاہور ہائی کورٹ نے ڈسٹرکٹ اینڈ سیشن جج وسیم الرحمٰن خان خاکوانی کی خدمات سپریم کورٹ آف پاکستان کے سپرد کر دی تھیں۔
چیف جسٹس لاہور ہائی کورٹ جسٹس عالیہ نیلم کی منظوری کے بعد اس حوالے سے نوٹیفکیشن جاری کیا گیا تھا۔
.ذریعہ: Jang News
کلیدی لفظ: وسیم الرحم ن سپریم کورٹ
پڑھیں:
جوڈیشل کمیشن میں 4 ریٹائرڈ ججز کی بطور رکن تعیناتی منظور، مقبول باقر اور شوکت صدیقی کے نام بھی شامل
جوڈیشل کمیشن نے چار ریٹائرڈ ججزکو بطور رکن جوڈیشل کمیشن تعینات کرنےکی متفقہ طور پر منظوری دے دی۔
چیف جسٹس یحییٰ کی زیرصدارت جوڈیشل کمیشن کا اجلاس ڈھائی گھنٹےجاری رہا جس میں سپریم کورٹ میں دو ججز تعینات کرنے کیلئے غورکیا گیا۔
ذرائع کا کہنا تھاکہ اجلاس میں لاہور ہائیکورٹ کے 5 سینیئر ججز کے ناموں پر غور ہوا، لاہورہائیکورٹ کے صرف ایک جج کے نام پراکثریتی ووٹ سے فیصلہ ہوا۔
ذرائع نے بتایاکہ قائم مقام چیف جسٹس کی جگہ جوڈیشل کمیشن کے نئے ممبران کے تقرر کا فیصلہ کیا گیا۔
جوڈیشل کمیشن نے سپریم کورٹ کے جج کیلئے لاہور ہائیکورٹ کے جسٹس باقر کے نام کی منظوری دے دی
ذرائع کے مطابق اجلاس میں چار ریٹائرڈ ججز کو بطور رکن جوڈیشل کمیشن تعینات کرنےکی متفقہ طور پر منظوری دی گئی۔
ذرائع کا کہنا ہے کہ سندھ ہائیکورٹ کے جسٹس ریٹائرڈ مقبول باقر اور اسلام آباد ہائیکورٹ کے جسٹس ریٹائرڈ شوکت صدیقی کو جوڈیشل کمیشن کا رکن مقرر کرنے کی منظوری دی گئی۔
ذرائع نے بتایاکہ پشاور ہائیکورٹ کے جسٹس ریٹائرڈ شاکراللہ جان اور بلوچستان ہائیکورٹ کے جسٹس ریٹائرڈ نذیرلانگوکو بھی جوڈیشل کمیشن کا رکن مقرر کرنے کی منظوری دی گئی۔
ترجمان سندھ حکومت کا مریم اورنگزیب کے بیان پر ردعمل