ملک بھر میں ہیٹ ویو کا خطرہ، مریم اورنگزیب کا عوام کے نام انتباہی پیغام
اشاعت کی تاریخ: 8th, April 2025 GMT
ایکسپریس نیوز کے مطابق مریم اورنگزیب نے پنجاب بھر میں شدید ہیٹ ویو الرٹ کے باعث عوام سے احتیاطی تدابیر اپنانے کی اپیل کی ہے۔
صوبائی وزیر کی جانب سے یہ انتباہ اس وقت سامنے آیا ہے جب ماہرین نے ملک کے مختلف علاقوں میں درجہ حرارت خطرناک حد تک بڑھنے کا خدشہ ظاہر کیا ہے۔ جس کے باعث ہیٹ اسٹروک، پانی کی کمی اور دیگر صحت کے مسائل پیدا ہونے کا خطرہ ہے۔
سینیئر صوبائی وزیر مریم اورنگزیب نے اپنے ایک جاری کردہ بیان میں عوام سے گزارش کی کہ غیر ضروری طور پر گھر سے باہر نہ نکلیں، خاص طور پر دن 11 بجے سے شام 4 بجے تک۔ پانی کا زیادہ استعمال کریں اور بزرگوں اور بچوں کا خاص خیال رکھیں۔
انہوں نے کہا کہ حکومت صورتحال پر نظر رکھے ہوئے ہے اور اسپتالوں میں ایمرجنسی انتظامات بھی کیے جا رہے ہیں۔ مزید برآں ہیٹ ویو کے دوران دن 11 بجے سے شام 4 بجے تک سورج کی روشنی سے بچنا ضروری ہے۔ دوران سفر پانی کی بوتل ہمراہ رکھیں ، ہلکے رنگ کے ڈھیلے کپڑے پہنیں اور چھتری یا ٹوپی کا استعمال کریں۔
مزدوروں کے حوالے سے بیان میں کہا گیا کہ محنت کش افراد اور مزدور حضرات دن کے اوقات میں سایہ دار جگہوں پر کام کریں۔ تعلیمی ادارے طلباء کو گرمی سے بچاؤ کی ہدایات جاری کریں اور اسمبلی کا وقت محدود کریں۔
حکومت کی جانب سے محکمہ صحت کو اسپتالوں میں ہیٹ اسٹروک ڈسک قائم کرنے اور اور طبی عملہ کو الرٹ پر رہنے کی بھی ہدایت کردی گئی ہے۔ مزید برآں ضلعی انتظامیہ اور بلدیاتی اداروں کو شہر میں واٹر کولرز، سائے دار جگہوں اور ایمبولینس سروس کو فعال رکھنے کا کہا گیا ہے۔
مریم اورنگزیب کا یہ بھی کہنا تھا کہ میڈیا اور سوشل میڈیا پر عوام کو مسلسل آگاہی دی جائے گی، ہیٹ ویو سے بچاؤ ہمارا مشترکہ فرض ہے۔ گاڑی میں بچوں یا پالتو جانوروں کو ہرگز اکیلا نہ چھوڑیں، گاڑی کا درجہ حرارت جان لیوا ہو سکتا ہے۔
انہوں نے کہا کہ ہیٹ اسٹروک کی علامات میں چکر آنا، شدید پسینہ، کمزوری، اور بے ہوشی شامل ہیں، فوری طبی امداد لیں۔ حاملہ خواتین، دل اور شوگر کے مریض خصوصی احتیاط برتیں، دھوپ اور گرمی سے دور رہیں۔ مساجد، امام بارگاہوں، گرجا گھروں، اور دیگر عبادت گاہوں میں پانی کی سہولت مہیا کی جائے۔
صوبائی وزیر نے بتایا کہ ریسکیو 1122 اور ایمبولینس سروسز کو ہائی الرٹ پر رکھا گیا ہے، ہنگامی صورت میں فوری رابطہ کریں۔ فیکٹریز اور انڈسٹریز ملازمین کو ہیٹ پروٹیکشن گیئر فراہم کریں اور کام کے اوقات میں نرمی کریں۔
ذریعہ: Express News
کلیدی لفظ: مریم اورنگزیب ہیٹ ویو
پڑھیں:
جیا بچن کے جذباتی پیغام پر ایشوریا آبدیدہ
ممبئی(شوبز ڈیسک)ایشوریا اور ابھیشیک بچن کے رشتے کے درمیان دراڑ کی خبریں تو منظر عام پر آتی رہی ہیں لیکن ساس بہو ایشوریا اور جیا بچن کے رشتے سے متعلق کوئی منفی خبر بھی سامنے نہیں آئی۔
ماضی کے جھروکوں سے ایک ویڈیو سامنے آئی ہے جس میں جیا بچن اس وقت اپنی ہونے والی بہو ایشوریا کے بارے میں تعریفی کلمات ادا کررہی ہیں جس سے ایش کی آنکھوں میں نمی تیرتی ہوئی نظر آرہی ہے۔
2007میں لوگوں نے ایک خوبصورت محبت کی کہانی پروان چڑھتے دیکھی جب ابھیشیک بچن اور ایشوریا رائے نے اپنی منگنی کا اعلان کیا۔
اسی سال اپریل میں اس جوڑے نے بچن خاندان کی رہائش گاہ ’پرتیکشا‘ میں ایک نجی تقریب میں شادی کے بندھن میں بندھ کر اپنی نئی زندگی کا آغاز کیا۔
View this post on InstagramA post shared by ????Aishwarya(ऐश्वर्या)???? (@diehardfanofaishwaryarai_arb)
یہ شادی شوبز کی تاریخ کی سب سے شاندار اور زیرِبحث تقریبات میں سے ایک بن گئی، جلد ہی ابھیشیک اور ایشوریا کو ’سپر کپل‘ کا لقب دے دیا گیا۔
اس سے پہلے کہ وہ دونوں اپنی خوشیوں بھری دنیا میں قدم رکھتے، ابھیشیک کی والدہ اور لیجنڈری اداکارہ جیا بچن نے اپنی ہونے والی بہو کے لیے ایک ایوارڈ تقریب میں ایسا جذباتی اور محبت بھرا پیغام دیا کہ ایشوریا کی آنکھیں خوشی سے نم ہو گئیں۔
جیا بچن کی یہ یادگار ویڈیو، جس میں وہ اپنی بہو ایشوریا رائے بچن کے لیے بے حد پیارا پیغام دیتی نظر آتی ہیں، اب ایک بار پھر انٹرنیٹ پر وائرل ہو رہی ہے۔
2007 کے فلم فیئر ایوارڈز کی اس ویڈیو میں، جب ایشوریا اپنی لائف ٹائم اچیومنٹ ایوارڈ وصول کرنے اسٹیج پر آئیں تو جیا بچن نے ان کے لیے دل کو چھو لینے والی خواہش کا اظہار کیا۔
شادی سے کچھ ماہ قبل جیا بچن نے کہا کہ آج میں ایک بار پھر ساس بننے جا رہی ہوں ایک نہایت خوبصورت لڑکی کی، جس کی قدریں بہت بلند ہیں، جس میں بڑی شرافت ہے اور ایک خوبصورت مسکراہٹ، میں تمہیں اپنے خاندان میں خوش آمدید کہتی ہوں، مجھے تم سے بہت محبت ہے۔
جیا بچن نے مزید کہا کہ میں نے سوچا کہ یہ صحیح وقت ہوگا اس ایوارڈ کو قبول کرنے کا، میں کہنا چاہوں گی کہ اے خدا، تو ہمیں من کی شکتی دینا،ہم جھوٹ سے دور رہیں اور سچ سے ہمارا دل بھرا رہے، بہت بہت شکریہ۔
ان محبت بھرے الفاظ کو سن کر ایشوریا کی آنکھوں میں خوشی کے آنسو آ گئے، اب یہ پرانی ویڈیو ایک بار پھر سوشل میڈیا پر دل جیت رہی ہے، جس کے کمنٹ سیکشن میں ایک صارف نے لکھا کہ ‘ایک بہو کے لیے اپنی ساس سے تعریف سننا بہت بڑی بات ہے، اسی لیے وہ جذباتی ہو گئی’۔
جبکہ ایک اور نے کہا کہ کتنا پیارا رشتہ ہے ،میں نے کبھی ایشوریا کو اتنی سچائی سے روتے نہیں دیکھا تھا۔
ایک سوشل میڈیا صارف نے لکھا کہ دعا ہے یہ محبت ہمیشہ قائم رہے جبکہ ایک اور تبصرہ پڑھنے کو ملا کہ ‘واہ، یہ الفاظ واقعی جادوئی تھے’ ۔
ابھیشیک اور ایشوریا کے درمیان خراب تعلقات کی خبریں اب دم توڑ چکی ہیں اور دونوں اپنی زندگی میں خوش باش نظر آتے ہیں۔
مزیدپڑھیں:ہانیہ عامر کی کیوٹنس کی حدیں پار کرتی نئی ویڈیو وائرل
شمالی وزیرستان میں تیل و گیس کا نیا ذخیرہ دریافت