کراچی میں گرمی کی شدت میں کمی کا امکان لیکن الرجی کے خطرات برقرار
اشاعت کی تاریخ: 8th, April 2025 GMT
محکمہ موسمیات نے کراچی کے شہریوں کے لیے خوشخبری سناتے ہوئے کہا ہے کہ شہر میں گرمی کی شدت میں آج سے معمولی کمی متوقع ہے موسم گرم اور مرطوب رہے گا تاہم سمندری ہواؤں کی بحالی کے بعد درجہ حرارت میں ایک سے دو ڈگری کمی کا امکان ظاہر کیا گیا ہے محکمہ موسمیات کے مطابق کراچی کا زیادہ سے زیادہ درجہ حرارت پینتیس سے سینتیس ڈگری سینٹی گریڈ تک رہنے کا امکان ہے جبکہ اگلے چوبیس گھنٹوں کے دوران موسم گرم اور مرطوب رہے گا شہر میں ہوا میں نمی کا تناسب چوراسی فیصد ہے اور جنوب مغربی سمت سے سات کلومیٹر فی گھنٹہ کی رفتار سے ہوائیں چل رہی ہیں دوسری جانب ایئر کوالٹی انڈیکس کے مطابق شہر کا فضائی معیار غیر صحت بخش قرار دیا گیا ہے اور فضاء میں آلودہ ذرات کی شرح ایک سو اکتیس پرٹیکیولیٹ میٹرز ریکارڈ کی گئی ہے ماحولیاتی آلودگی کے باعث شہریوں کی بڑی تعداد نزلہ زکام کھانسی اور گلے کی بیماریوں میں مبتلا نظر آ رہی ہے ماہرین کے مطابق اس وقت موسمی الرجی کی شدت میں اضافہ ہوا ہے طبی ماہرین کا کہنا ہے کہ موسم سرما میں موسمی الرجی مزید شدت اختیار کر لیتی ہے جو کہ بخار سانس کی تکالیف اور جلدی امراض کا سبب بن سکتی ہے ناقص پانی اور سیوریج کی خراب صورتحال بھی سانس اور جلدی الرجی کو جنم دیتی ہے الرجی اس وقت پیدا ہوتی ہے جب انسان کوئی ایسی چیز کھاتا یا جسم پر لگاتا ہے جو اس کے جسم کے لیے موزوں نہ ہو اس سے جسم پر خارش اور بیچینی جیسی علامات ظاہر ہوتی ہیں مونگ پھلی اخروٹ بادام کاجو انڈے گائے کا دودھ اور مخصوص اقسام کی مچھلی الرجی کا باعث بن سکتی ہیں اسی طرح کیڑے کے کاٹنے بعض ادویات اور کیمیکل کے استعمال سے بھی جلدی الرجی ہو سکتی ہے ماہرین کے مطابق بہار کے موسم میں اسپرنگ الرجی عام ہوتی ہے جس میں اکثر افراد تھکاوٹ سر چکرانے ناک بند ہونے آنکھوں سے پانی آنے اور مسلسل چھینکوں کا شکار ہوتے ہیں اس صورتحال کو پولن الرجی کہا جاتا ہے اس حوالے سے ہارورڈ یونیورسٹی کی ماہر ڈاکٹر ماریانا کاسٹیلز کا کہنا ہے کہ پولن الرجی نہ صرف جسم بلکہ نیند اور دماغی کیفیت کو بھی متاثر کرتی ہے کیونکہ جب جرگ کے ذرات جسم میں داخل ہوتے ہیں تو مدافعتی نظام ہسٹامائن خارج کرتا ہے جس سے الرجی کی علامات پیدا ہوتی ہیں موسم بہار میں الرجی سے بچنے کے لیے ماہرین نے چند اہم تجاویز دی ہیں جن میں دروازے اور کھڑکیاں بند رکھنا دن کے وقت باہر نکلنے سے گریز کرنا روزانہ نہانا اور کپڑے تبدیل کرنا ایئر پیوریفائر کا استعمال اور دھوپ کا چشمہ لگانا شامل ہے اس کے علاوہ اگر الرجی کی علامات شدید ہوں تو اینٹی الرجی ادویات استعمال کی جا سکتی ہیں لیکن ان کے استعمال سے پہلے معالج سے مشورہ کرنا ضروری ہے تاکہ کسی قسم کے مضر اثرات سے بچا جا سکے
.ذریعہ: Nawaiwaqt
کلیدی لفظ: کے مطابق
پڑھیں:
ملک میں گرمی کی شدید لہر، محکمہ موسمیات نے ہیٹ ویو کا خدشہ ظاہر کردیا
اسلام آباد(نیوز ڈیسک) محکمہ موسمیات نے ملک میں گرمی کی شدید لہر کو دیکھتے ہوئے ہیٹ ویو کا خدشہ ظاہر کر دیا۔
تفصیلات کے مطابق محکمہ موسمیات نے ملک میں ہیٹ ویو کا خدشہ ظاہر کردیا، آئندہ ہفتے کے دوران ملک میں گرمی کی شدید لہر آنے کا امکان ہے۔
محکمہ موسمیات کا کہنا ہے کہ 13 اپریل سے ہوا کا زیادہ دباؤ اثر انداز ہوگا، پیر سے ملک کے جنوبی علاقے شدید گرمی کے زیر اثر ہونگے۔
محکمہ موسمیات کا کہنا ہے کہ سندھ، پنجاب، بلوچستان میں درجہ حرارت 6 سے 8 سینٹی گریڈ زیادہ رہنےکا امکان ہے جبکہ بالائی علاقوں میں درجہ حرارت 4 سے 6 سینٹی گریڈ زیادہ رہنے کا امکان ہے۔
محکمہ موسمیات کے مطابق گرمی کی حالیہ لہر 13 سے 18 اپریل تک رہے گی، گرمی کی لہر کے باعث آندھی اور جھکڑ چلنے کا بھی امکان ہے۔
دوسری جانب موسمیاتی تجزیہ کار جواد میمن کے مطابق کراچی میں 19 یا 20 اپریل سے گرمی کی شدت میں اضافے کا امکان ہے جبکہ اس دوران درجہ حرارت 40 ڈگری سینٹی گریڈ یا اس سے زائد ہوسکتا ہے۔
جواد میمن نے بتایا کہ جنوبی علاقوں میں مون سون میں زائد بارشوں کی پیشگوئی ہے جب کہ کراچی سمیت سندھ میں معمول سے زائد بارشیں ہوسکتی ہیں۔
مزیدپڑھیں:فضائی سفر میں ناقابلِ یقین واقعہ: دورانِ پرواز مسافر نے دوسرے مسافر پر پیشاب کر دیا
ٹرمپ حکومت کیخلاف امریکا سمیت مختلف ممالک میں احتجاج، پالیسیاں واپس لینے کا مطالبہ