کراچی: نامعلوم افراد کا غیر ملکی ریسٹورینٹس پر پتھروں اور ڈنڈوں سے حملہ
اشاعت کی تاریخ: 8th, April 2025 GMT
تصویر بشکریہ سوشل میڈیا
کراچی میں نامعلوم افراد کی جانب سے غیر ملکی ریسٹورنٹ کی چین پر پتھروں اور ڈنڈوں سے حملہ کیا گیا۔
پولیس کے مطابق شہر میں 3 مختلف مقامات پر نامعلوم افراد نے غیر ملکی ریسٹورنٹ کی چین پر حملہ کیا تاہم ان واقعات میں کوئی جانی نقصان نہیں ہوا اور مشتعل افراد فرار ہو گئے۔
کراچی نیو کراچی پانچ نمبر اسٹاپ فروٹ مارکیٹ کے.
پولیس نے بتایا ہے کہ نامعلوم افراد نے فوڈ چین ریسٹورنٹ پر پتھروں اور ڈنڈوں سے توڑ پھوڑ کی، توڑ پھوڑ کے واقعات نیشنل اسٹیڈیم کے قریب، محمد علی کالونی اور بہادر آباد چار مینار چورنگی پر پیش آئے۔
پولیس کے مطابق واقعے میں ملوث کوئی بھی ملزم گرفتار نہیں ہو سکا۔
متاثرہ ریسٹورنٹ کے باہر پولیس کی نفری تعینات کر دی گئی ہے۔
ذریعہ: Jang News
پڑھیں:
کراچی، پولیس اور جرائم پیشہ افراد کے درمیان متعدد مقابلے، ایک ہلاک، 4 زخمی حالت میں گرفتار
کراچی:شہر قائد میں پولیس اور جرائم پیشہ افراد کے درمیان مختلف مقامات پر مبینہ مقابلوں کے دوران ایک ملزم ہلاک جبکہ متعدد کو زخمی حالت میں گرفتار کرلیا گیا۔
تفصیلات کے مطابق اے وی ایل سی پولیس نے اورنگی ٹاؤن پراچہ قبرستان کے قریب ایک کارروائی کے دوران مبینہ مقابلے میں ایک ملزم کو ہلاک کردیا۔
ریسکیو ذرائع کے مطابق ہلاک ملزم کی شناخت رانو سومرو کے نام سے ہوئی ہے، جس کی لاش کو اسپتال منتقل کردیا گیا ہے۔ کارروائی کار لفٹر کی موجودگی کی اطلاع پر کی گئی تھی۔
مزید پڑھیں: کراچی، اورنگی ٹاؤن میں مبینہ پولیس مقابلہ، ملزم زخمی حالت میں گرفتار
ہلاک ملزم کا کرمنل ریکارڈ چیک کیا جارہا ہے ۔دوسری جانب نیو کراچی انڈسٹریل ایریا میں پولیس نے بین الصوبائی موٹر سائیکل لفٹر گینگ کے خلاف کارروائی کی اس ہی چھپے ہوئے ملزمان نے پولیس اہلکاروں پر فائرنگ کردی۔
جوابی فائرنگ کے دوران تین مطلوب ملزمان کو شدید زخمی حالت میں گرفتار کرلیا۔ ترجمان ایس ایس پی سینٹرل کے مطابق گرفتار ملزمان کے قبضے سے دو چھینی گئی موٹر سائیکلیں، تین پستول اور لوڈ میگزین برآمد ہوئے ہیں۔
زخمی حالت میں گرفتار ہونے والے ملزمان کی شناخت فضل حسین عرف فضلوں، شوکت عرف جعفر اور ملازم حسین عرف شہزاد کے نام سے ہوئی ہے۔
مزید پڑھیں: کراچی، اے وی ایل سی سائٹ ڈویژن کا مبینہ پولیس مقابلہ، بدنام زمانہ ڈکیت ہلاک
تمام زخمیوں کو فوری طور پر عباسی شہید اسپتال منتقل کردیا گیا۔ پولیس کا کہنا ہے کہ ایک ملزم موقع سے فرار ہونے میں کامیاب ہو گیا، جس کی تلاش جاری ہے۔
ادھر شاہ لطیف ٹاؤن کے علاقے رزاق آباد کے قریب پولیس اور اسٹریٹ کرمنلز کے درمیان فائرنگ کے تبادلے میں انتہائی مطلوب اسٹریٹ کرمنل محمد اساما ولد محمد رشید کو زخمی حالت میں گرفتار کرلیا گیا۔
ایس ایس پی ملیر کاشف عباسی کے مطابق ملزم کے قبضے سے اسلحہ اور چھینے گئے موبائل فونز برآمد کیے گئے ہیں۔ گرفتار ملزم نے دوران تفتیش ضلع ملیر اور کورنگی میں اسٹریٹ کرائم کی متعدد وارداتوں کا اعتراف کیا ہے۔
مزید پڑھیں: کراچی، داؤد چورنگی کے قریب مبینہ پولیس مقابلہ، ایک ڈاکو ہلاک، دوسرا زخمی گرفتار
پولیس کے مطابق محمد اساما متعدد بار گرفتار ہوکر جیل جا چکا ہے جبکہ اس کے خلاف تھانہ شاہ لطیف، اسٹیل ٹاؤن، شاہ فیصل، سعود آباد اور عوامی کالونی میں مقدمات درج ہیں۔ ملزم نے دوران تفتیش 100 سے زائد وارداتوں میں ملوث ہونے کا اعتراف بھی کیا۔
اس کا قریبی ساتھی عبید چند روز قبل قائد آباد مرغی خانہ میں ڈکیتی کے دوران مارا گیا تھا، جبکہ ایک اور ساتھی زاہد سندھی موقع سے فرار ہونے میں کامیاب ہوگیا، جس کی گرفتاری کے لیے کوششیں جاری ہیں۔
حسینہ گھر کی نہ گھاٹ کی