کیا اسلام اباد پولیس نے فرخ کھوکھر کو گرفتار کیا تھا؟
اشاعت کی تاریخ: 8th, April 2025 GMT
اسلام آباد پولیس نے اتوار کی رات پوش سیکٹر ایف 6 میں ایک ریسٹورنٹ کے باہر غیر قانونی اسلحہ کی تشہیر پر معروف شخصیت فرخ کھوکھر کے 8 گارڈز کو گرفتار کرکے مقدمہ درج کرلیا جبکہ فرخ کھوکھر کو پوچھ گچھ کے بعد چھوڑ دیا گیا، تاہم پولیس نے گارڈز سے اسلحہ اور فرخ کھوکھر کی بم پروف گاڑی بھی قبضے میں لے رکھی ہے۔
اس واقعے کے بعد فرخ کھوکھر کی گرفتاری کی خبریں بھی میڈیا پر چلتی نظر آئیں تاہم فرخ کھوکھر کے خاندانی ذرائع نے گرفتاری کی خبروں کی تردید کی جبکہ پولیس ذرائع نے بتایا کہ ابتدائی پوچھ گچھ کے بعد فرخ کھوکھر کو چھوڑ دیا گیا تھا۔
مزید پڑھیں: اسلام آباد پولیس نے 12 کار چور گرفتار کرلیے، گاڑیاں برآمد
وی نیوز سے گفتگو کرتے ہوئے فرخ کھوکھر کے خاندانی ذرائع نے بتایا کہ 6 اپریل کی رات فرخ کھوکھر اپنے دوستوں کے ہمراہ ایف سکس کے ایک ریسٹورنٹ کھانا کھانے گئے تھے جبکہ ان کے گارڈز ریسٹورنٹ کے باہر موجود تھے۔ خاندانی ذرائع نے بتایا کہ ایف سکس میں چونکہ ہائی پروفائل لوگ بھی رہتے ہیں تو کسی نے ان گارڈز کی شکایت پولیس کو کردی جس پر پولیس نے موقع پر کارروائی کی اور گارڈز کو اسلحہ سمیت گرفتار کر کے تھانے منتقل کردیا جبکہ فرخ کھوکھر کو بھی پوچھ گچھ کے لیے تھانے لے گئے، بعد ازاں 10 منٹ کے بعد فرخ کھوکھر کو پولیس نے چھوڑ دیا۔ تاہم اس وقت بھی فرخ کھوکھر کی بم پروف گاڑی اور گارڈز کا اسلحہ پولیس کے پاس موجود ہے، جبکہ عدالت کے طلب کرنے پر گاڑی کے کاغذات اور اسلحہ کے لائسنس پیش کردیے جائیں گے۔
دوسری جانب پولیس کا موقف ہے کہ 6 اپریل کی رات اسلام آباد کے سیکٹر ایف 6 کے ایک نجی ریسٹورنٹ کے باہر کارروائی کی گئی اور غیر قانونی اسلحہ کی نمائش پر فرخ کھوکھر کو مسلح گارڈز سمیت حراست میں لیا گیا جبکہ فرخ کھوکھر کو ابتدائی پوچھ گچھ کے بعد چھوڑ دیا گیا تاہم گارڈز اسلحے کا لائسنس پیش نہ کرسکے جس پر 8 گارڈز کے خلاف غیر قانونی اسلحہ رکھنے کا مقدمہ درج کرکے گرفتار کیا گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.ذریعہ: WE News
کلیدی لفظ: فرخ کھوکھر کو پوچھ گچھ کے پولیس نے چھوڑ دیا کے بعد
پڑھیں:
افغانیوں کو شناختی کارڈ جاری کرنے کے معاملہ پر نادرا اہلکار گرفتار
ویب ڈیسک: وفاقی تحقیقاتی ادارہ (ایف آئی اے) نے افغان باشندوں اور غیر ملکیوں کو پاکستانی شناختی کارڈ جاری کرنے کے معاملہ میں نیشنل ڈیٹا بیس اینڈ رجسٹریشن اتھارٹی (نادرا) کے اہلکار کو گرفتار کرلیا۔
ذرائع نے بتایا کہ ایف آئی اے کاؤنٹر ٹیررازم ونگ اسلام آباد نے نادرا اہلکار کو گرفتار کرلیا ہے۔ذرائع نے بتایا کہ نادرا اہلکار کو چھاپہ مار کر نادرا ہیڈکوارٹرز اسلام آباد کے قریب سے گرفتار کرلیا گیا اور انہیں 17 افغان باشندوں کو جعلی پاکستانی شناختی کارڈ جاری کرنے میں ملوث پایا گیا۔
نیویارک: دریا میں ہیلی کاپٹر گرنے کی خوفناک ویڈیو وائرل
نادرا اہلکار کی گرفتاری سے متعلق بتایا گیا کہ ایف آئی اے کاؤنٹر ٹیرازم ونگ کی ٹیم نے گرفتار اہلکار کو تھانہ کاونٹر ٹیرازم اسلام آباد منتقل کردیا اور ملزم سے مزید تفتیش جاری ہے۔
یہ بھی پڑھیں:گورنر بلوچستان کا صوبے کے حالات ٹھیک کرنے کے حوالے سے اہم اعلان
ترجمان سندھ حکومت کا مریم اورنگزیب کے بیان پر ردعمل