صدر آصف علی زرداری مزید دو دن ہسپتال میں رہیں گے
اشاعت کی تاریخ: 7th, April 2025 GMT
سٹی42: کراچی کے نجی اسپتال سے صدر مملکت آصف علی زرداری کے متعلق تازہ ترین اطلاع یہ آئی ہے کہ ڈاکتروں نے ان کو مزید دو دن ہسپتال میں رہنے کے لئے کہا ہے۔
ذرائع کے مطابق انفیکشئیس ڈیزیز کے ماہر ڈاکٹروں نے صدر زرداری کا مفصل معائنہ کیا اور انہیں مزید دو دن ہسپتال میں رہنے کا مشورہ دیا ہے۔
صدر آصف علی زرداری کا علاج ان کے قریبی دوست ڈاکٹر عاصم حسین کی نگرانی میں ہو رہا ہے۔ ان کی طبیعت میں مسلسل بہتری آ رہی ہے۔
انٹربینک میں ڈالر مہنگا
صدر مملکت کا کورونا ٹیسٹ مثبت آیا تھا، انہیں آئیسولیشن میں رکھا گیا ہے۔
ڈاکٹر عاصم کا کہنا ہے کہ صدر آصف زرداری کی طبیعت بہتر ہے، ایک دو روز میں اسپتال سے ڈسچارج کردیا جائے گا۔
ڈاکٹر عاصم نے بتایا تھا کہ صدر آصف علی زرداری کو جو کورونا وائرس لگا، یہ کورونا کا ایک اور ویرینٹ ہے ، یہ ویرینٹ اتنا مہلک نہیں، اس کے اتنے منفی اثرات نہیں ہیں۔ توقع کی جا رہی ہے کہ صدر آصف علی زرداری پرسوں 9 اپریل تک ہاسپٹل سے گھر منتقل ہو جائیں گے۔
میٹا نے نیا انقلابی اے آئی ماڈل لاما 4 ریلیز کر دیا ہ
Waseem Azmet.ذریعہ: City 42
کلیدی لفظ: صدر ا صف علی زرداری
پڑھیں:
صدر زرداری کی صحت بہتر، پرسوں گھر منتقل ہو جائیں گے، افواہوں کی تردید
بھارتی چینلز اور سوشل میڈیا پر چلنے والی تصاویر جعلی اور خبریں و اطلاعات غلط ہیں صدر مملکت کی صحت سے متعلق افواہوں پر ذاتی معالج ڈاکٹر عاصم کا ردعمل آگیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
صدر پاکستان کے ذاتی معالج ڈاکٹر عاصم حسین نے آصف علی زرداری کی صحت سے متعلق افواہوں پر ردعمل کا اظہار کر دیا۔
کراچی میں پریس کانفرنس کرتے ہوئے ڈاکٹر عاصم نے کہا کہ صدرِ مملکت آصف علی زرداری کی بیماری کے حوالے سے بھارتی چینلز اور سوشل میڈیا پر چلنے والی تصاویر جعلی اور خبریں و اطلاعات غلط ہیں۔
ڈاکٹر عاصم نے کہا کہ صدرِ مملکت آصف علی زرداری کی طبیعت کافی بہتر ہوگئی ہے۔ وہ کل یا پرسوں اسپتال سے ڈسچارج ہوجائیں گے۔ وہ ہفتہ کو ضیاء الدین اسپتال کلفٹن میں پریس کانفرنس سے خطاب کر رہے تھے۔
ڈاکٹر عاصم حسین نے کہا کہ مجھے افسوس ہے کہ صدرِ مملکت کے حوالے سے سوشل میڈیا اور بھارتی چینلز بے بنیاد خبریں چلا رہے ہیں۔ صدر مملکت گزشتہ ہفتہ کے روز اسلام آباد سے نوابشاہ گئے۔ میں کراچی آ گیا تھا، صدرِ مملکت کا فون آیا کہا کہ عید کے دن میری طبیعت ناساز ہے۔
انہوں نے کہا کہ صدر مملکت کا عید کے دن شام کو پھر فون آیا اور کہا کہ سردی لگ رہی ہے، مجھے بخار ہو گیا ہے۔ میں رات کو نوابشاہ پہنچا۔ وہاں اتنی سہولیات نہیں ہیں۔
گزشتہ پیر کو ہم صدرِ مملکت کو کراچی لائے، اسپتال میں داخل کیا اور ان کے ٹیسٹ شروع کیے۔ ٹیسٹ سے یہ ثابت ہوا کہ صدرِ مملکت کو کورونا ہوا ہے۔
ڈاکٹر عاصم حسین نے کہا کہ اب صدرِ مملکت کی طبیعت کافی بہتر ہے، کل یا پرسوں صدرِ مملکت اسپتال سے ڈسچارج ہو جائیں گے۔ سینئر ڈاکٹرز کی ٹیم صدرِ مملکت کو دیکھ رہی ہے۔ کورونا ابھی بھی پاکستان میں موجود ہے۔ اینٹی وائرس دوائیاں اب آ گئی ہیں۔
انہوں نے کہا کہ سیاسی مخالفین جو مرضی کہتے رہیں، بھارت تو ویسے ہی ہمارا دشمن ہے۔ سوشل میڈیا پر جو خبریں چل رہی ہیں وہ مناسب نہیں ہیں۔ صدرِ مملکت کو بلڈ پریشر اور شوگر ہے۔
ڈاکٹر عاصم حسین نے کہا کہ صدرِ مملکت اپنی اسپتال سے فوٹیج جاری کرتے ہیں یا نہیں، یہ ان کا سیاسی فیصلہ ہے۔ سوشل میڈیا پر جو فوٹیجز چل رہی ہیں وہ سب جعلی ہیں۔
اختر مبارک! خیبر پختونخوا کے کئی علاقوں میں اتوار کو عید ہے