بانی پی ٹی آئی سے بیرون ملک پاکستانیو ں کی ملاقات کی نہ تصدیق کرتا ہوں نہ تردید، رانا ثناء
اشاعت کی تاریخ: 7th, April 2025 GMT
وزیراعظم کے سیاسی مشیر رانا ثناء اللّٰہ نے کہا ہے کہ بانی پی ٹی آئی سے بیرون ملک پاکستانیو ں کی ملاقات کی نہ وہ تصدیق کرتے ہیں نہ تردید، لیکن اگر ملاقات ہوئی بھی ہے تو اس سے معاملات آگے بڑھنے کا کوئی امکان نہیں ہے۔
جیو نیوز کے پروگرام "آج شاہ زیب خانزادہ کے ساتھ" میں گفتگو کرتے ہوئے رانا ثناء نے کہا کہ بانی پی ٹی آئی نے اپنے مسائل خود پیدا کیے، حکومت نے نہیں۔ وہ بگاڑ پیدا کرنے اور مشکلات بڑھانے میں خود کفیل ہیں۔
رانا ثناء نے کہا کہ پی ٹی آئی کو اپنے گھر کے چراغ "سوشل میڈیا" سے آگ لگ گئی ہے۔ پی ٹی آئی گالم گلوچ بریگیڈ کے ہوتے ہوئے ہمیں کسی اندیشے کی ضرورت نہیں ہے۔
.ذریعہ: Jang News
کلیدی لفظ: رانا ثناء پی ٹی آئی
پڑھیں:
سوشل میڈیا عمران خان کو لے ڈوبا، گالم گلوچ بریگیڈ سے خود پی ٹی آئی بھی محفوظ نہیں، رانا ثنااللہ
وزیراعظم پاکستان کے مشیر برائے سیاسی امور رانا ثنااللہ نے کہا ہے کہ عمران خان نے خود اپنے لیے مسائل پیدا کیے، بیرون ملک پاکستانیوں کی ملاقات سے معاملات آگے بڑھنے کا امکان نہیں۔ پی ٹی آئی کا سوشل میڈیا عمران خان کو لے ڈوبا ہے، اب تو گالم گلوچ بریگیڈ سے خود تحریک انصاف بھی محفوظ نہیں۔
نجی ٹی وی سے گفتگو کرتے ہوئے انہوں نے کہاکہ عمران خان کی ملاقاتوں سے متعلق ہمیں کوئی اندیشہ نہیں، اوورسیز پاکستانیوں کی ملاقاتوں کی تصدیق یا تردید نہیں کروں گا۔
یہ بھی پڑھیں مسائل کے حل کے لیے عمران خان نے ایک بار پھر ’نیوٹرل امپائر‘ کا مطالبہ کردیا
مشیر وزیراعظم نے کہاکہ عمران خان بگاڑ پیدا کرنے اور مشکلات بڑھانے میں خود کفیل ہیں، انہوں نے ہمیشہ صرف اور صرف پروپیگنڈا کی سیاست کی۔
انہوں نے کہاکہ پی ٹی آئی کو اگر معاملات آگے بڑھانے ہیں تو 9 مئی پر معافی مانگنا ہوگا، اور یہ بات ڈی جی آئی ایس پی آر پریس کانفرنس میں کر چکے ہیں۔
رانا ثنااللہ نے کہاکہ پی ٹی آئی کو اپنے گھر کے چراغ سوشل میڈیا سے آگ لگی ہے، اعظم سواتی بھی کہہ رہے ہیں کہ ان کی ملاقات ناکام ہونے کی وجہ پی ٹی آئی کی سوشل میڈیا ٹیم ہے۔
انہوں نے کہاکہ پی ٹی آئی کا سوشل میڈیا اب خود ان کے لیے بھی مسئلہ بن گیا ہے، اس بریگیڈ کے ہوتے ہوئے حکومت کو کسی پریشانی کی ضرورت نہیں۔
رانا ثنااللہ نے کہاکہ عمران خان نے جو گڑھا کھودا تھا خود اس میں گر چکے ہیں، پی ٹی آئی کی سوشل میڈیا گالم گلوچ بریگیڈ سے خود ان کی پارٹی محفوظ نہیں۔
یہ بھی پڑھیں عمران خان کی رہائی کے لیے پی ٹی آئی کے اسٹیبلشمنٹ سے پس پردہ رابطوں کا انکشاف
انہوں نے کہاکہ یہی سوشل میڈیا ان کی طاقت تھا، اور یہی ان کو لے ڈوبا، نواز شریف نے درگزر جبکہ عمران خان نے ملک میں نفرت کی سیاست کو پروان چڑھایا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اوورسیز پاکستانی ملاقات پی ٹی آئی سوشل میڈیا رانا ثنااللہ عمران خان مسائل مشیر وزیراعظم وی نیوز
اختر مبارک! خیبر پختونخوا کے کئی علاقوں میں اتوار کو عید ہے