ایران کی امریکا کو فراخدالانہ بالواسطہ مذاکرات کی پیشکش
اشاعت کی تاریخ: 7th, April 2025 GMT
ڈونلڈ ٹرمپ کے ایران کو بھیجے گئے خط کے بعد سے دونوں ممالک کے درمیان برف پگھلتی نظر آرہی ہے۔
عالمی خبر رساں ادارے کے مطابق امریکا کے ساتھ براہ راست مذاکرات سے انکاری ایران نے بالواسطہ مذاکرات کے لیے رضامندی کا اظہار کیا ہے۔
ایران کی وزارت خارجہ کے ترجمان اسماعیل بقائی نے کہا کہ امریکا کی جانب سے بالواسطہ مذاکرات کی پیشکش سے متعلق کوئی خط نہیں ملا۔
ترجمان ایرانی وزارت خارجہ نے مزید کہا کہ تاہم ایران بالواسطہ مذاکرات کرنے کی تجویز کو ایک فراخدلانہ پیشکش قرار دیتا ہے۔
ایرانی وزارت خارجہ کے ترجمان نے یہ بھی کہا کہ ہم بھی امریکا کو ایک فراخدالانہ بالواسطہ مذاکرات کی کرتے ہیں۔
اسماعیل بقائی نے کہا کہ امریکا کے ساتھ بالواسطہ مذاکرات کے نئے دور کی میزبانی کے لیے سلطنتِ عمان سب سے نمایاں خواہش مند ملک ہے۔
یاد رہے کہ چند روز قبل ایران کے وزیر خارجہ عباس عراقچی نے امریکا کے ساتھ براہ راست مذاکرات کرنے سے انکار کر دیا تھا۔
تاہم ایرانی وزیر خارجہ نے یہ بھی کہا تھا کہ ان کا ملک امریکا کے ساتھ بالواسطہ مذاکرات کا تجربہ کرنے کے لیے تیار ہے۔
ایرانی وزیر خارجہ نے کہا تھا کہ ڈونلڈ ٹرمپ کا خط ملنے پر ان کا ملک سفارت کاری کا راستہ اپنائے گا جس کے دروازے کھلے ہیں۔
ایران کے صدر مسعود پیزشکیان نے بھی چند روز قبل کہا تھا کہ امریکا کے ساتھ برابری کی سطح پر بات چیت کے لیے تیار ہیں۔
.
ذریعہ: Express News
پڑھیں:
ایران کیساتھ بلا واسطہ مذاکرات شروع ہو چکے اور جاری ہیں، ٹرمپ کا نیا دعوی
انتہا پسند امریکی صدر نے وائٹ ہاؤس میں نیا دعوی کرتے ہوئے اعلان کیا ہے ایران کیساتھ بلا واسطہ مذاکرات کا آغاز ہو چکا ہے جبکہ انکا اگلا دور ہفتے کے روز منعقد ہو گا! اسلام ٹائمز۔ انتہا پسند امریکی صدر ڈونلڈ ٹرمپ نے اعلان کیا ہے کہ میں نے نیتن یاہو کے ساتھ ملاقات میں کسٹم ڈیوٹی کے ساتھ ساتھ ایران کے موضوع پر بھی گفتگو کی ہے۔ امریکی صدارتی محل وائٹ ہاؤس میں گفتگو کے دوران ڈونلڈ ٹرمپ کا کہنا تھا کہ میں اسرائیل کا سخت خطرناک خطے میں قریبی ترین دوست ہوں اور اس کی مدد کر رہا ہوں! ٹرمپ نے کہا کہ ہم چاہتے ہیں کہ اسرائیل ایران کے بارے طے پانے والے کسی بھی معاہدے میں شامل رہے جبکہ ہم کسی بھی قسم کے تصادم سے پرہیز چاہتے ہیں! انتہا پسند امریکی صدر نے کہا کہ ہم ایران کے ساتھ بلا واسطہ مذاکرات کر رہے ہیں اور ایران کے ساتھ کسی معاہدے پر پہنچنے کو ترجیح دیتے ہیں۔ ڈونلڈ ٹرمپ نے کہا کہ یہ بلاواسطہ مذاکرات شروع ہو چکے ہیں جن کا اگلا دور ہفتے کے روز منعقد ہو گا اور امید ہے کہ جوہری ہتھیاروں تک ایران کی دسترسی روکنے کے یہ مذاکرات کامیاب رہیں گے! ٹرمپ نے زور دیتے ہوئے کہا کہ ہفتے کے روز ایران کے ساتھ ایک اہم نشست منعقد ہوگی اور یہ ملاقات بلا واسطہ ہوگی! انتہا پسند امریکی صدر نے یہ دعوی بھی کیا کہ ایران کے ساتھ بلاواسطہ مذاکرات اعلی سطح پر منعقد ہو رہے ہیں!
اس بارے غاصب و سفاک اسرائیلی وزیراعظم کا بھی کہنا تھا کہ میں نے ڈونلڈ ٹرمپ کے ساتھ کسٹم ڈیوٹی سمیت اسرائیلی قیدیوں اور غزہ کے بارے میں بھی بات چیت کی ہے۔ غاصب اسرائیلی وزیراعظم نے کہا کہ امریکہ کے ساتھ تجارت میں موجود محدودیتوں اور غیر ضروری رکاوٹوں کو ہٹا دیا جائے گا۔ نیتن یاہو نے کہا کہ اسٹیو وٹکاف (خطے میں امریکی نمائندے) نے اس معاہدے کے حصول میں مدد کی تھی کہ جس کے ذریعے ہم 25 اسرائیلی قیدیوں کو واپس لانے میں کامیاب ہوئے تھے۔ غاصب صیہونی وزیراعظم نے زور دیتے ہوئے کہا کہ میں نے شام کی صورتحال اور ترکی کے ساتھ بگڑتے تعلقات پر بھی بات کی ہے اور ہم نہیں چاہتے کہ شام ہمارے خلاف دہشتگرد کاروائیوں کے میدان میں بدل جائے۔ غاصب اسرائیلی وزیراعظم نے مزید کہا کہ میں نے ڈونلڈ ٹرمپ کے ساتھ ایرانی جوہری پروگرام سے متعلق ''بحران'' کے حل پر بھی بات چیت کی ہے!
پیپلز پارٹی کی حمایت کے بغیر وفاقی حکومت چل نہیں سکتی، ہمارے پاس گرانے کی طاقت ہے: مراد علی شاہ