حاملہ بیوی کو قتل کیا، بچوں نے شور مچایا تو انہیں باندھ کر جھونپڑی کو آگ لگادی، گرفتار ملزم کا اعتراف جرم
اشاعت کی تاریخ: 7th, April 2025 GMT
میرپورخاص میں حاملہ بیوی اور دو بچوں کو آگ لگا کر قتل کرنے والے ملزم نے اعتراف جرم میں بتایا ہے کہ اس نے تشدد کرکے بیوی کو قتل کیا، بچوں نے چیخ پکار کی تو ان کے ہاتھ پاوں باندھ کر جھونپڑی کو ہی آگ لگا دی۔
حاملہ بیوی اور دو بچوں کو آگ لگاکر قتل کرنے والے ملزم کو عدالت نے مزید 2 روزہ ریمانڈ پر پولیس کے حوالے کردیا۔
میرپورخاص میں جوڈیشل مجیسٹریٹ کی عدالت میں گرفتار ملزم کو پیش کردیا گیا، ملزم کو دو روزہ ریمانڈ پر پولیس کے حوالے کردیا گیا ہے۔
میرپور خاص: شوہر نے حاملہ بیوی کو بچوں سمیت زندہ جلادیاگرفتار شوہر نے اعترافِ جرم میں بتایا کہ اُس نے اپنی 45 سال کی حاملہ بیوی کو غیرت کے نام پر قتل کیا۔
ملزم نے 7 ماہ کی حاملہ بیوی کو 2 بچوں سمیت تشدد کرکے آگ لگادی تھی۔
ملزم نے گرفتاری کے بعد اعتراف جرم کرتے ہوئے کہا کہ شک کی بنیاد پر بیوی کو بچوں سمیت قتل کیا۔
واقعہ 2 اپریل کو تحصیل سندھڑی کے گاؤں ولی محمد منگریو میں پیش آیا تھا۔
ذریعہ: Jang News
کلیدی لفظ: حاملہ بیوی کو قتل کیا
پڑھیں:
انگلینڈ کے رکن پارلیمنٹ عصمت دری اور بچوں سے زیادتی کے الزام میں گرفتار
انگلینڈ(نیوز ڈیسک)انگلینڈ کے رکن پارلیمنٹ ڈین نورس کو ریپ، بچوں کے جنسی جرائم اور عصمت دری کے شبہے میں گرفتار کر لیا گیا ہے۔ لیبر پارٹی نے اعلان کیا ہے کہ اس نے نارتھ ایسٹ سمرسیٹ اور ہنہم کے ایم پی کو ان کی گرفتاری کی اطلاع ملنے پر ’’فوری طور پر معطل‘‘ کر دیا ہے۔
ایون اور سمرسیٹ پولیس نے تصدیق کی کہ ساٹھ کی دہائی کے ایک مرد کو جمعہ کے روز گرفتار کیا گیا اور بعد ازاں مشروط ضمانت پر رہا کر دیا گیا۔ مسٹر نورس، جن کی عمر 65 ہے، 2024 میں نارتھ ایسٹ سمرسیٹ اور ہنہم کے ایم پی کے طور پر منتخب ہوئے، کنزرویٹو ایم پی جیکب ریس موگ پر فتح حاصل کی۔ اس سے قبل انہوں نے 1997 سے 2010 تک پارلیمنٹ میں وانسڈائیک کے حلقے کے نمائندے کے طور پر خدمات انجام دیں۔
پارلیمنٹ میں اپنے وقت کے دوران، مسٹر نورس وزیر اعظم گورڈن براؤن کے ماتحت جونیئر وزیر کے عہدے پر فائز رہے اور وزیر اعظم ٹونی بلیئر کے ماتحت اسسٹنٹ وہپ کے طور پر خدمات انجام دیں۔ مزید برآں وہ 2021 سے ویسٹ آف انگلینڈ کے میئر کے طور پر خدمات انجام دے رہے ہیں، تاہم توقع ہے کہ وہ مئی میں ہونے والے بلدیاتی انتخابات سے قبل مستعفی ہو جائیں گے۔
لیبر پارٹی کے ترجمان نے کہا کہ ڈین نورس ایم پی کو لیبر پارٹی نے ان کی گرفتاری کی اطلاع ملنے پر فوری طور پر معطل کر دیا ہے ہم مزید تبصرے سے قاصر ہیں جب تک کہ پولیس کی تفتیش فعال ہے۔
پیپلز پارٹی کی حمایت کے بغیر وفاقی حکومت چل نہیں سکتی، ہمارے پاس گرانے کی طاقت ہے: مراد علی شاہ