وہ چوہا جو اب تک سیکڑوں بارودی سرنگوں کا سراغ لگا چکا ہے
اشاعت کی تاریخ: 7th, April 2025 GMT
بارودی سرنگیں سونگھنے والے ایک افریقی چوہے نے جنوب مشرقی ایشیائی ملک کمبوڈیا میں 100 سے زیادہ بارودی سرنگیں اور دیگر دھماکا خیز مواد کا سراغ لگا کر ورلڈ ریکارڈ قائم کر دیا ہے۔
بیلجیئم کی غیر سرکاری تنظیم اپوپو نے 2021 کے بعد سے 109 بارودی سرنگیں اور 15 دھماکا خیز مواد ڈھونڈنے پر اس چوہے کو سب سے کامیاب بارودی سرنگیں ڈھونڈنے والا چوہا قرار دیا ہے۔
رونِن نامی اس چوہے کی خدمات کا اعتراف کرتے ہوئے گینیز ورلڈ ریکارڈز کا کہنا تھا کہ اس چوہے کے مشکل کام نے ان لوگوں کی زندگی پر فرق ڈالا ہے جو اپنے معمول کے امور کرتے ہوئے ایک غلط قدم اٹھاتے ہوئے بھی ڈرتے تھے۔
اپوپو کا ایک بیان میں کہنا تھا کہ رونِن کا کام ابھی ختم نہیں ہوا ہے۔ اس کی عمر صرف پانچ برس ہے اور یہ ممکنہ طور پر دو سال یا اس سے زیادہ عرصہ تلاش کا کام کرسکتا ہے اور اپنے ریکارڈ کو مزید آگے لے جا سکتا ہے۔
ادارے نے بتایا کہ رونِن کو اگست 2021 میں کمبوڈیا کے صوبے پریہہ ویہیر میں تعینات کیا گیا تھا۔
.ذریعہ: Express News
کلیدی لفظ: بارودی سرنگیں
پڑھیں:
مائیکروسافٹ ملازمین کا فلسطین کے حق میں احتجاج
مائیکروسافٹ کی 50 ویں سالگرہ کے موقع پر ہونے والی مرکزی تقریب میں کچھ ملازمین نے فلسطین میں جاری اسرائیلی جارحیت کے خلاف مظاہرہ کیا۔ اسلام ٹائمز۔ مائیکروسافٹ کی گولڈن جوبلی تقریب میں ملازمین نے اسرائیلی جارحیت کے خلاف فلسطین کے حق میں آواز بلند کرتے ہوئے احتجاج ریکارڈ کروا دیا۔مائیکروسافٹ کی 50 ویں سالگرہ کے موقع پر ہونے والی مرکزی تقریب میں کچھ ملازمین نے فلسطین میں جاری اسرائیلی جارحیت کے خلاف مظاہرہ کیا۔ تقریب کے دوران معاملات اُس وقت کشیدہ ہوئے جب مائیکروسافٹ اے آئی کے سربراہ مصطفیٰ سلیمان کمپنی کے نئے AI اسسٹنٹ "Copilot" کی اپڈیٹس اور مستقبل کے منصوبوں پر روشنی ڈال رہے تھے۔ اسی دوران مائیکروسافٹ کی ایک خاتون ملازم ابتہال ابوسعید اسٹیج کے قریب پہنچیں اور پُرعزم آواز میں کہا مصطفیٰ تمہیں شرم آنی چاہیے، تم AI کو بہتری کے لیے استعمال کرنے کی بات کرتے ہو، جبکہ مائیکروسافٹ اسرائیلی فوج کو مصنوعی ذہانت پر مبنی ٹیکنالوجی مہیا کر رہا ہے، 50 ہزار افراد شہید ہو چکے ہیں اور کمپنی اس ظلم کو بڑھاوا دے رہی ہے۔ اس احتجاج پر مصطفیٰ سلیمان نے مختصر ردِعمل دیتے ہوئے کہا کہ آپ کے احتجاج کا شکریہ میں نے آپ کی بات سن لی ہے۔ مگر ابتہال نے جواب میں کہا کہ آپ کے ہاتھ خون سے رنگے ہوئے ہیں، پورا مائیکروسافٹ خون آلود ہے۔ ذرائع کے مطابق اس موقع پر مائیکروسافٹ کے بانی بل گیٹس اور سابق سی ای او اسٹیو بالمر بھی موجود تھے، جنہوں نے یہ سب منظر اپنی آنکھوں سے دیکھا۔
پیپلز پارٹی کی حمایت کے بغیر وفاقی حکومت چل نہیں سکتی، ہمارے پاس گرانے کی طاقت ہے: مراد علی شاہ