پی آئی اے کی پرواز پر سگریٹ پینے سے روکنے پر مسافر کا ایئرہوسٹس پر حملہ، ملزم گرفتار
اشاعت کی تاریخ: 7th, April 2025 GMT
پاکستان انٹرنیشنل ایئرلائن (پی آئی اے) کی پیرس پرواز کے دوران سگریٹ پینے سے منع کرنے پر مسافر نے ایئر ہوسٹس پر حملہ کردیا، جس پر فرانسیسی پولیس نے اسے گرفتار کرلیا۔
یہ بھی پڑھیں پاکستانی ایئر لائنز پر برطانوی پابندی بارے چہ میگوئیوں سے گریز کیا جائے، پی آئی اے
میڈیا رپورٹس کے مطابق پی آئی اے کی اسلام آباد سے پیرس جانے والی پرواز پی کے 749 پر مسافر نے قانون کی خلاف ورزی کرتے ہوئے تمباکو نوشی کی کوشش کی، جس پر فضائی عملے نے اسے منع کیا۔
فضائی عملے کی جانب سے منع کرنے کے باوجود مسافر نے تمباکو نوشی بند کرنے کے بجائے بدتمیزی شروع کردی۔
مسافر نے خاتون فضائی میزبان کا بازو پکڑ کر مروڑا اور کمر پر مکا بھی مارا، اس کے علاوہ فلائیٹ اسٹیورٹ اور کپتان پر بھی حملہ کیا مگر انہوں نے محفوظ رہ کر مسافر سے سگریٹ چھین لی۔
اس کے بعد کپتان نے پرواز کے دوران ہی فرانسیسی حکام کو واقعے سے آگاہ کیا، جس کے بعد پرواز کے پیرس میں لینڈ ہوتے ہی مسافر کو گرفتار کرلیا گیا۔
میڈیا رپورٹس کے مطابق فضائی میزبانوں کے بیانات ریکارڈ کرکے اور ان کا میڈیکل کروا کر پولیس رپورٹ درج کر لی گئی۔
دوسری جانب پی آئی اے کے ترجمان نے کہاکہ اس معاملے میں فرانسیسی قوانین بہت سخت ہیں، امید ہے کہ مسافر سے کوئی رعایت نہیں برتی جائے گی۔
یہ بھی پڑھیں پی آئی اے کا لاہور سے اسکردو اور گلگت کے لیے دوطرفہ پروازیں شروع کرنے کا اعلان
انہوں نے کہاکہ اس مسافر کو پی آئی اے پر بلیک لسٹ کردیا گیا ہے، اب وہ دوبارہ قومی ایئرلائن پر سفر نہیں کر سکے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews ایئرہوسٹ تشدد پاکستان انٹرنیشنل ایئرلائن پی آئی اے پیرس پرواز وی نیوز.ذریعہ: WE News
کلیدی لفظ: ایئرہوسٹ تشدد پاکستان انٹرنیشنل ایئرلائن پی ا ئی اے پیرس پرواز وی نیوز پی ا ئی اے مسافر نے
پڑھیں:
لاہور میں عید کی چھٹیاں موت کا پروانہ بن گئیں
عید کے موقع پر چھٹیاں موت کا پروانہ بن گئیں، لاہور کے علاقے مناواں میں عید کی زائد چھٹیاں کرنے پر دکاندار نے مبینہ طور پر تشدد کرکے 18 سالہ ملازم کی جان لے لی۔
واقعے کا مقدمہ درج کر کے ملزم کو گرفتار کر لیا گیا ہے، پولیس کے مطابق 18 سالہ عبداللہ ایک دودھ کی دکان پر پر کام کرتا تھا، جہاں عید کے موقع پر چھٹیاں کرنے پر دکان کے مالک اصغر نے غصے میں آ کر اسے شدید تشدد کا نشانہ بنایا۔
زخمی عبداللہ کو فوری طور پر طبی امداد کے لیے اسپتال منتقل کیا گیا تاہم وہ جانبر نہ ہو سکا اور دورانِ علاج دم توڑ گیا۔
یہ بھی پڑھیں:
مناواں پولیس نے بروقت کارروائی کرتے ہوئے دکان کے مالک کو گرفتار کر لیا ہے اور مزید تفتیش جاری ہے جبکہ مقتول کے والد کی مدعیت میں نامزد ملزم کے خلاف مقدمہ درج کرلیا گیا۔
ایس پی کینٹ قاضی علی رضا کے مطابق 18 سالہ مقتول عبداللہ ملک شاپ پر کام کرتا تھا جہاں دوکان کے مالک ملزم اصغر نے چھٹیاں زیادہ کرنے کی پاداش میں عبداللہ کو تشدد کا نشانہ بنایا۔
زخمی عبداللہ کو طبی امداد کے لیے اسپتال منتقل کیا گیا جہاں وہ دم توڑ گیا، اہلِ علاقہ نے واقعے پر شدید افسوس کا اظہار کرتے ہوئے متاثرہ خاندان کو انصاف فراہم کرنے کا مطالبہ کیا ہے۔
مزید پڑھیں:
ایس پی کینٹ قاضی علی رضا نے بتایا کہ مناواں پولیس نے ملزم اصغر عرف حسنین کو چھاپہ مار کر گرفتار کیا، مقتول کے والد شہزاد کی مدعیت میں نامزد ملزم کے خلاف مقدمہ درج کیا جارہا ہے۔
گرفتار ملزم اصغر کو مزید تفتیش کے لیے انویسٹی گیشن ونگ کے حوالے کردیا گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایس پی کینٹ پولیس زائد چھٹیاں قاضی علی رضا لاہور ملزم اصغر مناواں نوجوان عبداللہ
عوام کی معاشی کمر ٹوٹ جانے کا نتیجہ، رواں سال عید خریداری کا حجم کم ترین سطح پر آ گیا