پی آئی اے کی اسلام آباد سے پیرس جانے والی پرواز میں ہنگامہ، مسافر گرفتار
اشاعت کی تاریخ: 7th, April 2025 GMT
قومی ایئرلائن پی آئی اے کی اسلام آباد سے پیرس جانے والی پرواز میں بدتمیزی اور تشدد کا افسوسناک واقعہ پیش آیاہے ، ایک مسافر نے سگریٹ نوشی سے منع کرنے پر آپے سے باہر ہوتے ہوئے فضائی میزبان پر حملہ کر دیا۔
تفصیلات کے مطابق “سفیر” نامی مسافر کو دورانِ پرواز سگریٹ نوشی سے روکا گیا تو وہ آپے سے باہر ہو گیا اور فضائی میزبان سے بدتمیزی کرتے ہوئے تشدد پر اُتر آیا۔ واقعے کے دوران جب فلائٹ اسٹیورڈ نے مداخلت کی اور فضائی میزبان کو بچانے کی کوشش کی، تو مسافر نے اس پر بھی حملہ کر دیا۔
صورتحال کی سنگینی کو دیکھتے ہوئے پرواز کے کپتان نے لینڈنگ سے قبل پیرس ایئرپورٹ کے ایئر ٹریفک کنٹرول سے رابطہ کیا اور سیکیورٹی طلب کرلی۔ جیسے ہی پرواز پیرس ایئرپورٹ پر اتری، سیکیورٹی اہلکار فوری طور پر طیارے میں پہنچ گئے اور مذکورہ مسافر کو حراست میں لے لیا۔
سکیورٹی فورس نے فضائی میزبان کا بیان بھی ریکارڈ کر لیا، جبکہ ترجمان پی آئی اے نے واقعے کی تصدیق کرتے ہوئے کہا ہے کہ مسافر کے خلاف کارروائی کی جائے گی۔
ذریعہ: Daily Mumtaz
پڑھیں:
ٹرمپ نے یمن پر فضائی حملے کی ویڈیو پوسٹ کردی
امریکا کے صدر ڈونلڈ ٹرمپ نے یمن میں حوثیوں پر حملے کی ویڈیو اپنے سوشل میڈیا پر شیئر کردی۔
امریکی صدر ڈونلڈ ٹرمپ نے سوشل میڈیا پر حملے کی ویڈیو اپ لوڈ کرتے ہوئے لکھا کہ حوثی ایک حملے کے لیے ہدایات لینے کے لیے جمع ہوئے تھے۔ اب حوثی کبھی بھی ہمارے بحری جہازوں کو نہیں ڈبو سکیں گے۔
حملے کی بلیک اینڈ وائٹ ویڈیو میں متعدد لوگ سڑک پر جمع دکھائی دے رہے ہیں جس کے کچھ لمحوں بعد زوردار دھماکا اور دھواں اٹھتا دکھائی دیتا ہے۔ ویڈیو میں دھماکے سے متاثر بڑے حصے کو بھی دکھایا گیا ہے۔
رواں ہفتے حوثیوں کی جانب سے67 اہلکاروں کی ہلاکت کی تصدیق کرتے ہوئے کہا گیا تھا کہ یہ حملے امریکا کی جانب سے کیے گئے۔ حملے منصوریہ کے ضلع حدیدیہ، سعدہ اور حاجا شامل ہیں۔
عوام کی معاشی کمر ٹوٹ جانے کا نتیجہ، رواں سال عید خریداری کا حجم کم ترین سطح پر آ گیا