صبا فیصل اور نیہا کے درمیان ایک بار پھر فاصلے؟ سوشل میڈیا پر خاموش کشمکش جاری
اشاعت کی تاریخ: 7th, April 2025 GMT
کراچی (شوبز ڈیسک) پاکستان کی سینئر اداکارہ صبا فیصل اور ان کی بہو نیہا ملک کے درمیان ایک بار پھر فاصلے بڑھتے دکھائی دے رہے ہیں۔ سوشل میڈیا پر پوسٹس، تصاویر اور کیپشنز سے جنم لینے والے اشارے اس بات کی نشاندہی کر رہے ہیں کہ دونوں کے درمیان تعلقات ایک بار پھر کشیدہ ہو چکے ہیں۔
یہ تنازعہ نیا نہیں۔ 2022 میں دونوں خواتین کے درمیان سوشل میڈیا پر واضح طور پر لفظی جنگ چھڑ گئی تھی، جس میں صبا فیصل نے اپنے بیٹے سلمان فیصل اور ان کی بیوی نیہا سے لا تعلقی کا اعلان بھی کیا تھا۔ تاہم 2023 میں دونوں فریقین کے درمیان صلح کی خبریں آئیں، انسٹاگرام پر محبت بھرے پیغامات اور فیملی تصاویر نے ثابت کیا کہ تعلقات میں بہتری آ چکی ہے۔
مگر 2024 کی عید نے ان خبروں کو پھر سے دھندلا دیا۔ صبا فیصل نے اپنی انسٹاگرام پوسٹ میں “عید کی خوشیاں اپنوں کے ساتھ” لکھ کر کچھ تصاویر شیئر کیں، جن میں نیہا اور ان کے شوہر سلمان فیصل کہیں دکھائی نہیں دیے۔ حیران کن طور پر صبا کا دوسرا بیٹا ارسلان فیصل تو موجود تھا، لیکن بہو اور پوتا تصویر سے غائب رہے۔
دوسری جانب نیہا ملک نے بھی انسٹاگرام پر “الگ عید” مناتے ہوئے تصاویر شیئر کیں، جس میں وہ اپنے خاندان کے ساتھ نظر آئیں۔ ان کی پوسٹ کا کیپشن کچھ یوں تھا:
“عید مبارک میری انسٹاگرام فیملی کو، پوسٹ بہت دیر سے شیئر کر رہی ہوں، مومز لائف! شکر الحمدللہ تمام نعمتوں کے لیے اور ان سچے رشتوں کے لیے جو مجھے ملے۔”
اس کیپشن نے سوشل میڈیا پر “کوڈڈ میسج” کی شکل اختیار کر لی، جہاں صارفین نے اسے صبا فیصل کے بیان کا جواب قرار دیا۔ دونوں نے ایک دوسرے کو انسٹاگرام سے ان فالو بھی کر دیا ہے، جبکہ نیہا نے ساس اور نند کے ساتھ تمام تصاویر بھی اپنی پروفائل سے ہٹا دی ہیں۔
اگرچہ یہ محض سوشل میڈیا کی سرگرمیاں ہیں، لیکن شوبز اور مداحوں کے حلقے ایک بار پھر اس “ساس-بہو” تعلق کی اصل حقیقت جاننے کے لیے بے تاب ہیں۔ کیا یہ صرف غلط فہمی ہے یا ایک نیا باب کھلنے والا ہے؟ وقت ہی بتائے گا۔
مزیدپڑھیں:مجھے کسی کامیاب مرد کی ضرورت نہیں، ایسا شخص چاہتی ہوں جو ۔۔کرینہ کپور کے انکشاف سے ہلچل مچ گئی
ذریعہ: Daily Ausaf
کلیدی لفظ: سوشل میڈیا پر ایک بار پھر کے درمیان صبا فیصل اور ان
پڑھیں:
سوشل میڈیا پر صدر مملکت کی صحت کے بارے میں بے بنیاد پروپیگنڈہ کیا جا رہا ہے، ڈاکٹر عاصم حسین
کراچی(اردوپوائنٹ اخبار تازہ ترین۔05اپریل 2025) صدرمملکت آصف علی زرداری کے ذاتی معالج ڈاکٹر حسین عاصم حسین کا کہنا ہے کہ سوشل میڈیا پر صدر مملکت کی صحت کے بارے میں بے بنیاد پروپیگنڈہ کیا جا رہا ہے،صدر آصف علی زرداری کی صحت بتدریج بہتر ہورہی ہے، کل یا پرسوں تک انہیں ہسپتال سے رخصت دیکر گھر بھیج دیا جائے گا، کراچی میں میڈیا سے گفتگو کرتے ہوئے ڈاکٹر عاصم حسین نے کہا کہ بھارتی میڈیا پر صدرآصف زرداری کی صحت کے بارے میں غلط خبریں چلا ئی جا رہی ہیں۔صدر مملکت کی صحت کے حوالے سے کسی قسم کی پریشانی کی کوئی بات نہیں ہے۔ انہوں نے کہا کہ سیاسی مخالفین جو بھی بات کریں، کسی بھی بات کو ٹوئسٹ کرتے رہیں لیکن افواہیں نہیں پھیلانی چاہئیں۔ بھارتی میڈیا ہمارے سوشل میڈیا سے باتیں اٹھا کر مین سٹریم میڈیا پر پروپیگنڈہ کرتا ہے اس لئے ہمیں احتیاط کرنی چاہیے۔(جاری ہے)
صدر مملکت کو بلڈ پریشر اور شوگر ہے۔
ڈاکٹر عاصم حسین نے کہا کہ صدر مملکت ہفتے کے روز اسلام آباد سے نوابشاہ گئے تھے اور عید کے دن ان کی طبیعت اچانک خراب ہوئی جس کے بعد انہوں نے خود مجھے کال کی میں نے فوری طور پر فیصلہ کیا کہ انہیں کراچی لے جانا زیادہ بہتر ہوگا۔ صدر کو فوری طور پر طبی نگہداشت فراہم کی گئی۔نوابشاہ میں صحت کی سہولیات محدود تھیں اس لئے صدر آصف علی زرداری کو کراچی منتقل کیا گیا۔ان کا کہنا تھا کہ کورونا کا کم اثرات والا ویرینٹ اب بھی پھیل رہا ہے۔کورونا ابھی بھی پاکستان میں موجود ہے۔ اینٹی وائرس دوائیاں اب آگئی ہیں۔ڈاکٹر عاصم حسین کا گفتگو کرتے ہوئے مزید کہنا تھا کہ سینئر ڈاکٹرز کی ایک ٹیم صدر مملکت کا علاج کر رہی ہے۔آصف زرداری کی طبیعت اب بہتر ہے۔ آصف زرداری کی ملاقاتوں پر پابندی ہے۔ صرف ڈاکٹرز کو ہی ان تک رسائی حاصل ہے۔ ماہر ڈاکٹرز کا پینل آصف زرداری کی صحت کو مانیٹر کررہا ہے۔ آصف علی زرداری کے اہل خانہ کو روزانہ کی بنیاد پر صحت سے متعلق آگاہی دے رہے ہیں۔ان کا یہ بھی کہنا تھا کہ سوشل میڈیا پر جو خبریں چل رہی ہیں وہ مناسب نہیں۔ سوشل میڈیا پرآصف علی زرداری کی صحت کے حوالے سے چلنے والی خبریں جعلی ہیں۔ڈاکٹر عاصم حسین نے عوام سے اپیل کی ہے کہ افواہوں پر یقین نہ کریں اور صدر مملکت کی صحت کے حوالے سے صرف مصدقہ اطلاعات پر انحصار کریں۔عوام مستند ذرائع سے حاصل شدہ اطلاعات پر یقین کریں۔ سیاسی مخالفین جو مرضی کہتے رہیں حقیقت کو جھٹلایا نہیں جا سکتا۔ بھارت تو ویسے ہی ہمارا دشمن ہے۔ وہاں سے ہمارے خلاف پروپیگنڈہ کیا جا رہا ہے۔ایک سوال کے جواب میں ڈاکٹر عاصم حسین کا کہنا تھا کہ ہسپتال سے صدرمملکت کی فوٹیج جاری کرنا یا نہ کرنا ایک سیاسی فیصلہ ہے جس پر حکومت یا ایوان صدر کو غور کرنا ہے۔واضح رہے کہ اس سے قبل صدر مملکت کے ذاتی معالج ڈاکٹر عاصم حسین نے کہا تھا کہ آصف علی زرداری کا کورونا ٹیسٹ مثبت آیا تھا اور انہیں آئیسولیشن میں رکھا گیا تھا۔ان کا کہنا تھا کہ صدرمملکت کے مختلف ٹیسٹ کئے گئے تھے اوران کی مکمل مانیٹرنگ کی جا رہی تھی۔ جیو نیوز سے گفتگو کرتے ہوئے صدر مملکت کے ذاتی ڈاکٹر عاصم حسین نے یہ بھی کہا تھاکہ آصف علی زرداری انفیکشنز ڈیزیز کے ماہرین کے زیرعلاج ہیں اور ان سے ملاقاتوں پر مکمل پابندی عائد تھی۔انہوں نے کہا تھا کہ صدر مملکت آصف علی زرداری کراچی کے نجی ہسپتال میں زیرعلاج تھے اور ان کی مکمل دیکھ بھال کی جا رہی تھی جبکہ ان کے مزید ٹیسٹ بھی کئے جا رہے تھے۔صدر کے ذاتی معالج ڈاکٹر عاصم حسین نے یہ بھی بتایا تھا کہ مختلف ٹیسٹوں کے بعد اس بات کی تصدیق ہوئی تھی کہ صدر مملکت کورونا میں مبتلا تھے۔آصف زرداری کی طبیعت ناساز ہونے پر انہیں نواب شاہ سے کراچی منتقل کیا گیا تھا۔
کوہاٹ میں یوم القدس ریلی