ایکس پر لوگوں کی نقالی کرنے والے اکاؤنٹس مشکل میں
اشاعت کی تاریخ: 7th, April 2025 GMT
سوشل میڈیا پلیٹ فارم ایکس نے پیروڈی اکاؤنٹس کے لیے سخت قوانین لانے کا اعلان کردیا۔
یہ بھی پڑھیں: ایلون مسک نے ٹرمپ انتظامیہ سے اپنے ممکنہ استعفے کی رپورٹس کو ’جعلی خبر‘ قرار دے دیا
بی بی سی کے مطابق ایسے اکاؤنٹس جو کسی دوسرے صارف یا شخص کی نقالی کرتے ہیں اب اس بات کے پابند ہوں گے کہ وہ اپنے اکاؤنٹ کے نام کے آغاز میں ’جعلی‘ یا ’پیروڈی‘ جیسے کلیدی الفاظ استعمال کریں۔
پیروڈی اکاؤنٹ ہولڈرز سے یہ بھی تقاضا کیا جائے گا کہ وہ ان ایکس اکاؤنٹس کے لیے مختلف تصاویر استعمال کریں جن کی وہ نمائندگی کرنا چاہتے ہیں۔
کچھ صارفین نے پلیٹ فارم پر پیروڈی اکاؤنٹس کی وجہ سے پیدا ہونے والی الجھن کے بارے میں شکایت کی ہے۔ ایسی ویڈیوز میں ایکس کے مالک ایلون مسک کی نقالی بھی شامل ہے۔
کمپنی نے ہفتے کے روز ایک پوسٹ میں کہا کہ یہ تبدیلیاں صارفین کے لیے الجھن یا نقالی کے باعث مشکل میں مبتلا ہونے سے بچانے کے لیے کی جارہی ہیں۔
مزید پڑھیے: امریکا میں ایلون مسک کی کمپنی ٹیسلا کے باہر شہریوں کا احتجاجی مظاہرہ
ایکس نے ایسے اکاؤنٹس کو انفورسمنٹ کی تاریخ تک اپنے پروفائلز کو اپ ڈیٹ کرنے کی ترغیب دی ہے۔ یہ تبدیلیاں مداحوں اور کمنٹری اکاؤنٹس پر بھی لاگو ہوں گی۔
دریں اثنا ایک صارف نے کمپنی کے اعلان کے جواب میں لکھا کہ انہیں ہفتے میں ایلون مسک کے کم از کم ایک جعلی اکاؤنٹ کے ذریعے رابطہ کیا جاتا ہے۔
ایلون مسک کے پیروڈی اکاؤنٹس سے پبلش کی گئی پوسٹس میمز اور لطیفوں سے لے کر کریپٹو کرنسی اور گاڑیوں کے تحفے دینے کے اعلان تک شامل ہیں۔
مزید پڑھیں: سابقہ ٹوئٹر موجودہ ’ایکس‘ پر اب کسی کو بلاک نہیں کیا جا سکے گا، ایلون مسک
ایلون مسک کے پیروڈی اکاؤنٹ کی ایک حالیہ پوسٹ جس کے 10 لاکھ سے زیادہ فالوورز ہیں نے صارفین کو ٹیسلا جیتنے کے موقعے کے لیے ’لائک اور کمنٹ‘ کرنے کو کہا تھا۔
پوسٹ کو 428،000 لائکس اور 200،000 سے زیادہ جوابات موصول ہوئے۔
اگر کسی پیروڈی اکاؤنٹ کا نام خاص طور پر طویل ہو اور فیڈز یا جوابات میں اس کا صرف ایک مختصر ورژن ظاہر ہوتا ہے تو صارفین انجانے میں دھوکہ کھا جاتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایکس ایکس پر پیروڈی اکاؤنٹس ایلون مسک.ذریعہ: WE News
کلیدی لفظ: ایکس ایلون مسک ایلون مسک کے لیے
پڑھیں:
ایس ای سی پی کا ’کارپوریٹ اکاؤنٹ کھولنے‘ کا نیا سیکشن متعارف کروانیکا فیصلہ
کلیم اختر:سیکیورٹیز اینڈ ایکسچینج کمیشن آف پاکستان (ایس ای سی پی) کا ای زی فائل پورٹل میں "کارپوریٹ اکاؤنٹ کھولنے" کانیا سیکشن متعارف کروانیکافیصلہ۔
کارپوریٹس کیلئےایک ہی دن میں اکاؤنٹ کھولنےبارےاقدامات اٹھانےکاعمل شروع کر دیا گیا، ایس ای سی پی نےسنٹرل ڈپازٹری کمپنی کیساتھ مشاورت سےایک کانسپٹ پیپرتیارکرلیا۔
اس عمل سے ای زی فائل پورٹل کو اسی دن کارپوریٹ بینک اکاؤنٹ کھولنے کیلئے مزیدبہتربنایاجاسکےگا، کانسپٹ پیپر تیار کا مقصد ضوابطی، تکنیکی و ڈیجیٹل طریقہ کار کو بینکنگ نظام کیساتھ ہم آہنگ کرنا ہے۔
غیر ضروری رکاوٹیں ختم کرنے کے ساتھ کارکردگی کو بھی مزید بہتر کیا جا سکے گا، کاروبار میں آسانی کو فروغ، مالی شمولیت کو بڑھانا و معاشی ترقی کی حمایت کرنا خصوصیات میں شامل ہے۔
تصدیق شدہ ڈیٹا بغیر کسی رکاوٹ و معیاری پہلو کو مدنظر رکھتے ہوئے منتخب بینکوں کیساتھ شیئر کیاجائیگا۔
بہت بڑے ہاسپٹل کے سربراہ کو کورونا ہو گیا
متحدہ عرب امارات میں بھی عید الفطر کا چاند نظر آ گیا