چیئر مین سی ڈی اے کی زیر صدارت اجلاس،سیکٹرز ڈیولپمنٹ پلان پر تفصیلی غور
اشاعت کی تاریخ: 7th, April 2025 GMT
چیئر مین سی ڈی اے کی زیر صدارت اجلاس،سیکٹرز ڈیولپمنٹ پلان پر تفصیلی غور WhatsAppFacebookTwitter 0 7 April, 2025 سب نیوز
اسلام آباد (سب نیوز )سی ڈی اے چیئرمین محمد علی رندھاوا کی زیرصدارت مختلف سیکٹرز کی ڈویلپمنٹ کے حوالے سے اہم اجلاس ،کیپٹل ڈویلپمنٹ اتھارٹی (سی ڈی اے) کے چیئرمین محمد علی رندھاوا کی زیرصدارت سیکٹرز ڈویلپمنٹ کے حوالے سے ہونے والے اجلاس میں سیکٹرز کے ترقیاتی کاموں کی پیش رفت، چیلنجز اور مستقبل کی حکمت عملی پر تفصیلی غور کیا گیا۔ اجلاس میں سی ڈی اے بورڈ کے اراکین، انجینئرنگ و اسٹیٹ ونگ کے سینئر افسران اور متعلقہ ونگز کے افسران نے شرکت کی۔ سی ڈی اے چیئرمین کو سیکٹر سی-14 کی ترقیاتی سرگرمیوں پر تفصیلی بریفننگ دی گئی۔
چیئرمین نے سیکٹر سی-14 میں جون تک تمام ترقیاتی کاموں بشمول روڈز، ڈرینج، سیورج، سٹریٹ لائٹس کی تکمیل اور رہائشیوں کو پلاٹس کی حوالگی کو یقینی بنانے کی ہدایت کی۔ سمندر پار پاکستانیوں کو تمام بنیادی سہولیات فراہم کرنے، یوٹیلیٹیز کی بروقت فراہمی کیلئے ڈیمانڈ نوٹس جاری کرنے اور ادائیگیوں کے عمل کو تیز کرنے پر زور دیا گیا۔ نئے سیکٹرز میں جدید سولر سٹریٹ لائٹس کی تنصیب، ہارٹیکلچر، لینڈ سکیپنگ اور شجرکاری کے ذریعے علاقوں کو خوبصورت بنانے کی ہدایت بھی جاری کی گئی۔ اجلاس میں بریفننگ دیتے ھوئے بتایا گیا کہ سیکٹر ای-12 میں روڈ انفراسٹرکچر کا 50% سے زائد کام مکمل کر لیا گیا۔
چیئرمین نے قبضہ مافیا کے خلاف سختی سے کارروائی جاری رکھنے اور کسی بھی قسم کی رعایت نہ برتنے کی واضح ہدایت کی۔ ترقیاتی کاموں کی تکمیل کے بعد پلاٹس کی مرحلہ وار حوالگی کے فیصلے کی توثیق کی گئی۔ نئے سیکٹرز میں مسجد، سکول اور ہسپتال کیلئے ایمنٹی پلاٹس مختص کرنے کی منظوری دی گئی۔ تمام ترقیاتی کاموں کی ہفتہ وار ڈرون فوٹیج کو سی ڈی اے کی سرکاری ویب سائٹ اور سوشل میڈیا پر شیئر کرنے کا حکم دیا گیا۔ شہریوں کی سہولت کیلئے تمام پلاٹس اور سڑکوں پر معلوماتی سائن بورڈز لگائے جانے کی ہدایت کی گئی۔ چیئرمین سی ڈی اے نے تمام ترقیاتی کاموں میں تیزی لانے اور جون تک مکمل کرنے کی تاکید کی۔ انہوں نے کہا کہ ڈویلپمنٹ چارجز کی ادائیگی کے بعد مالکان کو پلاٹس کی فوری حوالگی یقینی بنائی جائے۔ بلٹ اپ پراپرٹیز (BUP) سے متعلقہ تمام مسائل کو ترجیحی بنیادوں پر حل کرنے کی ہدایت جاری کی گئی۔
چیئرمین نے واضح کیا کہ غیرقانونی قابضین کے خلاف کوئی رعایت نہیں برتی جائے گی اور انفراسٹرکچر کی تعمیر میں حائل رکاوٹوں کو فوری دور کیا جائے۔ انہوں نے زور دیا کہ وہ ذاتی طور پر نئے سیکٹرز کی ترقیاتی سرگرمیوں کی نگرانی کریں گے تاکہ شہریوں کو معیاری سہولیات فراہم کی جا سکیں۔ اختتام پر چیئرمین محمد علی رندھاوا نے کہا کہ شہریوں کی بہتر سہولیات ہماری اولین ترجیح ہیں۔ ہماری کوشش ہے کہ سیکٹرز کے ترقیاتی کاموں میں شفافیت اور معیار کو یقینی بناتے ہوئے عوام کو انکاحقدیاجائے۔
.ذریعہ: Daily Sub News
پڑھیں:
مجلس وحدت مسلمین کا انٹرا پارٹی الیکشن 18 اپریل سے اسلام آباد میں شروع ہوگا
مرکزی کنونشن کی تیاریوں کے حوالے سے ایم ڈبلیو ایم پنجاب سیکرٹریٹ میں اجلاس منعقد ہوا۔ اجلاس کی صدارت مرکزی کنونشن کے چیئرمین سید ناصر عباس شیرازی نے کی۔ اجلاس میں وائس چیئرمین علامہ سید احمد اقبال رضوی اور مرکزی سیکرٹری سیاسیات سید اسد عباس نقوی سمیت صوبائی کابینہ کے ارکان نے خصوصی شرکت کی۔ مرکزی کنونشن مجلس وحدت مسلمین پاکستان میں عوامی اور خصوصی شرکت کے بارے تبادلہ خیال کیا گیا۔ اسلام ٹائمز۔ مجلس وحدت مسلمین پاکستان کا مرکزی کنونشن اسلام آباد میں ہوگا۔ آئندہ تین سال کیلئے نئے چیئرمین کا انتخاب عمل میں لایا جائے گا۔ مرکزی کنونشن کی تیاریوں کے حوالے سے ایم ڈبلیو ایم پنجاب سیکرٹریٹ میں اجلاس منعقد ہوا۔ اجلاس کی صدارت مرکزی کنونشن کے چیئرمین سید ناصر عباس شیرازی نے کی۔ اجلاس میں وائس چیئرمین علامہ سید احمد اقبال رضوی اور مرکزی سیکرٹری سیاسیات سید اسد عباس نقوی سمیت صوبائی کابینہ کے ارکان نے خصوصی شرکت کی۔ مرکزی کنونشن مجلس وحدت مسلمین پاکستان میں عوامی اور خصوصی شرکت کے بارے تبادلہ خیال کیا گیا۔ مرکزی کنونشن مجلس وحدت مسلمین پاکستان بقیہ اللہ 18/19/20 اپریل 2025ء کو اسلام آباد میں منعقد ہو گا، جس میں اگلے 3 سال کیلئے نئے چیئرمین کا انتخاب ہوگا۔ا
اس انٹرا پارٹی الیکشن میں جو امیدوار زیادہ ووٹ حاصل کرے گا وہی اگلے 3 سال کیلئے پارٹی کو لیڈ کرے گا۔ صوبائی آفس لاہور سیکرٹریٹ میں ہونیوالا اجلاس اس لحاظ سے بھی اہمیت کا حامل تھا کہ یہ صوبائی کابینہ کا جاری سیشن کا آخری اور اہم اجلاس تھا۔ صوبائی صدر مجلس وحدت مسلمین پنجاب علامہ سید علی اکبر کاظمی کے علاوہ صوبائی جنرل سیکرٹری سید حسن رضا کاظمی، صوبائی سیکرٹری سیاسیات سید حسین زیدی، صوبائی نائب صدر سید اقبال حسین شاہ، صوبائی سیکرٹری تنظیم سازی سید انوار زیدی، صوبائی نائب صدر علامہ سید ملازم حسین نقوی، صوبائی سیکرٹری فلاح وبہبود شیخ عمران علی، صوبائی سیکرٹری مالیات فصاحت علی بخاری، صوبائی ڈپٹی جنرل سیکرٹری سید منتظر مھدی، صوبائی آفس سیکرٹری ظہیر الحسن کربلائی بھی اجلاس میں شریک تھے۔
وزیراعظم شہباز شریف کا عمان کے سلطان سے ٹیلیفونک رابطہ، عیدالفطر کی مبارکباد