کراچی میں ٹرک نے رکشے کو کچل دیا، ایک شہری جاں بحق، دوسرا زخمی
اشاعت کی تاریخ: 7th, April 2025 GMT
کراچی:
سینٹرل جیل کے قریب جیل تیز رفتار ٹرک کی رکشے کو ٹکر کے نتیجے میں رکشے میں سوار مسافر جاں بحق جبکہ رکشہ ڈرائیور زخمی ہو گیا۔
تفصیلات کے مطابق جمشید کوارٹر تھانے کی حدود میں جیل روڈ سینٹرل جیل کے قریب پیش آنے والے ٹریفک حادثے میں ایک شخص جاں بحق ہوگیا جس کی لاش ایدھی ایمبولینس کے ذریعے سول اسپتال منتقل کی گئی۔ اسپتال میں متوفی کی شناخت 45 سالہ شیخ سہیل ولد شیخ جمیل احمد کے نام سے کی گئی۔
ایس ایچ او جمشید کوارٹر اشرف جوگی کے مطابق شہروز نامی ٹرک نے رکشے کو ٹکر ماری جس کے باعث مسافر جاں بحق جبکہ رکشہ ڈرائیور زخمی ہو گیا۔ ان کا کہنا تھا کہ ابتدائی معلومات کے مطابق حادثہ بریک فیل ہونے کے باعث پیش آیا۔
پولیس نے فوری کارروائی کرتے ہوئے ٹرک کو قبضے میں لے لیا جبکہ اس کے ڈرائیور کو گرفتار کر لیا گیا ہے۔ جاں بحق ہونے والے مسافر کی رہائش فوری طور پر معلوم نہیں ہو سکی۔
.ذریعہ: Express News
پڑھیں:
کراچی: ٹریلر کی ٹکر، گاڑی میں سوار خاتون نے ڈرائیور پر گولیاں چلادیں
علامتی فوٹوکراچی کے علاقے عیسیٰ نگری کے قریب ٹریلر نے گاڑی کو ٹکر ماری جس میں سوار خاتون نے باہر نکل ٹریلر ڈرائیور پر فائرنگ کردی۔
پولیس کے مطابق خاتون گاڑی سے اتری اور ڈرائیور پر گولیاں چلادیں، ڈرائیور ٹریلر سے اتر کر بھاگا اور پولیس کے پیچھے چھپ گیا۔
پولیس حکام کا کہنا ہے کہ اس واقعے میں ملوث ڈرائیور اور خاتون زیر حراست ہیں، جبکہ واقعے کا مقدمہ بھی درج کرلیا گیا ہے، ایک ہی ایف آئی آر میں دونوں افراد کو نامزد کردیا گیا۔
مقدمہ متن کے مطابق عیسیٰ نگری کٹ کے قریب ٹریفک حادثہ پیش آیا تھا، دونوں افراد غفلت اور لاپرواہی سے گاڑی چلا رہے تھے۔ ٹریلر نے آگے نکلنے کی کوشش کی تو گاڑی کو سائیڈ لگی۔
متن میں تحریر کیا گیا کہ خاتون نے طیش میں آکر پستول نکالا اور ہوائی فائرنگ کی، خاتون نے نائن ایم ایم پستول کا لائسنس بھی موقع پر پیش کیا، خاتون کا اسلحہ لائسنس 31 دسمبر 2023 کو ایکسپائر ہوچکا ہے جبکہ خاتون کے اسلحہ لائسنس کے اصل ہونے کی تصدیق بھی کی جارہی ہے۔
4 اسلامی ممالک نے عید الفطر کی تاریخ کا اعلان کر دیا