کیا پی سی بی چیئرمین محسن نقوی مستعفی ہوگئے؟ پی سی بی کا اہم بیان سامنے آگیا
اشاعت کی تاریخ: 7th, April 2025 GMT
پاکستان کرکٹ بورڈ (پی سی بی) نے محسن نقوی کے استعفے کی تردید کردی ہے۔
پاکستان کرکٹ بورڈ (پی سی بی) نے پیر کو ان خبروں کی تردید کی ہے کہ چیئرمین محسن نقوی نے ایشین کرکٹ کونسل (اے سی سی) کے صدر کے طور پر اپنی حالیہ تقرری کے بعد اپنے عہدے سے استعفیٰ دے دیا ہے۔
یہ بھی پڑھیں: محسن نقوی کرکٹ اور وزارت دونوں نہیں چلا سکتے، شاہد آفریدی کی آرمی چیف سے ملاقات میں گفتگو
محسن نقوی کے استعفیٰ کے حوالے سے قیاس آرائیاں ہفتے کے روز سے کھیلوں کی مختلف ویب سائٹس اور سوشل میڈیا پلیٹ فارمز پر گردش کررہی تھیں، کئی رپورٹس میں دعویٰ کیا گیا تھا کہ بڑھتی ہوئی ذمہ داریوں، خاص طور پر اے سی سی کی صدارت سنبھالنے کے بعد محسن نقوی چیئرمین پی سی بی کے عہدے سے استعفیٰ دے سکتے ہیں۔
دوسری جانب پی سی بی کے حکام نے محسن نقوی کے استعفیٰ کے حوالے سے رپورٹس کو بے بنیاد قرار دیتے ہوئے مسترد کردیا ہے۔
پی سی بی کے ایک سینیئر عہدیدار نے کہا، ’محسن نقوی کے استعفیٰ سے متعلق خبروں میں کوئی صداقت نہیں ہے۔ وہ بطور چیئرمین پی سی بی اپنی ذمہ داریاں نبھا رہے ہیں اور پاکستان کرکٹ کی ترقی کے لیے پوری طرح پرعزم ہیں۔‘
یہ بھی پڑھیں: پاکستان کو ایشین کرکٹ کونسل کی صدارت مل گئی، محسن نقوی نئے صدر ہوں گے
یاد رہے کہ محسن جو وفاقی وزیر داخلہ کے طور پر بھی ذمہ داریاں سنبھالے ہوئے ہیں، اپریل کے اوائل میں اے سی سی کے بلا مقابلہ صدر منتخب ہوئے ہین، وہ 2008 کے بعد اس عہدے پر فائز ہونے والے پہلے پاکستانی بن گئے۔
ان کی تقرری کو کرکٹ حلقوں نے علاقائی کرکٹ کے معاملات میں ملک کی نمائندگی کے لیے ایک اہم پیش رفت قرار دیا۔
عہدیدار نے مزید کہا کہ پی سی بی اور اے سی سی میں دوہری ذمہ داریوں کا انعقاد ’غیر معمولی نہیں‘ تھا، محسن نقوی دونوں ذمہ داری احسن طریقے سے نبھا سکتے ہیں۔
’یہ پاکستان کے لیے اعزاز کی بات ہے کہ ہمارا نمائندہ اے سی سی کی قیادت کر رہا ہے۔ محسن نقوی کا اس مرحلے پر پی سی بی سے استعفیٰ دینے کا کوئی ارادہ نہیں ہے۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news استعفی ایشیئن کرکٹ کونسل پاکستان کرکٹ بورڈ پی سی بی محسن نقوی.ذریعہ: WE News
کلیدی لفظ: استعفی ایشیئن کرکٹ کونسل پاکستان کرکٹ بورڈ پی سی بی محسن نقوی پاکستان کرکٹ محسن نقوی کے پی سی بی اے سی سی کے لیے
پڑھیں:
وزیر داخلہ محسن نقوی کی وزیراعظم سے ملاقات، اہم امور پر تبادلہ خیال
سٹی 42 : وزیر داخلہ محسن نقوی کی آج وزیراعظم شہباز شریف سے ہونے والی ملاقات میں امن و امان سمیت سیاسی صورتحال پر تبادلہ خیال کیا گیا، وزیر داخلہ نے وزیراعظم کو بجلی کی قیمتیں کم کرنے پر بھی مبارکباد دی۔
وفاقی وزیر داخلہ محسن نقوی کی لاہور میں وزیر اعظم شہباز شریف سے ملاقات ہوئی۔
ذرائع کے مطابق دونوں کے درمیان دریائے سندھ سے نکالی جانے والی نہروں پر عوامی ردعمل پر بات چیت ہوئی۔ اس کے علاوہ وزیر داخلہ نے وزیراعظم کو افغانیوں کی اپنے ملک واپسی کے لئے جاری آپریشن بارے بھی آگاہ کیا ۔
بہت بڑے ہاسپٹل کے سربراہ کو کورونا ہو گیا
وزیر داخلہ نے ملاقات میں امن و امان سمیت سیاسی صورتحال پر بریف کیا ۔ بلوچستان اور کے پی میں امن امان کے لئے اٹھائے گئے اقدامات پر بھی تبادلہ خیال کیا گیا۔
وزیراعظم نے اس موقع پر کہا کہ حکومتی اتحادی اپنے معاملات پارلیمنٹ اور کابینہ میں متفقہ طور پر طے کرتے ہیں، حکومتی اتحادیوں میں بے مثال سیاسی ہم آہنگی ہے۔ انہوں نے کہا کہ ملکی ترقی کا پہیہ اپنے ٹریک پر چڑھ گیا ہے اب کسی کو سیاسی تخریبی کاروائیوں کی اجازت نہیں دیں گے۔ ملک میں سیاسی ٹھیراو اور امن امان کی صورتحال دن بدن ٹھیک ہو رہی ہے۔
عید الاضحیٰ کس روز، کس کس کی چھٹی ماری جائے گی
علاوہ ازیں چئرمین پی سی بی محسن نقوی نے وزیراعظم کو پی ایس ایل سیزن 10 کی تیاریوں کے لئے اٹھائے گئے اقدامات سے بھی آگاہ کیا، انہوں نے پی ایس ایل ٹورنامنٹ کے دوران سیکورٹی معاملات سے متعلق بھی وزیراعظم کو تفصیلات بتائیں۔
4 اسلامی ممالک نے عید الفطر کی تاریخ کا اعلان کر دیا