فلسطینیوں کے ساتھ اظہار یکجہتی، بنگلہ دیش کے متعدد تعلیمی اداروں میں سرگرمیاں معطل
اشاعت کی تاریخ: 7th, April 2025 GMT
غزہ میں اسرائیلی اقدامات کے خلاف احتجاج کرتے ہوئے آج یونیورسٹی اور اسکولوں سمیت بنگلہ دیش بھر کے متعدد تعلیمی اداروں نے کلاسز اور امتحانات معطل کر دیے۔
عالمی ’دنیا غزہ کے لیے رک جاتی ہے’ ہڑتال کے جواب میں، ڈھاکہ یونیورسٹی نے طلبا کی زیرقیادت اقدامات کے بعد باضابطہ طور پر اس دن کے لیے تمام تعلیمی سرگرمیاں معطل کرنے کا اعلان کیا۔ یونیورسٹی کے دفاتر بھی صبح 9:00 بجے سے 11:00 بجے تک بند رہے۔
اسی طرح جہانگیر نگر یونیورسٹی نے دن بھر تمام تعلیمی سرگرمیاں معطل کردیں اور تمام دفاتر صبح 10 بجے سے دوپہر 12 بجے تک بند رکھے، اس عالمی ہڑتال میں کئی نجی یونیورسٹیوں بشمول نارتھ ساؤتھ یونیورسٹی، انڈیپنڈنٹ یونیورسٹی، بنگلہ دیش، براک یونیورسٹی، اور ایسٹ ویسٹ یونیورسٹی نے بھی اظہار یکجہتی کرتے ہوئے حصہ لیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بنگلہ دیش فلسطین.ذریعہ: WE News
کلیدی لفظ: بنگلہ دیش فلسطین بنگلہ دیش
پڑھیں:
عمر گل بنگلہ دیشی کرکٹ ٹیم کے نئے بولنگ کوچ مقرر
بنگلہ دیش کرکٹ بورڈ (بی سی بی) نے سابق پاکستانی فاسٹ بولرعمر گل کو بنگلہ دیش کے نئے بولنگ کوچ مقرر کرنے کا اعلان کیا ہے، عمر گل کی ابتدائی اسائنمنٹ مئی میں پاکستان کے خلاف پانچ میچوں کی ٹی20 سیریز ہوگی۔
42 سالہ عمر گل نے 3 ماہ کے معاہدے پر رضامندی ظاہر کی ہے، جس کی ممکنہ طور پر 2027 کے آئی سی سی کرکٹ ورلڈ کپ تک توسیع کارکردگی اور باہمی معاہدے پر اتفاق سے مشروط ہے۔
عمرگل نے بولنگ کوچ کے اپنے اس نئے کردار کے لیے اپنے جوش کا اظہار کرتے ہوئے کہا کہ معاہدے کی تفصیلات کو حتمی شکل دی جا رہی ہے، تاہم وہ اس کردار کو نبھانے کے لیے بے چین ہیں۔
یہ بھی پڑھیں:
عمر گل پاکستان کی 2009 کے ٹی20 ورلڈ کپ کی فتح میں ایک اہم کھلاڑی رہے ہیں اور اہم بین الاقوامی ریکارڈز ان کے نام رہے ہیں، جن میں 163 ٹیسٹ وکٹیں، ون ڈے کرکٹ میں 179 وکٹیں اور ٹی20 کرکٹ 85 وکٹیں شامل ہیں۔
ان کے کوچنگ کے تجربے میں پاکستان سپر لیگ یعنی پی ایس ایل میں پاکستان، افغانستان، اور کوئٹہ گلیڈی ایٹرز کے ساتھ کام کرچکے ہیں اور کراچی کنگز کے عباس آفریدی کے ساتھ حالیہ تربیتی سیشن شامل ہیں۔
بنگلہ دیش کا موجودہ پیس اٹیک، جس میں ناہید رانا جیسے بولرز ہیں، جو مسلسل 150 کلومیٹر فی گھنٹہ سے زائد رفتار سے بولنگ کرتے ہیں، حسن محمود، تنظیم حسن، شکیب، مستفیض الرحمان، تسکین احمد اور خالد حسن، گل کی مہارت سے فائدہ اٹھانے کے لیے تیار ہیں۔
مزید پڑھیں:
بی سی بی کو امید ہے کہ عمر گل کا تجربہ ایشیا کپ 2025 اور ٹی20 ورلڈ کپ 2026 کی تیاری میں بنگلہ دیشی بولرز کی نشوونما میں اضافہ کرے گا، یہ تقرری سابق پاکستانی کھلاڑیوں کے دیگر ممالک کی کوچنگ کے رجحان کی پیروی کرتی ہے، جس کی مثال یونس خان کے افغانستان کے ساتھ رہنمائی کے کردار سے ملتی ہے۔
پاکستان کیخلاف کرکٹ سیریز، اصل میں 3 ون ڈے اور 3 ٹی20 کے طور پر ترتیب دی گئی تھی، جسے بعد میں 5 ٹی20 میچوں کی سیریز میں تبدیل کردیا گیا ہے تاکہ آئندہ وائٹ بال ٹورنامنٹس کے ساتھ بہتر طور پر ہم آہنگ کیا جاسکے۔ 5 میچوں کی سیریز مئی میں شیڈول ہے، جس میں مخصوص تاریخوں اور مقامات کی تصدیق ہونی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بنگلہ دیش ٹی20 عمر گل کرکٹ
ہمارے پاس وفاقی حکومت گرانے کی طاقت ہے، وزیراعلی سندھ کا کینال معاملے پر وفاق کو پیغام