پاکستان منرلز انویسٹمنٹ فورم میں بین الاقوامی کمپنیوں کے ساتھ معاہدے متوقع ہیں، وزیرپیٹرولیم
اشاعت کی تاریخ: 7th, April 2025 GMT
وفاقی وزیر پیٹرولیم علی پرویز ملک نے کہا ہے کہ پاکستان منرلز انویسٹمنٹ فورم کا باقاعدہ آغاز کل (بروز منگل) سے ہونے جارہا ہے جس میں کئی ممالک کی منرلز کمپنیوں کے ساتھ معاہدے متوقع ہیں۔
یہ بھی پڑھیں: پاکستان منرلز انویسٹمنٹ فورم 2025: ایرک مائر امریکی وفد کی قیادت کریں گے
اسلام آباد میں ایم ڈی او جی ڈی ایل کے ہمراہ پریس کانفرنس کرتے ہوئے وفاقی وزیر پیٹرولیم علی پرویز ملک نے کہا کہ وزیراعظم شہباز شریف کے وژن کے مطابق ہم پاکستان میں منرلز اور مائننگ کی پوٹینشل کے حوالے سے آگاہی کے لیے ایک ایونٹ کا انعقاد کرنے جارہے ہیں، پاکستان منرلز انویسٹمنٹ فورم کا اجلاس 8 اور 9 اپریل کو جناح کنونشن سینٹر اسلام آباد میں منعقد ہوگا۔
وزیر پیٹرولیم نے کہا کہ جس طرح دنیا کے اندر ایونٹس منعقد کیے جاتے ہیں، ایونٹس میں ملکوں کے پوٹینشل کو لوگوں کے آگے بتایا جاتا ہے، ہم اس لیول پر اس ایونٹ کا انعقاد کرنا چاہتے ہیں۔
یہ بھی پڑھیں: سونا: اٹک سے اربوں روپے کے ذخائر مل گئے
’جس طرح کی ہمارے پاس انڈیکیٹرز منرلز ریسورسز موجود ہیں تو شاید اس طرح وہ ہماری اکانومی کے حجم کے اندر نظر نہیں آتا، اس حوالے سے آگاہی دینے کے لیے ہم کس طرح کام کرنا چاہتے ہیں، یہ ایونٹ اس حوالے سے ایک چھوٹی سی کاوّش ہے۔‘
انہوں نے کہا کہ امید ہے کہ دنیا کے بہت سے ممالک سے سرمایہ کار اس ایونٹ میں شرکت کریں گے، کچھ ملکوں سے مہمان آنا شروع ہوبھی گئے ہیں، ہم امید کررہے ہیں کہ ترکیہ، چین، آذربائیجان اور امریکا سے بھی سرمایہ کار شرکت کریں گے، اس کے علاوہ ڈنمارک، فن لینڈ اور کینیا کی کمپنیاں بھی اس ایونٹ میں شرکت کررہی ہیں، یوکے کی بھی ہمیں بھرپور حمایت حاصل ہے۔
یہ بھی پڑھیں: پاکستان کے معدنی نمک کی برآمد کے لیے راستے ہموار، مگر کیسے؟
وفاقی وزیر پیٹرولیم نے کہا کہ منرلزانویسٹمنٹ فورم کے موقع پر بعض معاہدے بھی متوقع ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news پاکستان پاکستان منرلز فورم معدنی ذخائر وزیر پیٹرولیم.ذریعہ: WE News
کلیدی لفظ: پاکستان پاکستان منرلز فورم وزیر پیٹرولیم پاکستان منرلز انویسٹمنٹ وزیر پیٹرولیم نے کہا کہ کے لیے
پڑھیں:
پاکستان منرل انویسٹمنٹ فورم 2025 میں شرکت کے لیے غیر ملکی مہمانوں کی آمد جاری
خصوصی سرمایہ کاری سہولت کونسل (ایس آئی ایف سی) کے تعاون سے منعقد کیے جانے والے پاکستان منرل انویسٹمنٹ فورم 2025 میں شرکت کے لیے غیر ملکی کمپنیوں کے اکابرین کی آمد جاری ہے۔
یہ بھی پڑھیں: پاکستان منرلز انویسٹمنٹ فورم میں بین الاقوامی کمپنیوں کے ساتھ معاہدے متوقع ہیں، وزیرپیٹرولیم
’سعودی گولڈ ریفائنری‘ کے ڈپٹی چیئرمین جناب ‘فیصل سلیمان الاُثَیم’ اسلام آباد پہنچ گئے ہیں،’سعودی ڈیویلپمنٹ فنڈ‘ کے ڈائریکٹر پراجیکٹ منیجمنٹ عبدالسلام عبداللہ، اور ’سعودی جیولوجیکل سروے‘ کے سی ای او، جناب ‘عبداللہ مُفتر الشمرانی’ بھی اپنے وفد کے ہمراہ پاکستان پہنچ گئے ہیں۔
سعودی عرب کی وزارت برائے صنعت و معدنی وسائل کے ڈائریکٹر آف مائننگ انوسٹمنٹ احمد اید الثُبَیتی’ بھی اسلام آباد پہنچ چکے ہیں، جبکہ فن لینڈ کی کمپنی ’میٹسو‘ کے وائس پریزیڈنٹ ‘مِکّو سوری’ بھی اسلام آباد پہنچ چکے ہیں جو اپنے وفد کے ہمراہ فورم میں شریک ہوں گے۔
امریکا، یورپ، ایشیا، روس، ترکی، اور مشرق وسطہ سمیت متعدد ممالک کے اعلیٰ سرکاری حکام، بین الاقوامی کمپنیوں کے اکابرین اور دانشور بڑی تعداد میں پاکستان منرل انویسٹمنٹ فورم 2025 میں شرکت کے لیے پاکستان آرہے ہیں۔
یہ بھی پڑھیں: وزیر اعظم اور آرمی چیف پاکستان منرلز انویسٹمنٹ فورم 2025 سے خطاب کریں گے
پاکستان منرل انویسٹمنٹ فورم 2025 مورخہ 8 اور 9 اپریل کو اسلام آباد کے جناح کنونشن سنٹر میں منعقد ہو گا، اس فورم کے دوران تمام مہمانان گرامی پاکستانی بزنس کمیونٹی کے ساتھ رابطے استوار کریں گے اور مختلف کاروباری امکانات پر یاداشتوں پر دستخط بھی کریں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news ایس آئی ایف سی بین الاقوامی کمپنیاں پاکستان پاکستان منرل انویسٹمنٹ سعودی عرب
ورلڈبینک کی پاکستان کیلئے 300 ملین ڈالر قرض کی منظوری