انٹارکٹیکا کا مہنگا ترین دورہ ،، ایرانی صدر نے اپنے نائب کو برطرف کر دیا
اشاعت کی تاریخ: 7th, April 2025 GMT
تہران (نیوزڈیسک)ایرانی صدر مسعود پزشکیان نے سنیچر کو اپنے پارلیمانی امور کے نائب کو انٹارکٹیکا کے مہنگے دورے پر برطرف کر دیا ہے۔ ان کے نائب نے یہ دورہ ایک ایسے وقت میں کیا ہے جب ملک میں شدید معاشی بحران کی وجہ سے افراط زر کی شرح بہت بلند ہے۔
فرانسیسی خبر رساں ادارے اے ایف پی کے مطابق حالیہ دنوں میں سوشل میڈیا پر شیئر ہونے والی ایک تصویر میں برطرف ہونے والے نائب صدر شہرام دبیری کو ایک خاتون کے ساتھ دکھایا گیا ہے جس کی شناخت ان کی اہلیہ کے طور پر کی گئی ہے، اور وہ پلانس کروز جہاز کے قریب کھڑے دکھائی دے رہے ہیں۔
ایرانی صدر نے سرکاری نیوز ایجنسی ارنا کی طرف سے سنیچر کو شائع ہونے والے ایک خط میں دبیری کی برطرفی کے حوالے سے لکھا کہ ’ایک ایسے تناظر میں جہاں آبادی پر معاشی دباؤ زیادہ ہے، حکام کے مہنگے تفریحی دورے، چاہے وہ اپنی جیب سے ادا کئے جائیں، نہ تو قابلِ دفاع ہیں اور نہ ہی قابلِ جواز۔‘
64 سالہ شہرام دبیری پیشے کے لحاظ سے ایک معالج ہیں اور ایرانی صدر کے قریبی ساتھی ہیں۔ انہیں اگست میں اس عہدے پر تعینات کیا گیا تھا۔اس تصویر کے شائع ہونے کے بعد حکومت کو سخت تنقید کا سامنا کرنا پڑا، اور پزشکیان کے کئی حامیوں نے ان پر زور دیا کہ وہ اپنے نائب کو ہٹا دیں۔
تاہم ارنا نے گذشتہ مہینے کے آخر میں شہرام دبیری کے دفتر کے ایک ذریعے کا حوالہ دیتے ہوئے کہا تھا کہ انہوں نے یہ سفر سرکاری عہدے پر فائز ہونے سے پہلے کیا تھا۔
مارچ کے آغاز میں وزیر برائے معاشی امور عبدالناصر ہمتی کو پارلیمنٹ نے معیشت کی ابتر صورتحال کی وجہ سے برطرف کر دیا تھا۔
یہ تنازع پزشکیان کے لیے ایک اور بڑا دھچکا ہے، جو گذشتہ برس معیشت کو بحال کرنے اور اپنے شہریوں کی روزمرہ زندگی کو بہتر بنانے کے وعدے پر منتخب ہوئے تھے۔
مارچ کے آغاز میں ان کے وزیر برائے معاشی امور عبدالناصر ہمتی کو پارلیمنٹ نے ڈالر کے مقابلے میں ایرانی کرنسی کی قدر میں کمی اور مہنگائی میں اضافے کی وجہ سے برطرف کر دیا تھا۔
افغان بگرام ایئربیس امریکہ کے حوالے نہیں کیا ، افواہیں جھوٹ پر مبنی ہیں، ترجمان ذبیع اللہ مجاہد
ذریعہ: Daily Ausaf
کلیدی لفظ: برطرف کر دیا ایرانی صدر
پڑھیں:
جنوبی کوریا کی عدالت نے مارشل لگانے والے صدر کو برطرف کر دیا
یون سک یول کو ہٹائے جانے کے فیصلے کے بعد نئے صدارتی انتخابات کی راہ ہموار ہو گئی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جنوبی کوریا کی آئینی عدالت نے ملک میں مارشل لا لگانے والے صدر یون سک یول کے خلاف مواخذے کی توثیق کرتے ہوئے عہدے سے برطرف کر دیاہے۔
عرب ٹی وی کے مطابق 64 سالہ یون سک کی جانب سے تین دسمبر کو سویلین حکومت کو معطل کرنے کی کوشش کی گئی تھی جبکہ پارلیمان میں مسلح اہلکاروں کو تعینات کیا گیا تھا۔
بعدازاں ان کو بغاوت کے مقدمے کے تحت گرفتار کیا گیا تھا۔عدالت کے قائم مقام صدر مون ہیونگ بائے نے فیصلے میں کہا کہ آئینی خلاف ورزیوں اور ان کے سنگین نتائج کے پیش نظر یون سک کو برطرف کیا جاتا ہے۔
یون سک یول کو ہٹائے جانے کے فیصلے کے بعد نئے صدارتی انتخابات کی راہ ہموار ہو گئی ہے جن کا 60 روز کے اندر منعقد کروایا جانا لازمی ہے۔
انتخابات کی تاریخ کا اعلان اگلے چند روز میں کیا جائے گا۔مقدمے کی سماعت کرنے والے تمام ججوں نے متفقہ طور پر صدر کو برطرف کرنے کا فیصلہ سنایا ہے ۔ واضح رہے کہ متفقہ فیصلہ سنانے والے سپریم کورٹ کے ججز کو اضافی سکیورٹی فراہم کی گئی تھی۔
عمران خان کے عید کے کپڑے اڈیالہ جیل پہنچ گئے