بشریٰ انصاری نے ڈکی بھائی کے بیان پر کیا ردعمل دیا؟
اشاعت کی تاریخ: 7th, April 2025 GMT
معروف اداکارہ بشریٰ انصاری اور یو ٹیوبر ڈکی بھائی آج کل اپنے بیانات کی وجہ سے خبروں میں ہیں حال ہی میں اداکارہ بشریٰ انصاری نے یو ٹیوبرز کے بارے میں کہا تھا کہ یہ پتہ نہیں کون سی مخلوق ہیں جو کروڑوں اربوں روپے کمارہے ہیں۔ ہم ایک الگ دنیا کے لوگ ہیں۔
اداکارہ کی یوٹیوبرز پر تنقید کے بعد ڈکی بھائی نے انہیں آڑے ہاتھوں لیتے ہوئے کہا تھا کہ ’میں بشریٰ انصاری کو نہیں جانتا، مجھے ان کے بس چہرے سے معلوم ہے کہ یہ اداکارہ ہیں‘۔
یہ بھی پڑھیں: ’بشریٰ انصاری کو نہیں جانتا‘، ڈکی بھائی کی اداکارہ پر جوابی تنقید
ان کا کہنا تھا کہ اداکار احساسِ کمتری کا شکار ہیں، یہ ڈیڈ لوگ ہیں، یہ ڈائریکٹرز کی انگلیوں پر ناچتے ہیں، ان کی اپنی کوئی محنت نہیں ہوتی، کردار حاصل کرنے کے لیے یہ بہت پاپڑ بیلتے ہیں۔
انہوں نے کہا تھا کہ مجھے سمجھ نہیں آتی کہ ٹی وی فنکاروں کے ڈرامے دیکھنے والے کون ہیں؟ ٹی وی کا دور ختم ہو چکا ہے۔
اب اداکارہ بشریٰ انصاری نے اس پورے معاملے کا جواب دیتے ہوئے فوٹو اینڈ ویڈیو شیئرنگ ایپ انسٹاگرام پر اپنی ایک ویڈیو شیئر کی ہے جس میں انہیں خاموشی سے بیٹھے دیکھا جا سکتا ہے اور بیک گراؤنڈ میں جگجیت سنگھ کا گانا ’خاموشی خود اپنی صدا ہو‘ لگا ہے۔ ساتھ انہوں نے کیپشن میں لکھا کہ ’خاموشی، بہترین عمل‘۔
View this post on Instagram
A post shared by Bushra Bashir (@ansari.
صارفین بشریٰ انصاری کی اس ویڈیو پر ردعمل دے رہے ہیں۔ چند صارفین نے اداکارہ سے اتفاق کیا کہ واقعہ خاموشی بہترین عمل ہے جبکہ کئی صارفین ایسے بھی تھے جنہوں نے بشریٰ انصاری کو آڑے ہاتھوں لیا اور کہا کہ ’یوٹیوبرز سے اتنی تکلیف ہے تو اپنا یوٹیوب چینل بھی بند کر دیں‘۔
یہ بھی پڑھیں: رجب بٹ کے خلاف 295 سی کی توہین کا مقدمہ، ڈکی بھائی بھی میدان میں کود پڑے
اس سے قبل سینیئر اداکارہ فضیلہ قاضی نے ڈکی بھائی کو کہا کہ سب ایک جیسے نہیں ہوتے اس لیے براہِ کرم بات کرتے ہوئے بہتر اور قابلِ احترام زبان استعمال کریں۔
انہوں نے مزید کہا کہ آپ ٹھیک کہہ رہے ہیں دنیا بدل رہی ہے، ہمیں اسے قبول کرنا چاہیے اور اسے دوسروں کے لیے بھی قابلِ احترام بنانا چاہیے۔ عام طور پر ہم میں سے بھی اکثر اداکار یوٹیوبرز کی تعریف کرتے ہیں اور ہاں ہمارے اپنے یوٹیوب چینلز بھی ہیں۔
اداکار نعمان حبیب نے بشریٰ انصاری کو نہ جاننے کے بیان پر یوٹیوبر ڈکی بھائی کو آڑے ہاتھوں لیتے ہوئے کہا تھا کہ ’براہ کرم ڈکی بھائی برا مت ماننا، جب میں اور تم نے ڈائپر پہننا بھی شروع نہیں کیے تھے تب بھی دی لیجنڈ بشریٰ انصاری کو پورا پاکستان جانتا تھا اور آج بھی جانتا ہے، بڑی بات ہے کہ تم نہیں جانتے۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بشریٰ انصاری پاکستانی اداکار پاکستانی ڈرامے ڈکی بھائی فضیلہ قاضی نعمان حبیب یوٹیوبرزذریعہ: WE News
کلیدی لفظ: پاکستانی اداکار پاکستانی ڈرامے ڈکی بھائی فضیلہ قاضی یوٹیوبرز کہا تھا کہ ڈکی بھائی انصاری کو
پڑھیں:
فلم ’سکندر‘ میں سلمان خان کی ساتھی اداکارہ کے ساتھ ہراسانی کا انکشاف
بالی ووڈ فلم ’’سکندر‘‘ میں سلمان خان اور رشمیکا مندانا کے ساتھ کام کرنے والی اداکارہ شریا گپتا نے ساؤتھ فلم انڈسٹری میں اپنے ساتھ ڈائریکٹر کی جانب سے ہراساں کیے جانے کا انکشاف کیا ہے۔
اداکارہ شریا گپتا نے سلمان خان اور رشمیکا مندانا کی فلم ’سکندر‘ میں میڈیکل انٹرن کا کردار ادا کیا ہے۔ اداکارہ نے ساؤتھ فلم انڈسٹری میں اپنے ساتھ پیش آئے کاسٹنگ کاؤچ کے خوفناک تجربے کا انکشاف کیا ہے۔
چنئی میں پلی بڑھی شریا کا کہنا ہے کہ ان کے پاس فلمی صنعت میں کوئی سفارشی رابطے نہیں تھے، اور انہیں اپنے کیریئر کے آغاز میں کئی مشکلات کا سامنا کرنا پڑا۔
اپنے انٹرویو میں شریا نے بتایا ’’میں نے چنئی میں کاسٹنگ کاؤچ کا سامنا کیا۔ اس وقت کوئی کاسٹنگ ڈائریکٹر نہیں ہوا کرتا تھا۔ یہی وجہ تھی کہ میں ممبئی آنے کی خواہش رکھتی تھی۔ ممبئی میں مجھے ایسا کوئی تجربہ نہیں ہوا۔‘‘ انہوں نے یہ بھی واضح کیا کہ وہ کام کےلیے کسی بھی قسم کا غلط سمجھوتہ کرنے کو تیار نہیں ہیں۔
شریا نے 2014 میں اپنے ساتھ پیش آنے والے اس واقعے کے بارے میں بتایا کہ ’’میں ایک ڈائریکٹر کے آفس میں آڈیشن کےلیے گئی تھی۔ اس وقت ڈائریکٹر اور پروڈیوسر براہ راست آڈیشن کےلیے بلایا کرتے تھے۔ میں اپنی والدہ کے ساتھ گئی تھی، لیکن جب میں کیبن کے اندر گئی تو ڈائریکٹر نے کہا، ’میری گود میں بیٹھو اور سین دکھاؤ‘۔ میں بہت چھوٹی تھی اور اس بات سے میں گھبرا گئی، میں نے جھوٹ بول دیا کہ میں سین تیار کرکے کل آؤں گی اور وہاں سے بھاگ نکلی۔‘‘
اس واقعے کے بعد شریا نے فیصلہ کیا کہ وہ ساؤتھ انڈسٹری میں ایسے ناخوشگوار حالات کا سامنا کرنے کے بجائے ممبئی میں کام کریں گی۔ انہوں نے کہا کہ وہ کسی بھی قسم کے ناجائز فوائد کےلیے تیار نہیں ہیں، اور اپنی عزت نفس کو کبھی مجروح نہیں ہونے دیں گی۔
یاد رہے کہ شریا گپتا نے رجنی کانت کے ساتھ بھی کام کیا ہے اور اب وہ ’سکندر‘ جیسی بڑی فلم میں نظر آئی ہیں۔ شریا سے پہلے بھی کئی اداکارائیں فلم انڈسٹری میں اپنے ساتھ پیش آنے والی ہراسانی کے واقعات کے متعلق انکشاف کرچکی ہیں۔
عوام کی معاشی کمر ٹوٹ جانے کا نتیجہ، رواں سال عید خریداری کا حجم کم ترین سطح پر آ گیا