قومی اسمبلی کا اجلاس آج شام 5 بجے ہوگا، 12 نکاتی ایجنڈا جاری
اشاعت کی تاریخ: 7th, April 2025 GMT
اسلام آباد(ڈیلی پاکستان آن لائن) قومی اسمبلی کا اجلاس آج شام 5 بجے شروع ہوگا، قومی اسمبلی سیکرٹریٹ نے اجلاس کا 12 نکاتی ایجنڈا بھی جاری کردیا۔
نجی ٹی وی چینل دنیا نیوز کے مطابق اجلاس میں وقفہ سوالات اور توجہ دلاؤ نوٹسز پر جوابات ایجنڈے کا حصہ ہیں، وزیر داخلہ سوسائٹی رجسٹریشن ترمیمی آرڈیننس میں مزید 120 دن کی توسیع کی قرارداد پیش کریں گے۔
وزیر تعلیم فیڈرل بورڈ اینڈ سیکنڈری ایجوکیشن ایکٹ 1975 میں ترمیم، وزیر پارلیمانی امور خصوصی اقتصادی زونز اتھارٹی ترمیمی بل 2025 پیش کریں گے جبکہ قومی کمیشن برائے انسانی حقوق کی سال 2023 اور 2024 کی رپورٹس بھی پیش کی جائیں گی۔
امریکی ٹیرف کے سٹاک مارکیٹس پر منفی اثرات، ٹرمپ کا بیان بھی آ گیا
پارلیمنٹ کے دونوں ایوانوں سے صدر کے خطاب پر اظہار تشکر کی تحریک بھی ایجنڈے کا حصہ ہے، وزیر پارلیمانی امور ڈاکٹر طارق اظہار تشکر کی تحریک ایوان میں پیش کریں گے۔
ذریعہ: Daily Pakistan
پڑھیں:
قومی اسمبلی اجلاس میں آرمی چیف کی والدہ کیلیے دعائے مغفرت
اسلام آباد:قومی اسمبلی کے اجلاس میں آرمی چیف جنرل سید حافظ عاصم منیر کی والدہ محترمہ کے لئے دعائے مغفرت کی گئی۔
اسپیکر ایاز صادق کی زیر صدارت قومی اسمبلی کا اجلاس ہوا تو رسمی کارروائی کے بعد اسپیکر نے آرمی چیف جنرل عاصم منیر کی والدہ کے انتقال اور اُن کیلیے دعائے مغفرت جبکہ بلوچستان میں شہید ہونے والوں کیلیے بھی دعائے مغفرت کروانے کا اعلان کیا۔
اس کے علاوہ پی ٹی آئی کے اراکین کے مطالبے پر اسپیکر قومی اسمبلی نے مردان کے علاقے کاٹلنگ میں ڈرون حملے میں جاں بحق افراد کو شہید قرار دیتے ہوئے اُن کیلیے بھی مغفرت کی دعا کروانے کا اعلان کیا۔
اسپیکر ایاز صادق نے جے یو آئی کے رکن مولانا عبدالغفور حیدری سے دعا کروانے کی استدعا کی جس پر انہوں نے دعا کرائی۔
اسپیکر ایاز صادق نے پی ٹی آئی اراکین کے کاٹلنگ واقعے پر احتجاج پر یقین دہانی کروائی کہ ’میں نے مرکزی و صوبائی حکومتوں سے مردان واقعہ پر رپورٹ منگوالی ہے‘۔
عوام کی معاشی کمر ٹوٹ جانے کا نتیجہ، رواں سال عید خریداری کا حجم کم ترین سطح پر آ گیا