امریکی فوجیوں کی قبروں پر سکوں کی برسات ، تصاویر سوشل میڈیا پر وائرل ،اہل خانہ حیران رہ گئے
اشاعت کی تاریخ: 7th, April 2025 GMT
نیویارک(نیوزڈیسک)سوشل میڈیا پر ایک خاتون نے اپنے شوہر کی قبر کی تصویر شیئر کی اور لکھا: ”میرے فوجی شوہر کا انتقال دو ہفتے پہلے ہوا آج جب میں ان کی قبر پر گئی تو وہاں سکے رکھے ہوئے دیکھے ان کا کیا مطلب ہے؟ یہ کس نے رکھے؟ یہ دیکھ کر مجھے خوف محسوس ہوا!“
یہ پوسٹ وائرل ہوگئی اور کمنٹس میں لوگوں نے خاتون کو بتایا کہ ان سکوں کے پیچھے ایک خوبصورت اور جذباتی کہانی ہے۔ یہ روایت خاص طور پر امریکا میں عام ہے، جہاں لوگ فوجی قبروں پر سکے رکھ کر اپنے جذبات اور عقیدت کا اظہار کرتے ہیں۔
مختلف سکوں کا مختلف مطلب ہوتا ہے: پینی رکھنے کا مطلب ہے کہ کوئی شخص بس قبر پر آیا اور دعا کی۔ نِکل (Nickel) رکھنے کا مطلب ہے کہ رکھنے والا اور مرحوم ایک ہی فوجی تربیتی کیمپ میں رہے تھے۔
ڈائم (Dime) رکھنے کا مطلب ہے کہ دونوں نے اکٹھے فوج میں خدمات انجام دیں۔ کوارٹر (Quarter) رکھنے کا مطلب ہے کہ اسے رکھنے والا فوجی مرحوم فوجی کے ساتھ جنگ میں شریک رہا تھا۔ یہ روایت کہاں سے آئی؟
یہ روایت رومی دور سے چلی آرہی ہے، جب مرنے والوں کے ساتھ سکے رکھے جاتے تھے تاکہ وہ آخرت کے سفر میں دریا پار کرنے کے لیےکشتی والے کو ادا کر سکیں ویتنام جنگ کے دوران، یہ روایت امریکا میں مقبول ہوئی تاکہ گمنام طریقے سے مرحوم فوجیوں کو خراج تحسین پیش کیا جا سکے
وقت کے ساتھ جمع ہونے والے یہ سکے قبرستان کی دیکھ بھال یا بے گھر فوجی اہلکاروں کی تدفین کے اخراجات کے لیے استعمال کیے جاتے ہیں۔ اس روایت کے ذریعے، لوگ اپنے فوجی ہیروز کی قربانیوں کو یاد رکھتے ہیں اور انہیں خراج تحسین پیش کرتے ہیں۔
ایران کا امریکہ کیساتھ براہ راست مذاکرات سے انکار،جوہری پروگرام جاری رکھنے کا اعلان
ذریعہ: Daily Ausaf
پڑھیں:
طوطے کے بعد کوا بھی انسانوں کی طرح بولنے لگا، ویڈیو وائرل
نئی دہلی(نیوز ڈیسک)طوطے تو باتیں کرنے کے لیے عام سمجھیں جاتے ہیں مگر کوے کا باتیں کرنا ایک غیر معمولی بات ہے۔
بھارت میں انسانوں کی طرح بات کرتے کوے کی ویڈیو نے انٹرنیٹ صارفین کی توجہ حاصل کرلی۔
بھارت کی ریاست مہاراشٹر کے پالگھر کے گاؤں میں ایسا کوا دیکھا گیا جس نے انٹرنیٹ صارفین کو دنگ کر دیا ہے، لیکن اڑنے یا چالاکی دکھا کر نہیں بلکہ اپنے الفاظ سے۔
رپورٹ کے مطابق منگلیا منکے نامی ایک شہری کو ایک درخت کے نیچے 15 دن کا زخمی کوا ملا جس وہ گھر لے آیا۔ چند دن بعد وہ کوا منکے خاندان کا ایک پیارا رکن بن گیا، جس کی دیکھ بھال ایک چھوٹے بچے کی طرح کی جانے لگی جس کے ساتھ وہ لوگ کھیلتے اور مستی کرتے۔
وقت گزرنے کے ساتھ، کوا ان میں گھل مل گیا اور خاندان کے ساتھ بات چیت بھی کرنے لگا، یہاں تک کہ کندھوں پر بیٹھ کر بات کرنا سیکھنے لگا۔
View this post on InstagramA post shared by India Recap (@indiarecap)
بھارتی میڈیا رپورٹس کے مطابق ڈیڑھ سالہ کوا حیرت انگیز طور پر صرف پرندوں کی طرح ہی نہیں بلکہ چند جملے بھی بولنا سیکھ گیا۔ کوا روانی سے ”ماں“ اور ”پاپا“ جیسے الفاظ بھی بولنے لگا اور یہاں تک کہ ”تم کیا کر رہے ہو؟“ جیسے سوالات بھی پوچھتا ہے۔ اور ”تم گھر کیوں آئے ہو؟“ جیسے جملے بول کر کوے نے سب کو حیرت میں مبتلا کردیا۔
بات کرنے والے کوے کی ویڈیوز بہت سوشل میڈیا پر مقبول ہوئیں، اور آس پاس کے دیہاتوں کے لوگ اسے دیکھنے کے لیے آنے لگے۔ یہاں تک کہ کچھ نے پرندے سے بات کرنے کی کوشش بھی کی۔
رپورٹ کے مطابق مذکورہ کوا دوسرے کووں کے ساتھ دن کے وقت پرواز کرنے کے بعد یہ غروب آفتاب تک گھر لوٹ جاتا ہے۔ منکے خاندان نے نے بتایا کہ یہ کوا کہیں دور نہیں جاتا اور نہ ہی جنگل کا رخ کرتا ہے، ایسا لگتا ہے کہ پرندہ جانتا ہے کہ اس کا تعلق کہاں سے ہے۔
مزیدپڑھیں:متحدہ عرب امارات میں عید الاضحیٰ کی تاریخ کا اعلان، پاکستان میں کب ہوگی؟
وزیراعظم شہباز شریف کا عمان کے سلطان سے ٹیلیفونک رابطہ، عیدالفطر کی مبارکباد