تحفظات دور کئے جائینگے، دریائے سندھ سے نہریں نکالنے کا معاملہ متفقہ ہے: وزیراعظم
اشاعت کی تاریخ: 7th, April 2025 GMT
اسلام آباد+ لاہور (خبر نگار خصوصی+ نوائے وقت رپورٹ) وزیراعظم شہباز شریف سے وزیر داخلہ محسن نقوی نے لاہور میں اہم ملاقات کی۔ ذرائع کے مطابق ایک ہفتے میں وزیر داخلہ نے تیسری بار وزیراعظم سے خصوصی ملاقات کی۔ ملاقات کے دوران دریائے سندھ سے نکالی جانے والی نہروں پر عوامی ردعمل پر بھی بات چیت ہوئی۔ باوثوق ذرائع نے بتایا کہ محسن نقوی نے وزیراعظم کو افغانیوں کی اپنے ملک واپسی کے لئے جاری آپریشن کے بارے میں بھی آگاہ کیا اور وزیراعظم کو بجلی کی قیمتیں کم کرنے پر بھی مبارکباد دی جبکہ امن و امان سمیت سیاسی صورتحال پر بریف کیا۔ بلوچستان اور کے پی کے میں امن و امان کے لئے اٹھائے گئے اقدامات پر بھی تبادلہ خیال کیا گیا۔ اس موقع پر گفتگو کرتے ہوئے شہباز شریف کا کہنا تھا کہ سندھ سے نہریں نکالنے کا معاملہ متفقہ ہے۔ ایس آئی ایف سی ملکی تقدیر بدلنے کا منصوبہ ہے۔ دریائے سندھ سے نہریں نکالنے کے معاملے پر سندھ کے تحفظات دور کئے جائیں گے۔ حکومتی اتحادی اپنے معاملات پارلیمنٹ اور کابینہ میں متفقہ طور پر طے کرتے ہیں۔ وزیراعظم نے کہا کہ حکومتی اتحادیوں میں بے مثال سیاسی ہم آہنگی ہیے ملکی ترقی کا پہیہ اپنے ٹریک پر چڑھ گیا ہیے اب کسی کو سیاسی تخریبی کارروائیوں کی اجازت نہیں دیں گے۔ ملک میں سیاسی ٹھہراؤ اور امن و امان کی صورتحال دن بدن ٹھیک ہو رہی ہے۔ ذرائع کا مزید کہنا تھا کہ وزیراعظم اور وزیر داخلہ کے درمیان چالیس منٹ تک ملاقات جاری رہی۔ وزیر داخلہ نے چئیرمین پی سی بی کی حیثیت سے وزیراعظم کو پی ایس ایل سیزن کی تیاریوں کے لئے اٹھائے گئے اقدامات سے بھی آگاہ کیا اور پی ایس ایل ٹورنامنٹ کے دوران سکیورٹی معاملات کے بارے میں بھی وزیراعظم کو تفصیلات بتائیں۔ علاوہ ازیں وزیراعظم نے کہا کہ حکومت صحت کے شعبے میں جدید ٹیکنالوجی کو بروئے کار لانے اور مضبوط شراکت داری کے قیام کے لیے پرعزم ہے۔ پاکستان نے ماں اور بچے کی صحت کے میدان میں قابل ذکر پیش رفت کی ہے، تاہم ہمارے سامنے اب بھی طویل سفر باقی ہے۔ عالمی یومِ صحت کے موقع پر اپنے پیغام میں شہباز شریف نے کہا کہ ہمیں اپنے نظامِ صحت کو مستحکم کرنا ہوگا۔ ڈیجیٹل ہیلتھ ٹولز کے استعمال، ڈیٹا پر مبنی پالیسی سازی اور کمیونٹی کی مؤثر شمولیت کے ذریعے ہم اس خلا کو پْر کرنے کے متمنی ہیں، جو خاص طور پر کم سہولت یافتہ اور دور دراز علاقوں میں صحت کی خدمات کی فراہمی میں حائل ہیں۔ ہمیں احتیاطی تدابیر پر مبنی صحت کی دیکھ بھال، یونیورسل ہیلتھ کوریج، دماغی صحت کی بہتری، اور صحت سے متعلق عدم مساوات کے خاتمے کو اپنی ترجیحات میں شامل کرنا ہوگا۔ ہمارا ہدف یہ ہونا چاہیے کہ جب اور جہاں بھی ان کی ضرورت ہو ہر فرد کو معیاری صحت کی سہولیات، تربیت یافتہ طبی عملہ، محفوظ علاج، اور ضروری ادویات بروقت اور بلا مالی رکاوٹ فراہم ہوں ۔ دوسری طرف وزریر اعظم سے چیئرمین ماڈل بازار ملک افضل کھوکھر نے ملاقات کی۔ انہیں نے بجلی بلوں میں ریلیف پر وزیر اعظم کو مبارکباد دی۔ اس موقع پر وزیر اعظم کا کہنا تھا کہ بجٹ میں عوام کو مزید ریلیف دیں گے۔
.ذریعہ: Nawaiwaqt
کلیدی لفظ: وزیراعظم کو وزیر داخلہ صحت کی
پڑھیں:
زرداری نے خود سندھ کی نہریں بیچیں، کارکن مگر مچھ کے آنسو رو رہے ہیں، پی ٹی آئی
چیئرمین پی ٹی آئی اور دیگر پی ٹی آئی راہنماؤں کا میڈیا سے گفتگو کرتے ہوئے کہنا تھا کہ کاٹلنگ میں ہمارے بے گناہ لوگ شہید ہوئے، پیکا ایکٹ کو زبردستی لاگو کیا جا رہا ہے۔ اسلام ٹائمز۔ پاکستان تحریک انصاف کے راہنماؤں کا کہنا ہے کہ آصف علی زرداری نے خود سندھ کی نہریں بیچی ہیں، اب پیپلز پارٹی کے کارکن مگر مچھ کے آنسو رو رہے ہیں۔ چیئرمین پی ٹی آئی بیرسٹر گوہر علی خان، عمر ایوب اور دیگر پی ٹی آئی راہنماؤں نے میڈیا سے گفتگو کرتے ہوئے کہا کہ کاٹلنگ میں ہمارے بے گناہ لوگ شہید ہوئے، پیکا ایکٹ کو زبردستی لاگو کیا جا رہا ہے۔
انہوں نے کہا کہ سپیکر قومی اسمبلی نے ہمیں بات نہیں کرنے دی، اس رویے کے خلاف احتجاج بھی کیا، ہمیں بانی پی ٹی آئی تک رسائی نہیں دی گئی، اس وجہ سے ہم نے قومی سلامتی کونسل کے اجلاس میں شرکت کے لیے نام نکال لیے۔ انہوں نے کہا کہ بانی پی ٹی آئی سے ملاقات نہیں کروائی جا رہی، انہیں عید کی نماز نہیں پڑھنے دی گئی۔
عوام کی معاشی کمر ٹوٹ جانے کا نتیجہ، رواں سال عید خریداری کا حجم کم ترین سطح پر آ گیا