تخت بھائی، ناراض بیوی کو منانے سسرال آیا شوہر اور دیور فائرنگ سے جاں بحق
اشاعت کی تاریخ: 6th, April 2025 GMT
پولیس کے مطابق خاتون کی شادی نوشہرہ میں ہوئی تھی اور وہ ناراض ہو کر دو سال قبل تخت بھائی آ کر میکے میں مقیم تھی۔ معاملے کو صلح کے ذریعے ختم کرنے کی کوشش کی جا رہی تھی کہ اس دوران جھگڑا شدت اختیار کر گیا اور فائرنگ ہو گئی۔ اسلام ٹائمز۔ خاتون کے میکے بیٹھنے کے تنازع پر راضی نامے کے دوران فائرنگ سے شوہر اور دیور جاں بحق ہوگئے۔ تفصیلات کے مطابق تخت بھائی کی علاقہ قندارو کلی میں ناراض ہو کر میکے میں بیٹھی خاتون کے تنازع پر صلح کے دوران فائرنگ کا افسوسناک واقعہ پیش آیا جس کے نتیجے میں خاتون کا شوہر اور دیور موقع پر جاں بحق ہوگئے۔ پولیس کے مطابق خاتون کی شادی نوشہرہ میں ہوئی تھی اور وہ ناراض ہو کر دو سال قبل تخت بھائی آ کر میکے میں مقیم تھی۔ معاملے کو صلح کے ذریعے ختم کرنے کی کوشش کی جا رہی تھی کہ اس دوران جھگڑا شدت اختیار کر گیا اور فائرنگ ہو گئی۔ تخت بھائی پولیس نے فوری کارروائی کرتے ہوئے ملزمان کو موقع پر اسلحہ سمیت گرفتار کر لیا۔ پولیس نے واقعے کی مزید تفتیش شروع کر دی ہے۔
دریں اثنا تخت بھائی کے علاقے سید آباد روڈ پر افسوسناک ٹریفک حادثے میں موٹر سائیکل سوار دو سگے بھائی جاں بحق ہوگئے۔ پولیس کے مطابق حادثہ اس وقت پیش آیا جب تیز رفتار موٹر سائیکل ایک ٹریکٹر ٹرالی کو اوورٹیک کرتے ہوئے بے قابو ہو کر سڑک کے کنارے کھائی میں جا گری۔ دونوں بھائی موقع پر ہی دم توڑ گئے، پولیس نے لاشوں کو اسپتال منتقل کرکے قانونی کارروائی شروع کردی۔
ذریعہ: Islam Times
پڑھیں:
کراچی میں ڈاکو بے لگام؛ موٹر سائیکل سوار فیملی پر فائرنگ؛ حاملہ خاتون جاں بحق
کراچی:شہر قائد میں ڈاکو بے لگام ہو گئے، موٹر سائیکل سوار فیملی پر ڈکیتوں نے فائرنگ کرکے حاملہ خاتون کو قتل کردیا۔
پولیس اور حکومت کے خوف سے آزاد ڈاکو کراچی میں روزانہ شہریوں سے جینے کا حق چھین رہے ہیں۔ ڈکیتی کی واردات کے دوران گولی مار کر قتل کرنا ڈاکوؤں کے لیے معمول بن چکا ہے۔ اس طرح کے مسلسل واقعات نے شہریوں کو خوف میں مبتلا کردیا ہے۔
تازہ واقعے میں سائٹ سپر ہائی وے کے علاقے فقیرا گوٹھ پریشان چوک کے قریب ڈکیتی کے دوران فائرنگ سے حاملہ خاتون جاں بحق ہو گئی۔
پولیس کے مطابق واقعہ اس وقت پیش آیا جب میاں بیوی موٹر سائیکل پر سوار تھے کہ 2مسلح ڈاکوؤں نے لوٹ مار کی کوشش کی اور مزاحمت پر گولیاں چلا دیں، جس کے نتیجے میں 25 سالہ حاملہ خاتون صائمہ زوجہ عرفان موقع پر ہی جان کی بازی ہار گئی۔
پولیس نے ملزمان کی تلاش کے لیے اطراف میں نصب سی سی ٹی وی کیمروں کی فوٹیج حاصل کرنے اور جیو فینسنگ کے عمل کا آغاز کر دیا ہے۔
دریں اثنا ملیر سٹی میں جھگڑے کے دوران فائرنگ سے 40 سالہ حمزہ جاں بحق ہو گیا۔ پولیس کے مطابق واقعے کی تحقیقات شروع کردی گئی ہیں۔ جائے وقوع سے 30 بور کے چار خول برآمد ہوئے ہیں۔
علاوہ ازیں فیڈرل بی ایریا بلاک 21 کے ایک فلیٹ سے 65 سالہ خاتون نزعت فاطمہ کی 10 دن پرانی لاش ملی ہے۔ پولیس کا کہنا ہے کہ خاتون اکیلی رہائش پذیر تھیں اور ان کی موت کی وجہ پوسٹ مارٹم کے بعد ہی واضح ہو سکے گی۔
اس کے علاوہ بھیم پورہ امام بارگاہ کے قریب ایک گھر سے 19 سالہ نوجوان دین اسلام کی پھندا لگی لاش بھی برآمد ہوئی۔ پولیس کا کہنا ہے کہ بظاہر یہ واقعہ خودکشی کا معلوم ہوتا ہے تاہم پوسٹ مارٹم اور دیگر شواہد کی روشنی میں حتمی نتیجہ اخذ کیا جائے گا۔
فلسطین فاؤنڈیشن پاکستان کی تصویری نمائش