بیرون ملک مقیم پاکستانیوں کو حق ہے وہ یہاں آئیں، سیاست کریں، طارق فضل چوہدری
اشاعت کی تاریخ: 6th, April 2025 GMT
بیرون ملک مقیم پاکستانیوں کو حق ہے وہ یہاں آئیں، سیاست کریں، طارق فضل چوہدری WhatsAppFacebookTwitter 0 6 April, 2025 سب نیوز
اسلام آباد (آئی پی ایس )وفاقی وزیر پارلیمانی امور طارق فضل نے کہا کہ بیرون ملک مقیم پاکستانیوں کو حق ہے کہ وہ یہاں آئیں لوگوں سے ملیں، سیاست کریں، اگر حکومت کی جانب سے انہیں کوئی تعاون چاہیے ہو تو وہ بھی کریں گے۔ طارق فضل چوہدری سے سوال کیا گیا کہ کیا امریکا سے آئے وفد کی بانی پی ٹی آئی سے ملاقات کروائی گئی یا صرف ایک شخص کی؟ جس کے جواب میں انہوں نے کہا کہ تفصیل سے واقف نہیں ہوں لیکن بانی پی ٹی آئی سے ملاقاتیں کھلی ہیں۔
طارق فضل نے کہا کہ پاکستان کے شہری کسی بھی ملک میں ہوں یہ ان کا اپنا وطن ہے، پی ٹی آئی کے بعض لوگ ریاست، ریاستی اداروں کے خلاف بیان بازی کرتے ہیں، مجھ سمیت ہر پاکستانی اس کی مذمت کرتا ہے۔وفاقی وزیر نے کہا کہ پی ٹی آئی پروپیگنڈا کرتی ہے کہ لوگوں کو بانی پی ٹی آئی سے ملنے نہیں دیا جاتا، پی ٹی آئی کے اپنے اندورنی اختلافات ہیں ایک گروہ دوسرے کا راستہ روکتا ہے۔ طارق فضل نے یہ بھی کہا کہ ہر ملک کے اپنے اندرونی معاملات ہوتے ہیں، کوئی دوسرا ملک کسی ملک پر دبا ڈالتا ہے نہ ڈال سکتا ہے۔
.ذریعہ: Daily Sub News
پڑھیں:
پی ٹی آئی والے ایک دوسرے کو چور کہہ رہے، پہلے امریکی غلامی نامنظور، اب منتیں ہو رہیں: خواجہ آصف
سیالکوٹ (نوائے وقت رپورٹ + نمائندہ خصوصی + نامہ نگار) وزیر دفاع خواجہ آصف نے سیالکوٹ میں جلسے سے خطاب کرتے ہوئے کہا ہے کہ پی ٹی آئی والوں نے ایک دوسرے کو چور کہنا شروع کر دیا۔ وزیراعظم شہباز شریف کی قیادت میں ملک کو مشکل حالات سے نکالا۔ بانی کے دور میں کرپشن عروج پر تھی۔ پی ٹی آئی والوں کا لیڈر بین الاقوامی چور ہے۔ بانی ہمارے ساتھ میٹنگ میں نہیں بیٹھتا تھا۔ شہباز شریف نے ایک سال میں ناممکن کو ممکن کر دکھایا۔ وزیراعلیٰ مریم نواز پنجاب کی ترقی کیلئے دن رات کوشاں ہے۔ ایسے افراد بھی پی ٹی آئی کے ساتھ ہیں جن کو گھر والے بھی ووٹ نہیں دیتے۔ کل تک یہ کہتے تھے امریکی غلامی نامنظور۔ آج یہ لوگ امریکہ کی منتیں کرتے ہیں۔ کہتے ہیں بانی کی رہائی کیلئے بیان دیں۔ میٹنگز میں نہ آنے والا اب میٹنگز کی منتیں کر رہا ہے۔ آئی ایم ایف نے بھی پاکستان کی ترقی کو تسلیم کیا۔ تحریک انصاف والے اوورسیز کو کہتے رہے پیسے نہ بھیجنا۔ اوورسیز پاکستانیوں نے ریکارڈ پیسے بھیجے۔ انہوں نے کوآرڈینیٹر ٹو وزیر اعظم برائے اوور سیز پاکستانیز حافظ شاہد گہگ کی عید ملن پارٹی سے خطاب کیا۔ اس موقع پر وزیر مملکت برائے منصوبہ بندی چوہدری ارمغان سبحانی، ممبران صوبائی اسمبلی محمد منشاء اللہ بٹ، چوہدری فیصل اکرام، چوہدری طارق سبحانی، رانا عارف ہرناہ، رانا فیاض احمد، شکیلہ جاوید آرتھر، رانا لیاقت علی، سابق میئر سیالکوٹ چوہدری توحید اختر، سابق وزیر حکومت آزاد جموں و کشمیر چوہدری محمد اسحاق، مرکزی رہنما مسلم لیگ ن مولوی شکور، سٹی صدر مسلم لیگ ن محمد رفیق، فیصل منطور ملک، عاطف نواز گہگ، چوہدری حمزہ شریف، چوہدری محمد حبیب کے علاوہ ضلع بھر سے ہزاروں کی تعداد میں کارکنان مسلم لیگ ن نے شرکت کی۔ خواجہ محمد آصف نے اپنی رہائش گاہ پر شہرہوں کے مسائل سنے اور ان کے حل کیلئے متعلقہ محکموں کے مقامی حکام کو ہدایات جاری کیں۔
عوام کی معاشی کمر ٹوٹ جانے کا نتیجہ، رواں سال عید خریداری کا حجم کم ترین سطح پر آ گیا