عظمیٰ بخاری کا بیرسٹر سیف کے بیان پر ردعمل
اشاعت کی تاریخ: 6th, April 2025 GMT
وزیر اطلاعات پنجاب عظمیٰ بخاری نے خیبر پختونخوا کے مشیر اطلاعات بیرسٹر سیف کے بیان پر ردعمل دے دیا۔
لاہور سے جاری بیان میں عظمیٰ بخاری نے استفسار کیا کہ بیرسٹر سیف آپ نے کونسی رمضان سہولت بازاروں کی رپورٹ پڑھ لی ہے؟
انہوں نے کہا کہ پنجاب میں رمضان المبارک کے دوران پیکیج اور سہولت بازاروں کے ذریعے ریلیف دیا گیا۔
وزیراعلیٰ خیبرپختونخوا کے مشیر اطلاعات بیرسٹر محمد علی سیف نے پنجاب حکومت کی رمضان کارکردگی کو ہدف تنقید بنایا ہے۔
وزیر اطلاعات پنجاب نے مزید کہا کہ پنجاب کے رمضان سہولت بازاروں سے عوام کو ایک ارب 31 کروڑ کی بچت ہوئی۔
اُن کا کہنا تھا کہ ماہ رمضان کے دوران سہولت بازاروں سے عوام کو اوپن مارکیٹ سے 31 فیصد زیادہ ریلیف ملا۔
عظمیٰ بخاری نے کہا کہ خیبر پختونخواہ میں اپنی پارٹی کے لوگوں کو 10 ارب روپے رمضان پیکیج کے نام پر بانٹ دیے گئے ہیں۔
انہوں نے کہا کہ آپ خیبر پختونخواہ میں ایک بھی رمضان بازار نہیں لگا سکے، جھوٹے پروپیگنڈے سے آپ کی کرپشن اور چوریاں چھپ نہیں سکتیں۔
.ذریعہ: Jang News
کلیدی لفظ: سہولت بازاروں بیرسٹر سیف کہا کہ
پڑھیں:
وزیراعلیٰ پنجاب مریم نواز نے نئے سہولت بازاروں کے قیام کی منظوری دے دی
وزیراعلیٰ پنجاب مریم نواز نے صوبے میں 13 نئے سہولت بازاروں کے قیام کی منظوری دی ہے جن کے تحت مختلف شہروں میں سہولت بازار قائم کیے جائیں گے ان نئے بازاروں کے منصوبوں کو جلد مکمل کرنے کی ہدایت دی گئی ہے اور اگست تک ان کی تکمیل کا وقت مقرر کیا گیا ہے۔ نئے سہولت بازار نوشہرہ ورکاں، بورے والا، کبیروالا، سانگلہ اور جلال پور میں بنائے جائیں گے جبکہ بہاولپور، اٹک اور مری میں بھی اضافی سہولت بازار قائم کرنے کا فیصلہ کیا گیا ہے وزیراعلیٰ مریم نواز نے ضلعی انتظامیہ کو سہولت بازاروں کے لیے زمین فراہم کرنے کی ہدایت کرتے ہوئے ان کے قیام کا مکمل منصوبہ طلب کر لیا ہے انہوں نے مزید کہا کہ سہولت بازاروں کو شمسی توانائی پر منتقل کرنے کا فیصلہ کیا گیا ہے جس سے ان بازاروں میں بجلی کی لاگت میں 70 فیصد تک کمی آئے گی اس کمی کا فائدہ عوام تک پہنچانے کے لیے اشیاء کے نرخوں میں کمی کی جائے گی سہولت بازاروں کی شمسی توانائی پر منتقلی کے لیے 69 کروڑ روپے سے زائد کے فنڈز کی منظوری بھی دے دی گئی ہے وزیراعلیٰ نے جہلم، مظفرگڑھ اور نارووال میں سہولت بازار کے قیام میں پیش آنے والی مشکلات کو حل کرنے کی ہدایت بھی کی اسی طرح رحیم یار خان، بہاولنگر، اٹک اور مری میں سہولت بازار کے لیے زمین کی نشاندہی کا عمل جلد مکمل کرنے کا حکم دیا گیا ہے وزیراعلیٰ مریم نواز کا کہنا ہے کہ سہولت بازاروں کا مقصد کمزور اور متوسط طبقے کو اشیاء کم قیمتوں پر فراہم کرنا ہے اور ان بازاروں کا قیام قائد محمد نواز شریف کے ویژن کے تحت مہنگائی کے خاتمے کی کوششوں کا حصہ ہے
شہباز شریف کا عمان کے سلطان سے ٹیلیفونک رابطہ، عیدالفطر کی مبارکباد