وزیراعظم سے محسن نقوی کی اہم ملاقات، کینالز، بلوچستان اور کے پی کی صورتحال زیربحث
اشاعت کی تاریخ: 6th, April 2025 GMT
لاہور:
وزیراعظم شہباز شریف سے وفاقی وزیر داخلہ محسن نقوی نے ملاقات کی جہاں دریائے سندھ میں کینالز بنانے، بلوچستان اور خیبرپختونخوا (کے پی) میں امن وامان کے حوالے سے کیے گئے اقدامات زیر بحث آئے۔
ایکسپریس نیوز کے مطابق ذرائع نے بتایا کہ وفاقی وزیر داخلہ محسن نقوی نے لاہور میں وزیر اعظم شہباز شریف سے اہم ملاقات کی ہے، وزیر داخلہ نے وزیراعظم کو افغان باشندوں کی اپنے ملک واپسی کے لیے جاری آپریشن کے بارے میں آگاہ کیا۔
ان کا کہنا تھا کہ وزیراعظم اور وزیر داخلہ کے درمیان دریائے سندھ سے نکالی جانے والی نہروں پر عوامی ردعمل پر بھی بات چیت ہوئی جبکہ وفاقی وزیر داخلہ نے وزیراعظم کو بجلی کی قیمت کم کرنے پر بھی مبارک باد دی۔
ذرائع نے بتایا کہ وزیر داخلہ نے ملاقات میں امن و امان سمیت سیاسی صورت حال پر بریف کیا، اس دوران بلوچستان اور کے پی میں امن امان کے لیے کیے گئے اقدامات پر تبادلہ خیال کیا گیا۔
وزیراعظم شہباز شریف نے کہا کہ ملک میں سیاسی استحکام اور امن امان کی صورت حال دن بدن ٹھیک ہو رہی ہے۔
.ذریعہ: Express News
کلیدی لفظ: وزیر داخلہ
پڑھیں:
کیا پی سی بی چیئرمین محسن نقوی مستعفی ہوگئے؟ پی سی بی کا اہم بیان سامنے آگیا
پاکستان کرکٹ بورڈ (پی سی بی) نے محسن نقوی کے استعفے کی تردید کردی ہے۔
پاکستان کرکٹ بورڈ (پی سی بی) نے پیر کو ان خبروں کی تردید کی ہے کہ چیئرمین محسن نقوی نے ایشین کرکٹ کونسل (اے سی سی) کے صدر کے طور پر اپنی حالیہ تقرری کے بعد اپنے عہدے سے استعفیٰ دے دیا ہے۔
یہ بھی پڑھیں: محسن نقوی کرکٹ اور وزارت دونوں نہیں چلا سکتے، شاہد آفریدی کی آرمی چیف سے ملاقات میں گفتگو
محسن نقوی کے استعفیٰ کے حوالے سے قیاس آرائیاں ہفتے کے روز سے کھیلوں کی مختلف ویب سائٹس اور سوشل میڈیا پلیٹ فارمز پر گردش کررہی تھیں، کئی رپورٹس میں دعویٰ کیا گیا تھا کہ بڑھتی ہوئی ذمہ داریوں، خاص طور پر اے سی سی کی صدارت سنبھالنے کے بعد محسن نقوی چیئرمین پی سی بی کے عہدے سے استعفیٰ دے سکتے ہیں۔
دوسری جانب پی سی بی کے حکام نے محسن نقوی کے استعفیٰ کے حوالے سے رپورٹس کو بے بنیاد قرار دیتے ہوئے مسترد کردیا ہے۔
پی سی بی کے ایک سینیئر عہدیدار نے کہا، ’محسن نقوی کے استعفیٰ سے متعلق خبروں میں کوئی صداقت نہیں ہے۔ وہ بطور چیئرمین پی سی بی اپنی ذمہ داریاں نبھا رہے ہیں اور پاکستان کرکٹ کی ترقی کے لیے پوری طرح پرعزم ہیں۔‘
یہ بھی پڑھیں: پاکستان کو ایشین کرکٹ کونسل کی صدارت مل گئی، محسن نقوی نئے صدر ہوں گے
یاد رہے کہ محسن جو وفاقی وزیر داخلہ کے طور پر بھی ذمہ داریاں سنبھالے ہوئے ہیں، اپریل کے اوائل میں اے سی سی کے بلا مقابلہ صدر منتخب ہوئے ہین، وہ 2008 کے بعد اس عہدے پر فائز ہونے والے پہلے پاکستانی بن گئے۔
ان کی تقرری کو کرکٹ حلقوں نے علاقائی کرکٹ کے معاملات میں ملک کی نمائندگی کے لیے ایک اہم پیش رفت قرار دیا۔
عہدیدار نے مزید کہا کہ پی سی بی اور اے سی سی میں دوہری ذمہ داریوں کا انعقاد ’غیر معمولی نہیں‘ تھا، محسن نقوی دونوں ذمہ داری احسن طریقے سے نبھا سکتے ہیں۔
’یہ پاکستان کے لیے اعزاز کی بات ہے کہ ہمارا نمائندہ اے سی سی کی قیادت کر رہا ہے۔ محسن نقوی کا اس مرحلے پر پی سی بی سے استعفیٰ دینے کا کوئی ارادہ نہیں ہے۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news استعفی ایشیئن کرکٹ کونسل پاکستان کرکٹ بورڈ پی سی بی محسن نقوی
عوام کی معاشی کمر ٹوٹ جانے کا نتیجہ، رواں سال عید خریداری کا حجم کم ترین سطح پر آ گیا