سٹی 42 : دریائے راوی میں سیر وتفریح کے لیے جانے والی فیملی کے 3 بچے گہرے پانی میں نہاتے ہوئے ڈوب گئے۔
شکرگڑھ کے نواحی گاؤں کھنہ کے رہائشی میاں عامر کی فیملی اتوار کی چھٹی انجوائے کرنے سرحدی علاقہ چک جیندڑ کے قریب دریائے راوی کے کنارے سیرو تفریح کے لیے پہنچے ، جہاں اہل خانہ نے کوکنگ شروع کر دی اور بچے نہانے کے لیے دریائے راوی میں گئے، گہرے پانی میں جاتے ہی 3 بچے ڈوب گئے۔ مقامی لوگوں نے مل کر بچوں کی لاشیں دریا سے نکال لیں، جس کے بعد انہیں تحصیل ہیڈ کوارٹر لایا گیا۔
بہت بڑے ہاسپٹل کے سربراہ کو کورونا ہو گیا
جاں بحق ہونے والے تینوں بچے آپس میں کزن ہیں۔ جن میں سماجی کارکن میاں عامر کا 12سالہ بیٹا فاروق عامر اور اس کے بھانجے رافع ساجد (عمر 10سال) اور بچی عنائیہ ساجد (9سالہ) شامل ہیں۔ واقعے کے بعد شہر کی فضا سوگوار ہے۔
.ذریعہ: City 42
کلیدی لفظ: دریائے راوی
پڑھیں:
دریائے سندھ سے کینالز نکالنے کا معاملہ، خورشید شاہ بھی بول پڑے
پاکستان پیپلزپارٹی (پی پی پی) کے سینیئر رہنما و سابق وفاقی وزیر سیّد خورشید شاہ نے کہا ہے کہ دریائے سندھ سے کینالز نکالنے کے معاملے پر سندھ سے ہی نہیں پنجاب سے بھی آواز اٹھ رہی ہے، ہمارا اس معاملے پر مؤقف بالکل واضح ہے۔
سکھر میں میڈیا سے گفتگو کرتے ہوئے انہوں نے کہاکہ عظمیٰ بخاری پیپلزپارٹی میں رہ چکی ہیں، اس لیے وہ ایسے اختلافی بیانات نہ دیں، اور کوئی بھی بات کرنے سے قبل پانی کی تقسیم کا 1991 کا معاہدہ پڑھ لیں۔
یہ بھی پڑھیں بلاول بھٹو نے کہا کینالز کو بننے نہیں دیا جائیگا، یہ سب کے لیے پیغام تھا، شرجیل میمن
انہوں نے کہاکہ 1991 کے معاہدے میں پانی کی تقسیم کا معاملہ بالکل کلیئر ہے، جب 91 کا معاہدہ ہوا تو ہمارے پاس 114 ملین ایکڑ فٹ پانی تھا، جبکہ اس وقت ہمارے پاس صرف 94 ملین ایکڑ پانی ہے۔
خورشید شاہ نے کہاکہ جس طرح آبادی بڑھ رہی ہے، ہمیں آگے چل کر پینے کے لیے بھی پانی ملے گا یا نہیں، یہ بہت اہم مسئلہ ہے، ہم چاہتے ہیں کہ ہر پاکستانی کو پانی ملے۔
انہوں نے کہاکہ پی ٹی آئی والے کسی بھی معاملے پر سنجیدہ نہیں ہوتے، وہ تو پارلیمنٹ میں بھی کسی کی بات نہیں سنتے۔
پی پی رہنما نے کہاکہ عمران خان کی رہائی کے حوالے سے کوئی پیشگوئی نہیں کر سکتا کیوں کہ یہ عدالتی معاملہ ہے، ہمیں سوچنا ہوگا کہ پاکستان کی بات کرنی ہے یا مسائل پیدا کرنے ہیں۔
واضح رہے کہ دریائے سندھ سے کینالز نکالنے کے معاملے پر پنجاب اور سندھ آمنے سامنے ہیں، جبکہ پیپلزپارٹی نے واضح کہہ دیا ہے کہ کسی صورت نہریں نہیں نکالنے دیں گے۔
یہ بھی پڑھیں دریائے سندھ سے کینالز نہیں نکالنے دیں گے، وزیراعلیٰ سندھ کی وفاقی حکومت گرانے کی دھمکی
گزشتہ روز وزیر اطلاعات پنجاب عظمیٰ بخاری نے کہا تھا کہ چولستان کینالز کے منصوبے پر سندھ میں صرف سیاست کی جا رہی ہے، منصوبہ صدرِ پاکستان سے باقاعدہ طور پر منظور شدہ ہے اور اس پر ان کے دستخط موجود ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پاکستان پیپلزپارٹی خورشید شاہ دریائے سندھ کینالز وی نیوز
ترکیہ میں اکرام امام اوغلو کی گرفتاری پر بہت بڑا احتجاج