’ bad کولیسٹرول‘ جو ڈیمنشیا اور الزائمر کی بیماری سے بچاتا ہے
اشاعت کی تاریخ: 6th, April 2025 GMT
سائنس کی ایک حالیہ تحقیق سے معلوم ہوا ہے کہ جو افراد کم LDL کے لیے اسٹیٹن استعمال کرتے ہیں ان میں ڈیمنشیا اور الزائمر کا خطرہ کم ہوتا ہے۔
یہ بھی پڑھیں:طرز زندگی میں تبدیلی کینسر سے بچ جانے والوں کی عمر بڑھاتی ہے؟
جرنل آف نیورولوجی میں شائع ایک نئی تحقیقی رپورٹ کے مطابق ’ bad ‘، LDL کولیسٹرول کی کم سطح کا مطلب ڈیمنشیا اور الزائمر کی بیماری کا کم خطرہ ہے۔
کم کثافت والے لیپو پروٹین یا LDL والے کولیسٹرول کی سطح 70 mg/dl سے کم رکھنے والے افراد میں ڈیمینشیا کا خطرہ 26 فیصد کم اور الزائمر کا خطرہ 28 فیصد کم ہوتا ہے۔ ایسا ان تمام لوگوں کے مقابلے میں ہے جن میں LDL کی سطح 130 mg/dl سے زیادہ ہوتی ہے۔
تحقیق کے مطابق کولیسٹرول کو کم کرنے کے لیے، لیے جانے والے اسٹیٹنز ڈیمینشیا اور الزائمر کے خلاف اضافی تحفظ فراہم کرتے دکھائی دیتے ہیں۔
جنوبی کوریا کے شہر سیول میں ہالیم یونیورسٹی کالج آف میڈیسن میں نیورولوجی کے اسسٹنٹ پروفیسر ڈاکٹر یریم کم کی قیادت میں تحقیق کرنے والی ٹیم کے نتائج کے مطابق یہ نتائج ڈیمنشیا سے بچاؤ کے لیے مخصوص LDL کولیسٹرول خاص مقدار میں حاصل کرنے کی اہمیت پر زور دیتے ہیں۔
یہ بھی پڑھیں:صحتمند بڑھاپے کے لیے درمیانی عمر میں کیا کھائیں؟
اس سب کے باوجود محقیقین کا یہ بھی کہنا ہے کہ یہ ہدایات ’ bad‘ کولیسٹرول کی سطح اور دل کے خطرے کے درمیان واضح تعلق پر مبنی ہیں، لیکن LDL کولیسٹرول اور دماغی صحت کے درمیان تعلق کے حوالے سے متضاد شواہد موجود ہیں۔
محققین کے مطابق ابتدائی مطالعات میں بتایا گیا تھا کہ اسٹیٹن کے استعمال کے ذریعے ایل ڈی ایل کولیسٹرول کو کم کرنے سے کچھ خرابی ہو سکتی ہے، لیکن بعد کے اعداد و شمار سے پتا چلتا ہے کہ کم ایل ڈی ایل ڈیمنشیا کا خطرہ نہیں بڑھاتا۔
محقیقی کے مطابق یہ واضح نہیں ہے کہ آیا LDL کولیسٹرول کو کم کرنا دراصل دماغ کی حفاظت کر سکتا ہے۔
یہ بھی پڑھیں:برطانوی ہیلتھ سیکیورٹی ایجنسی نے 24 ترجیحی پیتھوجینز کی تیاری کی ہدایت کردی
اس بات کا جائزہ لینے کے لیے محققین نے جنوبی کوریا کے 11 یونیورسٹی اسپتالوں کے 192,000 سے زیادہ افراد کے ڈیٹا کا تجزیہ کیا جن میں LDL کی سطح 70 mg/dl سے کم تھی اور 379,000 مریضوں میں LDL کی سطح 130 mg/dl سے زیادہ تھی۔
تجزیہ سے پتا چلتا ہے کہ کم ایل ڈی ایل کولیسٹرول والے لوگوں میں ڈیمنشیا اور الزائمر دونوں کا خطرہ کم ہوتا ہے۔
اس کے علاوہ کم ایل ڈی ایل کی سطح حاصل کرنے کے لیے اسٹیٹن استعمال کرنے والے افراد میں ڈیمنشیا کا خطرہ 13 فیصد کم اور الزائمر کا خطرہ 12 فیصد کم تھا ان لوگوں کے مقابلے میں جو اسٹیٹن نہیں لے رہے تھے۔
رپورٹ کے مطابق محققین نے نوٹ کیا کہ مطالعہ ایل ڈی ایل کولیسٹرول اور ڈیمنشیا کے درمیان وجہ اور اثر کا تعلق ثابت نہیں کر سکتا۔ براہِ راست تعلق ثابت کرنے کے لیے کلینیکل ٹرائلز کی ضرورت ہوگی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
bad ‘ کولیسٹرول LDL ایل ڈی ایل کولیسٹرول جرنل آف نیورولوجی جنوبی کوریا ہالیم یونیورسٹی کالج آف میڈیسن.ذریعہ: WE News
کلیدی لفظ: bad کولیسٹرول جرنل آف نیورولوجی جنوبی کوریا ڈیمنشیا اور الزائمر کے مطابق فیصد کم کا خطرہ کی سطح کے لیے یہ بھی
پڑھیں:
ایچ بی ایل پی ایس ایل 10: کراچی کنگز نے اپنی تیاریوں کا آغاز کر دیا
پی ایس ایل 10 کے لیے کراچی کنگز نے اپنی تیاریوں کا آغاز کر دیا۔
کراچی کنگز نے پیر کو نیشنل اسٹیڈیم کے اوول گراؤنڈ پر اپنی ابتدائی مشقیں کیں۔ جمعہ سے شروع ہونے والے میگا ایونٹ میں کراچی کنگز اگلے روز ہفتے کو اپنا پہلا میچ نیشنل اسٹیڈیم میں ملتان سلطانز کے خلاف کھیلے گی۔
ایونٹ کے لیے ابتدائی روز فرنچائز میں شامل مقامی کرکٹرز نے تربیت کا آغاز کیا۔ان میں ٹیسٹ کپتان شان مسعود، فاسٹ بولر حسن علی، عامر جمال، عباس آفریدی ،زاہد محمود، فواد علی اور محمد ریاض اللہ سمیت دیگر شامل تھے۔
ابتدائی مشقوں میں ہیڈ کوچ روی بوپار اور اسسٹنٹ و بولنگ کوچ شان ٹیٹ نے کھلاڑیوں کی نگرانی کی۔ اس موقع پر بیٹنگ بولنگ اور فیلڈنگ کے شعبوں میں کارکردگی میں نکھار لانے کی کوشش کی گئی۔
دورہ نیوزی لینڈ میں پاکستان کی نمائندگی کے بعد واپس وطن پہنچنے والے فرنچائز کے کھلاڑی اگلے دو دن میں اسکواڈ کا حصہ بن جائیں گے۔ ان میں نیوزی لینڈ میں افغان باشندے کی بدتمیزی کا شکار ہونے والے ممتاز آل راؤنڈر خوش دل شاہ خصوصی توجہ کا مرکز ہوں گے۔
فرنچائز کے آل راؤنڈر افغانستان سے تعلق رکھنے والے محمد نبی منگل کو کراچی پہنچ رہے ہیں۔کراچی کنگز کے نامزد کپتان معروف آسٹریلوی بیٹر ڈیوڈ وارنر جمعرات کو پاکستان پہنچیں گے۔
دریں اثنا پی ایس ایل 10 میں کراچی کنگز کے خلاف اپنا پہلا میچ کھیلنے کے لیے ملتان سلطانز کی ٹیم منگل کی شب کراچی پہنچ رہی ہے۔
عوام کی معاشی کمر ٹوٹ جانے کا نتیجہ، رواں سال عید خریداری کا حجم کم ترین سطح پر آ گیا