دوہزار چوبیس میں یورپی یونین میں پناہ کی پہلی درخواستوں کی تعداد میں کمی آئی، یورو اسٹیٹ
اشاعت کی تاریخ: 6th, April 2025 GMT
اسلام آباد (اُردو پوائنٹ ۔ DW اردو۔ 06 اپریل 2025ء) یورپی ممالک میں سیاسی پناہ کے حصول کے لیے درج کی جانے والی درخواستوں کے مرکزی ڈیٹا بینک کے دفتر ''یورو اسٹیٹ‘‘ کے تازہ ترین اعداد و شمار سے یہ انکشاف ہوا ہے کہ 2024 ء میں یورپی یونین میں شامل ممالک میں جمع کروائی گئی پناہ کی پہلی درخواستوں میں 13 فیصد کی کمی واقع ہوئی۔
سیاسی پناہ کی پہلی درخواستوں میں کمی کا یہ رجحان 2022 ء کے بعد دیکھنے میں آیا۔جرمنی میں سیاسی پناہ کی درخواستوں میں واضح کمی
یورو اسٹیٹ کے اعداد وشمار کیا کہتے ہیں
یورواسٹیٹ کی رپورٹ کے مطابق 27 رکنی یورپی بلاک کے رکن ممالک میں غیر یورپی یونین ممالک سے آکر درج کروائی گئی سیاسی پناہ کی اولین درخواستوں کی تعداد 912,000 رہی جو 2023 ء کی تعداد کے مقالے میں ایک ملین سے زیادہ کی کمی ہے۔
(جاری ہے)
درخواست دہندگان کون تھے؟
یورو اسٹیٹ کے مطابق پناہ کی پہلی بار درخواست جمع کروانے والوں میں شامل گروپوں میں سب سے بڑا گروپ شامی باشندوں کا تھا۔ یہ رجحان 2013 ء سے ہر سال ایسا ہی چلا آ رہا ہے۔ یہ تعداد پناہ کی پہلی کُل درخواستوں کا 16 فیصد بنتا ہے۔ شامی پناہ گزینوں کے بعد سیاسی پناہ کی پہلی درخواست جمع کروانے والا دوسرا بڑا گروپ وینزویلا کے باشندوں کا تھا اور اُس کے بعد نمبر پناہ کے متلاشی افغان باشندوں کے گروپ کا تھا اور ان دونوں کی شرح 8 فیصد ہے۔
جرمنی نے مہاجرت کنٹرول کرنے کے لیے سرحدوں پر سختی کردی
یورپ میں پناہ کے بے قاعدہ اندراجات
یورپی یونیورسٹی انسٹی ٹیوٹ میں مائیگریشن پالیسی سینٹر کے ڈائرکٹر اینڈریو گیڈس نے ایک ای میل بیان میں اس بارے میں روئٹرز کوبتایا کہ یورو اسٹیٹ کے اعداد و شمار سے اس امر کی نشاندہی بھی ہوئی ہے کہ یورپی یونین کی سرحدوں میں پناہ کے بے قاعدہ اندراجات کا سراغ مل جانے والے کیسز کی تعداد میں بھی کمی واقع ہوئی ہے۔
اُدھر یورپی یونین کی سرحدی نگرانی کی ایجنسی فرونٹیکس نے کہا ہے کہ 2024 ء میں غیر قانونی راستوں سے یورپی یونین میں داخل ہونے والے تارکین وطن کی تعداد میں مجموعی طور پر 38 فیصد کی کمی آئی جو2021ء کے بعد سے اب تک کی سب سے کم سطح ہے۔
پناہ کے سخت قوانین اور ناروا سلوک، تارکین وطن شمالی برطانیہ کی طرف بڑھنے پر مجبور
اینڈریو گیڈس نے کہا کہ ان اعداد و شمار سے پتہ چلتا ہے کہ یورپی یونین میں داخلے کو منظم کرنے کی کوششیں کسی حد کامیاب ہوئی ہیں۔
ان کا مزید کہنا تھا،''اس رجحان کا ایک پوشیدہ پہلو بھی ہے۔ وہ یہ کہ نقل مکانی کرنے والوں کی ایک بڑی تعداد شمالی افریقہ اور مشرق وسطیٰ میں پائی جاتی ہے۔ اُن علاقوں میں جہاں کے ممالک میں تحفظ کے معیارات اور انسانی حقوق کی خلاف ورزیاں کے بارے میں شدید خدشات پائے جاتے ہیں۔"پناہ گزینوں کو درپیش مسائل
پناہ گزینوں اور جلاوطنی سے متعلق یورپین کونسل کی ڈائرکٹر کیتھرین وولارڈ نے خبر رساں ایجنسی روئٹرز کو ایک ای میل کے ذریعے مطلع کیا کہ وینیزویلا کے باشندوں کی طرف سے جمع کروائی گئی پناہ کی درخواستوں کی تعداد افغان پناہ گزینوں کی دوخواستوں سے زیادہ تھی۔
یہ امر اس بات کا ثبوت ہے کہ افغان باشندوں کو فرار ہونے میں بہت زیادہ مشکلات کا سامنا ہے۔2023ء: یورپ میں پناہ کی درخواستیں 10 لاکھ سے زائد
یورواسٹیٹ کے اعداد و شمار کے مطابق شام سے آکر یورپی یونین کے کسی ملک میں پناہ کی پہلی درخواست دہندگان کی تعداد 2024 ء میں تقریباً 148,000 رہی جو 2023 ء کے مقابلے میں پہلی بار درج کی گئی شامی باشندوں کی درخواستیں کے مقابلے میں 19.
برطانیہ میں پناہ: سمندری راستوں سے آنے والوں پر پابندی کا منصوبہ
کیتھرین وولارڈ کا اندازہ ہے کہ اگر سابق صدر بشار الاسد کی حکومت کے زوال کے بعد شام میں سیاسی استحکام کی صورتحال بہتر ہوتی ہے تو مستقبل میں شام سے آنے والوں کی پناہ کی درخواستوں کی تعداد مزید کم ہو سکتی ہے۔ اگرچہ 2024 ء کے اعداد و شمار کے اثرات پر روشنی ڈالنا فی الحال قبل از وقت ہے۔
یورپی یونین کے ممالک میں بین الاقوامی تحفظ حاصل کرنے کی غرض سے دی گئیں پناہ کی درخواستوں کی کُل تعداد کا تین چوتھائی سے زیادہ جرمنی، اسپین، فرانس اور یونان میں درج ہوا۔
ذریعہ: UrduPoint
کلیدی لفظ: تلاش کیجئے درخواستوں کی تعداد پناہ کی درخواستوں یورپی یونین میں سیاسی پناہ کی پناہ گزینوں یورو اسٹیٹ کے اعداد ممالک میں میں پناہ اسٹیٹ کے پناہ کے کے بعد
پڑھیں:
پاکستان: ملک بدری کے لیے افغان مہاجرین کے خلاف کریک ڈاؤن
اسلام آباد (اُردو پوائنٹ ۔ DW اردو۔ 05 اپریل 2025ء) اسلام آباد سے موصولہ خبر رساں ایجنسی ڈی پی اے کے مطابق حکام نے جمعہ چار اپریل سے افغان باشندوں کے خلاف کریک ڈاؤن شروع کر دیا ہے۔ اطلاعات کے مطابق عالمی حقوق کے گروپوں کی طرف سے ان لوگوں کو جنہیں طالبان کے ظلم و ستم کا خطرات کا سامنا ہے، بچانے کے مطالبات کیے گئے تھے۔ پاکستانی حکام نے ان مطالبات کو نظر انداز کرتے ہوئے قریب 10 لاکھ افغان مہاجرین کو زبردستی واپس وطن بھیجنا چاہتے ہیں۔
پاکستان میں افغان خواتین کارکنوں کو ملک بدری کا خوف
پاکستان کی وزارت داخلہ کے ایک اہلکار ذولکفل حسین کے مطابق، ''پولیس نے افغان باشندوں کو گرفتار کرنا شروع کر دیا ہے۔ انہیں افغانستان واپس بھیجنے سے پہلے کیمپوں میں رکھا جا رہا ہے۔
(جاری ہے)
‘‘ یہ سلسلہ افغان باشندوں کے لیے رضا کارانہ طور پر وطن واپسی کی ڈیڈ لائن ختم ہونے کے بعد شروع ہوئی ہے۔
افغان باشندوں کی پاکستان سے جبری واپسی
پاکستان نے غیر دستاویزی افغانوں کی جبری وطن واپسی کا آغاز 2018ء میں کیا تھا۔ سرکاری اعداد و شمار کے مطابق نومبر 2023، اور اس کے بعد تقریباً 900,000 افراد کو افغانستان واپس بھیجا جا چکا ہے۔ اسلام آباد حکومت نے گزشتہ ماہ اعلان کیا تھا کہ وہ دونوں ممالک کے درمیان طے شدہ معاہدے کے تحت آٹھ لاکھ سے زائد رجسٹرڈ افغان مہاجرین کو ملک بدر کرے گی۔
اطلاعات کے مطابق حکام اب اقوام متحدہ کی پناہ گزینوں کی ایجنسی کے ساتھ رجسٹرڈ تقریباً 10 لاکھ افغانوں کو ملک بدری کے تیسرے مرحلے میں واپس ان کے وطن بھیجنے کا ارادہ رکھتے ہیں۔مغربی ممالک جانے کے منتظر افغانوں کو ملک بدر کر سکتے ہیں، پاکستان
سب سے زیادہ گرفتاریاں کہاں ہوئیں؟
پولیس ترجمان محمد نعیم کے مطابق سب سے زیادہ گرفتاریاں شمال مغربی صوبے خیبرپختونخوا میں عمل میں آئیں جبکہ کچھ خاندانوں کو دارالحکومت اسلام آباد اور قریبی شہر راولپنڈی سے لا کر بھی ان کیمپوں میں منتقل کیا گیا ہے۔
ان کا مزید کہنا تھا، ''اب سے یہ آپریشن روزانہ بنیادوں پر ہوگا۔‘‘ اُدھر عالمی حقوق کی تنظیموں اور مقامی کارکنوں نے پاکستان پر زور دیا ہے کہ وہ ملک بدری کے اپنے منصوبے پر نظر ثانی کرے۔
ایران روزانہ تین ہزار افغان باشندوں کو ملک بدر کر رہا ہے، این آر سی
1979 ء افغانستان پر روسی قبضے کے بعد لاکھوں افغان ملک سے فرار ہو کر پاکستان میں داخل ہوئے تھے۔ اس کے بعد 1990ء اور پھر 2021ء میں جب کابل حکومت پر طالبان کا قبضہ ہوا تو کافی تعداد میں افغان باشندوں نے پاکستان کا رُخ کیا اور وہاں پناہ لی۔
ادارت افسر اعوان
ٹک ٹاکر ڈاکو شاہد لونڈ کو قتل کرنے والا عمر لونڈ بھی فائرنگ میں ہلاک