جماعت اسلامی نے 11 اپریل سے ملک گیر احتجاج کی کال دیدی
اشاعت کی تاریخ: 6th, April 2025 GMT
لاہور ( اُردو پوائنٹ اخبارتازہ ترین۔ 06 اپریل 2025ء ) جماعت اسلامی نے 11 اپریل سے ملک گیر احتجاج کا اعلان کردیا۔ لاہور میں پریس کانفرنس کرتے ہوئے امیر جماعت اسلامی حافظ نعیم الرحمان نے کہا کہ ہم نے غزہ کی صورتحال پر تمام سیاسی سرگرمیاں معطل کردی ہیں، آج سے پورے ملک میں غزہ کی صورتحال پر عوامی مہم شروع کریں گے، 11 اپریل کو پاکستان سے فلسطین مارچ کریں گے، لاہور میں 11 اپریل کو امریکی سفارت خانہ کی طرف مارچ کرکے جائیں گے، شاہراہ فیصل کراچی پر 13 اپریل کو مارچ کریں گے، 20 مارچ کو مارچ کی شکل میں اسلام آباد امریکی قونصل خانہ کی طرف جائیں گے، پوری قوم کو 20 اپریل کے مارچ میں شرکت کی دعوت دیتے ہیں۔
ان کا کہنا ہے کہ ایک طرف عالم اسلام میں ماہ رمضان کے بعد عید منائی، فلسطین میں عید الفطر کے موقع پر بھی بچوں پر اسرائیل نے بمباری کی، فلسطینی بچے جو میدان میں کھیل رہے تھے ان پر بم برسائے گئے، اسرائیل نے غزہ کے سارے ہسپتالوں کو تہس نہس کردیا گیا ہے اور مسلم ممالک نے بے حسی کی چادر اوڑھی ہوئی ہے، مسلم ممالک میں اگر غیرت ہوتی تو اسرائیل درندگی نہ کرتا۔(جاری ہے)
حافظ نعیم الرحمان نے کہا کہ دو ریاستی نظریہ کو ماننے اور اسرائیل کو تسلیم کرنے کی باتیں ہو رہی ہیں، غزہ کی صورتحال پر کوئی بولنے کو تیار نہیں ہے، غزہ کو پہلے ہی 80 سے 90 فیصد تباہ کردیا گیا، غزہ کی صورتحال پر مسلم ممالک خاموش ہیں، پوری دنیا میں فلسطین کے معاملے پر قبرستان جیسی خاموشی ہے، مغرب طے کرچکی ہے مرنے والے مسلمان ہوں گے تو آواز نہیں اٹھائی جائے گی، غزہ صورتحال پر مغرب کے چہرے سے نقاب اتر گیا۔ .ذریعہ: UrduPoint
کلیدی لفظ: تلاش کیجئے غزہ کی صورتحال پر
پڑھیں:
خیبر پختونخوا میں امن و امان کی صورتحال انتہائی مخدوش ہے، پروفیسر ابراہیم
جماعت اسلامی کے صوبائی امیر کا کہنا تھا کہ کرم، کوہاٹ، بنوں، کرک، لکی مروت اور ڈیرہ اسماعیل خان سمیت تمام اضلاع میں روزانہ کی بنیاد پر دہشت گردانہ کاروائیاں ہو رہی ہیں۔ انتظامیہ بے بس، صوبائی حکومت اور سیکورٹی ادارے امن کے حوالے سے خاموش ہیں۔ اسلام ٹائمز۔ امیر جماعت اسلامی خیبر پختونخوا جنوبی پروفیسر محمد ابراہیم خان نے کہا ہے کہ پورے صوبے میں امن و امان کی صورتحال عمومی طور پر اور جنوبی اضلاع میں خصوصیت کے ساتھ انتہائی خراب اور مخدوش ہے، کرم، کوہاٹ، بنوں، کرک، لکی مروت اور ڈیرہ اسماعیل خان سمیت تمام اضلاع میں روزانہ کی بنیاد پر دہشت گردانہ کاروائیاں ہو رہی ہیں۔ انتظامیہ بے بس، صوبائی حکومت اور سیکورٹی ادارے امن کے حوالے سے خاموش ہیں۔ عوام کو دہشت گردوں کے رحم و کرم پر چھوڑ دیا گیا ہے۔ عوام میں شدید اضطراب، بے چینی اور خوف پایا جاتا ہے۔ 20 اپریل کو پشاور میں امیر جماعت اسلامی انجینئر حافظ نعیم الرحمٰن نے پشاور میں امن مارچ کا اعلان کیا ہے۔ امن مارچ میں جنوبی پختونخوا سے ہزاروں لوگ شریک ہوں گے۔ ان خیالات کا اظہار انہوں نے دارالعلوم الاسلامیہ بنوں میں جماعت اسلامی خیبر پختونخوا جنوبی کے صوبائی ذمہ داران اور امرائے اضلاع کے اجلاس سے خطاب کے دوران کیا۔
اس موقع پر جماعت اسلامی خیبر پختونخوا جنوبی کے سیکرٹری جنرل محمد ظہور خٹک، نائب امراء مولانا محمد تسلیم اقبال، عزیز اللہ خان مروت سمیت دیگر ذمہ داران بھی موجود تھے۔ اجلاس میں صوبے کی عمومی صورتحال اور جماعت اسلامی کے کام، امن و امان اور دیگر مسائل کا جائزہ لیا گیا۔ امرائے اضلاع نے سہ ماہی رپورٹ پیش کی۔ پروفیسر محمد ابراہیم خان نے اپنے خطاب میں مزید کہا کہ وزیر اعظم کی جانب سے بجلی کی قیمتوں میں کمی بہت کم ہے، بجلی کے نرخ مزید کم کیے جائیں۔ جماعت اسلامی نے گزشتہ سال جولائی میں بجلی کی قیمتوں میں اضافے اور آئی پی پیز کے خلاف تحریک شروع کی تھی اور اسلام آباد میں دھرنا دیا تھا۔ آئی پی پیز اور بجلی کی زیادہ قیمتوں کے خلاف ہماری تحریک جاری رہے گی۔ انہوں نے کہا کہ ایک وقت وہ تھا جب حکومتی وزیر آئی پی پیز کے خلاف بات بھی نہیں کر سکتے تھے، اور اب الحمد للہ جماعت اسلامی کی جدوجہد کے نتیجے میں درجنوں آئی پی پیز سے معاہدے ختم کرنے پڑے اور حکومت بجلی کی قیمتوں میں کمی کرنے پر مجبور ہوگئی۔
ان کا کہنا تھا کہ آئی پی پیز سے معاہدے ختم کرنے میں قومی خزانے کو فائدہ ہوا ہے۔ انہوں نے کہا کہ امن و امان کی مخدوش صورتحال سے ہر شہری پریشان ہے۔ حکومت اور اس کے ادارے اس عفریت پر قابو پانے میں مکمل طور پر ناکام ہو چکے ہیں۔ فوج نے اپنا کام چھوڑ کر اندرونی سیکورٹی سنبھال رکھی ہے جس سے حالات مزید خراب تر ہو رہے ہیں۔ فوج سرحدوں کا دفاع کرے، اندرونی سیکورٹی سول اداروں کو سونپی جائے۔ انہوں نے کہا کہ اس وقت جماعت اسلامی ہی ملک میں امن کی بات کر رہی ہے۔ فوجی آپریشنوں سے گزشتہ دو عشروں میں مسائل حل نہیں ہوئے، اب بھی نہیں ہوں گے۔مسائل کا حل مذاکرات کی میز ہے۔ انہوں نے کہا کہ 20اپریل کو پشاور میں صوبے میں امن کے لیے بڑا عوامی مارچ ہوگا جس کی قیادت امیر جماعت اسلامی انجینئر حافظ نعیم الرحمٰن کریں گے، جنوبی پختونخوا کے لوگ اس مارچ کو کامیاب بنائیں۔
عوام کی معاشی کمر ٹوٹ جانے کا نتیجہ، رواں سال عید خریداری کا حجم کم ترین سطح پر آ گیا