امریکا کے 2 اعلیٰ سطح کے وفود آئندہ ہفتے پاکستان کا دورہ کریں گے
اشاعت کی تاریخ: 6th, April 2025 GMT
واشنگٹن (ڈیلی پاکستان آن لائن )امریکا کے 2 اعلیٰ سطح کے وفود آئندہ ہفتے پاکستان کا دورہ کریں گے جو اعلیٰ سیاسی و عسکری قیادت سے ملاقاتیں کریں گے جس میں پاک امریکا انسداد دہشت گردی میں تعاون سمیت اہم امور پر بات چیت ہوگی تاہم اس دورے میں عمران خان کی رہائی سے متعلق کوئی بات نہیں ہوگی۔
ڈان نیوز کے مطابق پہلا وفد امریکی محکمہ خارجہ کے سینئر اہلکار برائے جنوب اور وسط ایشیائی امور ایریک میئر کی قیادت میں 8 سے 10 اپریل تک دورہ کرے گا، اس دوران وفد دونوں ممالک کے درمیان انسداد دہشت گردی تعاون بڑھانے سے متعلق امور پر بات چیت کرے گا۔
10 سے 15 اپریل تک دورہ کرنے والا دوسرا وفد امریکی کانگریس اراکین پر مشتمل ہو گا، دورے میں معیشت، تجارت، دفاعی، عسکری تعلقات اور تعلیم جیسے اہم امور ایجنڈے کا حصہ ہوں گے۔
کانگریسی وفد کے دورے کا مقصد پاکستان اور امریکا کے درمیان دوطرفہ تعلقات کو فروغ دینا ہے، امریکی کانگریس رکن جنرل جیک برگمین اور ٹام سوزی وفد کی قیادت کریں گے۔
کانگریسی وفد وزیراعظم شہباز شریف، نائب وزیراعظم و وزیر خارجہ اسحٰق ڈار سمیت مختلف سیاسی جماعتوں کی قیادت سے ملاقات کرے گا۔
وفد آزاد جموں و کشمیر کا دورہ بھی کرے گا جہاں انہیں مقبوضہ کشمیر کی تازہ ترین صورتحال اور لائن آف کنٹرول پر سکیورٹی صورتحال پر بریفنگ دی جائے گی جبکہ امریکی وفد کرتارپور راہداری کا دورہ بھی کرے گا۔
خیال رہے کہ امریکی وفود کا دورہ پاکستان ڈونلڈ ٹرمپ کی جانب سے پاکستان سے درآمد کی جانے والی اشیا پر 29 فیصد ٹیرف عائد کرنے کے ساتھ ساتھ حریفوں اور اتحادیوں سمیت درجنوں ممالک پر محصولات عائد کرنے کے اعلان کے بعد ہورہا ہے جس نے عالمی تجارتی جنگ کو مزید تیز کردیا ہے۔
دورے کے منتظمین کی جانب سے واضح کیا گیا ہے کہ کانگریس کا وفد پاکستان کی داخلی سیاست میں دلچسپی نہیں رکھتا لہٰذا وفد بانی پی ٹی آئی سے ملاقات نہیں کرے گا اور نہ ہی عمران خان کی رہائی کے معاملے پر کوئی بات نہیں کرے گا۔
واضح رہے کہ رواں سال 26 فروری کو امریکی ارکان کانگریس جو ولسن اور اگست پلگر نے سیکرٹری آف سٹیٹ مارکو روبیو کو خط لکھ کر زور دیا تھا کہ وہ سابق وزیراعظم اور پی ٹی آئی کے بانی عمران خان کی رہائی کو یقینی بنانے کے لئے پاکستان کے ساتھ بات چیت کریں۔
جو ولسن گزشتہ چند ہفتوں کے دوران سماجی رابطے کی ویب سائٹ ایکس پر متعدد پوسٹس میں عمران خان کی رہائی کا مطالبہ کرتے رہے ہیں، بانی پی ٹی آئی اگست 2023 سے متعدد مقدمات میں گرفتار ہیں، جنہیں وہ ’سیاسی‘ قرار دیتے ہیں۔
میٹا نے اب تک کا طاقتور ترین اوپن سورس اے آئی ماڈل لاما 4 لانچ کر دیا
مزید :.ذریعہ: Daily Pakistan
کلیدی لفظ: عمران خان کی رہائی کا دورہ کریں گے کرے گا
پڑھیں:
پاکستان مسلم لیگ کے انٹرا پارٹی الیکشن آئندہ ہفتے منعقد ہوں گے
پاکستان مسلم لیگ کے انٹرا پارٹی الیکشن آئندہ ہفتے منعقد ہوں گے WhatsAppFacebookTwitter 0 7 April, 2025 سب نیوز
اسلام آباد(آئی پی ایس )پاکستان مسلم لیگ کے مرکزی اور صوبائی سطح پرانٹرا پارٹی انتخابات آئندہ ہفتے منعقد ہوں گے،چوہدری شجاعت حسین نے باقاعدہ منظوری دے دی،طارق حسن پارٹی کے سیکرٹری جنرل نامزد، ڈاکٹر محمد امجد بدستور چیف آرگنائزر کے عہدے پرفائزرہیں گے۔ تفصیلات کے مطابق پاکستان مسلم لیگ کے صدر چوہدری شجاعت حسین کی زیر صدارت پارٹی کے اعلی عہدیداران کا اہم اجلاس منعقد ہوا۔
اجلاس میں پارٹی کے سینئیر نائب صدر چوہدری سالک حسین، پنجاب کے جنرل سیکرٹری چوہدری شافع حسین، چیف آرگنائزر ڈاکٹر محمد امجد، مرکزی سیکرٹری اطلاعات غلام مصطفی ملک، سینٹرل ورکنگ کمیٹی کے رکن حافظ عقیل جلیل،صدر مسلم لیگ سندھ طارق حسن، صدر مسلم لیگ کے پی کے انتخاب خان، صدر مسلم لیگ بلوچستان شکیل روشن، صدر فیڈرل کیپیٹل رضوان صادق خان اور صدر مسلم لیگ گلگت بلتستان دلفراز خان نے شرکت کی۔ اجلاس میں چوہدری شجاعت حسین نے آئندہ ہفتے مسلم لیگ کے انٹرا پارٹی انتخابات کی باقاعدہ منظوری دے دی۔اس موقع پر چوہدری شجاعت حسین نے پاکستان مسلم لیگ سندھ کے صدر طارق حسن خان کو آئندہ پارٹی انتخابات میں بطور سیکرٹری جنرل نامزد کیا۔
اجلاس میں شریک پاکستان مسلم لیگ کے تمام رہنماں نے چوہدری شجاعت حسین کے فیصلے کی تائید کی اور طارق حسن خان کو بطور پارٹی سیکرٹری جنرل اچھا انتخاب قراردیا۔دریں اثنا طارق حسن نے مسلم لیگی رہنماں ڈاکٹر محمد امجد، رضوان صادق خان، مسز فرخ خان اور غلام مصطفی ملک سے پارٹی رہنماں کے ہمراہ الگ الگ ملاقات کی اور حمایت پران کا شکریہ ادا کیا۔ واضح رہے کہ پارٹی صدر چوہدری شجاعت حسین کی منظوری سے پاکستان مسلم لیگ کے مرکزی، صوبائی اور مقامی سطح پرتمام عہدے تحلیل ہو چکے ہیں اور نئے عہدیداران کا انتخاب باہمی مشاورت سے کیا جائے گا۔
بعدازاں طارق حسن کی پاکستان مسلم لیگ کے سینٹرل سیکرٹریٹ میں آمد پر پارٹی چیف آرگنائزر ڈاکٹر محمد امجد نے فیڈرل کیپیٹل کے رہنماں چوہدری جہانگیر، ڈاکٹر رحیم اعوان، چوہدری عظام، ملک عمران، سید عامر شاہ اور دیگر کے ہمراہ پرتپاک استقبال کیا۔ اس موقع پر ڈاکٹر محمد امجد نے امید ظاہر کی کہ طارق حسن خان پارٹی کو منظم اور فعال بنانے میں بھر پور طریقے سے اپناکردارادا کریں گے۔ انہوں نے یقین دہانی کروائی کہ وہ بطور چیف آرگنائزر طارق حسن خان کی ہر ممکن معاونت کریںگے۔
ٹک ٹاکر ڈاکو شاہد لونڈ کو قتل کرنے والا عمر لونڈ بھی فائرنگ میں ہلاک