سستی بجلی: شہباز شریف نے ایک سال میں ناممکن کو ممکن کردکھایا ،خواجہ آصف
اشاعت کی تاریخ: 6th, April 2025 GMT
سیالکوٹ : وزیردفاع خواجہ محمد آصف نے کہا ہے کہ کوئی سوچ نہیں سکتا تھا کہ ملک میں بجلی سستی ہوگی، کہا جارہا تھا کہ ملک دیوالیہ ہوجائے گا، شہباز شریف نے ایک سال میں ناممکن کو ممکن کردکھایا ہے۔
میں تقریب سے خطاب کرتے ہوئے وزیردفاع خواجہ آصف نے کہا کہ تحریک عدم اعتماد کے ذریعے پی ٹی آئی سے اقتدار حاصل کیا تھا جس کے بعد پی ڈی ایم کے رہنماؤں نے مل کر پاکستان کے لیے امید کی کرن پیدا کی۔
خواجہ آصف نے کہا کہ کہا جارہا تھا کہ ڈالر 500 پر پہنچ جائے گا، پاکستان دیوالیہ ہوجائے گا اور سری لنکا بن جائے گا، کوئی سوچ نہیں سکتا تھا کہ اس ملک میں بجلی سستی ہوجائے گی، انٹرسٹ ریٹ 10 فیصد کم ہوجائے گا، شہباز شریف نے ایک سال میں ناممکن کو ممکن کرکے دکھایا ہے۔
انہوں نے کہا کہ بجلی کے گھریلو، صنعتی اور کمرشل صارفین کو بجلی کی مد میں ساڑھے سات روپے فی یونٹ کی رعایت کم نہیں ہے، کوئی سوچ نہیں سکتا تھا کہ بجلی اس طرح سستی ہوجائے گی اور شہباز شریف وعدے پورے گا۔
انہوں نے کہا کہ کسی کے وہم و گمان میں بھی نہیں تھا کہ افراط زر 38 فیصد سے کم ہوکر ڈیڑھ فیصد رہ جائے گی، ہماری برآمدات بڑھی ہیں، یہ سب معجزے ہیں، امریکا کی اسٹاک مارکیٹ کریش ہوئی ہے اور پاکستان کی اسٹاک مارکیٹ ریکارڈ سطح پر چلی گئی ہے۔
پاکستان تحریک انصاف پر تنقید کرتے ہوئے وزیردفاع نے کہا کہ خیبرپختونخوا میں پی ٹی آئی کے وزیر کے خلاف 78 کروڑ کی کرپشن کے خلاف تحریک پیش کی گئی ہے۔ پی ٹی آئی والوں نے ایک دوسرے کو چور کہنا شروع کردیا ہے، پی ٹی آئی میں جتنےلوگ ہیں اتنے ہی ان کے ٹکڑےہوگئے۔
خواجہ آصف نے کہا کہ جنرل فیض اور جنرل باجوہ سکیورٹی کی میٹنگ میں ہمیں بریفنگ دینے آتے تھے تو عمران خان ہمارے ساتھ نہیں بیٹھتا تھا، ابھینندن والے واقعے کے بعد تین سیکیورٹی میٹنگز ہوئیں، جنرل باجوہ کہتا رہا کہ آ کر میٹنگ کی صدارت کرو مگر یہ نہیں آیا۔
خواجہ آصف نے کہا کہ اب عمران خان کہتا ہے کہ جب تک مجھے سیکیورٹی میٹنگ میں نہیں لے کر جاؤگے تو میری پارٹی نہیں جائے گی۔
آپ تضادات دیکھیں، ایک وقت وہ تھا وہ وزیراعظم تھا اور میٹنگوں میں شریک نہیں ہوتا تھا اور آج قیدی نمبر 804 ہے اور کہتا ے کہ مجھے میٹنگ میں لے کر جاؤ، اس سے بڑا تضاد کیا ہوسکتا ہے۔
خواجہ آصف نے کہا کہ مریم نواز پنجاب کو چار چاند لگا رہی ہیں، کام ہوتے ہوئے نظر آرہے ہیں، نواز شریف، یا اس کا بھائی یا اس کی بیٹی جب بھی آئے گی ترقی کے سفر کا آغاز ہوگا، ہم اور ہمارے ساتھی اتنی ہی کمٹمنٹ کے ساتھ کام کررہے ہیں جتنی کمٹمنٹ کے ستھ ہماری لیڈرشپ کام کررہی ہے۔
انہوں نے کہا کہ بلوچستان اور خیبرپختونخوا کے کچھ اضلاع میں دہشت گردی ہورہی ہے، ہمار ی افواج روز قربانیاں دے رہیں اور قربانیوں کی داستان اپنے خون سے لکھ رہی ہیں، یہ ہماری محسن ہیں۔
خواجہ آصف نے کہا کہ یہ معجزہ ہےکہ ملک میں دہشت گردی کی لہر آئی ہوئی ہے اور پاکستان ترقی کررہا ہے۔
ذریعہ: Daily Mumtaz
پڑھیں:
حافظ نعیم الرحمان کا بجلی کی قیمتوں میں کمی پر شہباز شریف سے اظہار تشکر
امیر جماعت اسلامی سے ٹیلی فونک گفتگو میں وزیراعظم کا کہنا تھا کہ مشکلات کے باوجود عوامی ریلیف کو اولین ترجیح دی اور یہ مشن جاری رکھیں گے، انشاء اللہ پاکستان کی ترقی کا سفر جاری رہے گا۔ اسلام ٹائمز۔ امیر جماعت اسلامی حافظ نعیم الرحمان نے بجلی کی قیمتوں میں کمی پر وزیراعظم سے اظہار تشکر کیا۔ شہباز شریف سے امیر جماعت اسلامی حافظ نعیم الرحمان کا ٹیلی فونک رابطہ ہوا، وزیراعظم نے ان کے پیغام کا خیرمقدم کیا۔ اپنی گفتگو میں وزیراعظم کا کہنا تھا کہ مشکلات کے باوجود عوامی ریلیف کو اولین ترجیح دی اور یہ مشن جاری رکھیں گے، انشاء اللہ پاکستان کی ترقی کا سفر جاری رہے گا۔
دوران گفتگو دونوں راہنماؤں نے غزہ میں نہتے فلسطینیوں پر اسرائیل کی بلا اشتعال بمباری اور ظلم و ستم پر بین الاقوامی قوتوں کی خاموشی پر تشویش کا اظہار کیا، وزیرِاعظم نے غزہ کے نہتے فلسطینیوں پر جاری صہیونی ظلم و جبر کے خلاف ہر بین الاقوامی فورم پر آواز اٹھانے اور پاکستان کی حمایت جاری رکھنے کے عزم کا اعادہ کیا۔ میاں شہباز شریف کا مزید کہنا تھا کہ صہیونی ظلم و جبر کے شکار نہتے فلسطینی بہن بھائیوں کی حمایت کے حوالے سے پاکستان کا مؤقف واضح ہے۔
4 اسلامی ممالک نے عید الفطر کی تاریخ کا اعلان کر دیا