لاہور:

پولیس نے خیابان ظفر کے علاقے میں 13 لڑکے کے ساتھ زیادتی کی اطلاع پر کارروائی کرتے ہوئے ملزم کو گرفتا کرلیا۔

لاہور پولیس نے بتایا کہ چوکی ہلوکی پولیس نے واقعے کے حوالے سے وصول ہونے والی 15 کال پر فوری کارروائی کی اور اس دوران واقعے میں ملوث ملزم کو گرفتار کرلیا۔

پولیس نے بتایا کہ 13 سالہ بچہ خیابان ظفر میں واقع ہوٹل میں ملزم ابرار کے پاس کوکنگ کا کام سیکھ ریا تھا اور ملزم نے ورغلا کر بچے سے زیادتی کی اور موقع سے فرار ہونے کی کوشش کی۔

ایس پی ماڈل ٹاؤن اخلاق اللہ تارڑ نے بتایا کہ ملزم کے خلاف مقدمہ درج کرلیا گیا اور گرفتاری کے بعد انہیں جینڈر سیل کے حوالے کردیا گیا ہے۔

ایس پی ماڈل ٹاؤن نے چوکی انچارج اور ٹیم کو شاباش دیتے ہوئے کہا کہ بچوں کا استحصال کرنے والے کسی رعایت کے مستحق نہیں ہیں۔

.

ذریعہ: Express News

کلیدی لفظ: پولیس نے

پڑھیں:

مصطفیٰ عامر قتل کیس؛ گرفتار ملزم ارمغان کے سہولت کار بے نقاب

کراچی:

مصطفیٰ عامر قتل کیس کی تفتیش کے دوران گرفتار ملزم ارمغان کے گرد گھیرا مزید تنگ کردیا گیا ہے اور اس کے سہولت کار بھی بے نقاب ہوگئے ہیں۔

ایکسپریس نیوز کو ذرائع نے بتایا کہ ملزم ارمغان کے گرد گھیرا مزید تنگ ہو گیا ہے اور تفتیش میں انکشاف ہوا ہے کہ ارمغان کے دو روپوش ذاتی ملازمین رحیم بخش اور عبدالرحیم صرف ملازم ہی نہیں بلکہ ان کے مالیاتی پردہ پوشی کا اہم حصہ تھے۔

ذرائع کے مطابق یہ دونوں افراد ارمغان کے ذاتی ملازم تھے جن کا آبائی تعلق بہاولپور سے ہے، مگر اب وہ ایف آئی اے کو تفتیش کے لیے مطلوب ہیں۔

ایکسپریس نیوز نے ان دونوں کی تصاویر بھی حاصل کر لی ہیں، جن سے ان کی شناخت مزید واضح ہو گئی ہے۔

تفتیشی حکام کا کہنا ہے کہ ان دونوں افراد کے نام پر مجموعی طور پر 6 سمیں رجسٹرڈ پائی گئیں، جن میں سے ایک سم ارمغان خود استعمال کر رہا تھا۔

انہوں نے بتایا کہ حیرت انگیز طور پر رحیم بخش کے نام پر موجود ایک نمبر پر "سپریم فنانشل ایسوسی ایٹس" کے نام سے واٹس ایپ اکاؤنٹ بنایا گیا، جس سے مشتبہ کاروباری رابطوں کا سراغ ملا ہے۔ 

تفتیشی حکام نے بتایا کہ ارمغان نے دونوں ملازمین کے نام پر نہ صرف بینک اکاؤنٹس کھلوائے بلکہ ان اکاؤنٹس کو ذاتی استعمال میں بھی رکھا، تفتیشی ادارے ارمغان اور اس کے مالیاتی نیٹ ورک کے مزید رازوں کی کھوج لگا رہے ہیں۔

متعلقہ مضامین

  • مصطفیٰ عامر قتل کیس؛ گرفتار ملزم ارمغان کے سہولت کار بے نقاب
  • سرگودھا: 7 سالہ بچی سے زیادتی کے مجرم کو 14 سال قید
  • لاہور: سگی بہن کے قتل میں ملوث ملزم گرفتار
  • 8 سالہ بچی کو ورغلا کر زیادتی کی کوشش کرنے والا دکاندار گرفتار
  • 8 سالہ بچی کو ورغلا کر زیادتی کی کوشش کرنے والا دکاندار  گرفتار
  • لاہور: دوست کو نہر میں دھکا دیکر قتل کرنیوالے 2 ملزمان گرفتار
  • کراچی، شاہ لطیف ٹاؤن مبینہ پولیس مقابلے میں اسٹریٹ کرائم کا اہم ملزم زخمی حالت میں گرفتار
  • قصور، کم عمر لڑکے سمیت دو ڈاکو شہریوں کے ہتھے چڑھ گئے
  • بیمار ماں کو باپ کے ساتھ اسپتال لانے والا 5 سالہ بچہ کرنٹ لگنے سے جاں بحق