کراچی میں گاڑی پر ٹکر کے بعد ٹریلر ڈرائیور پر فائرنگ کرنے والی خاتون جیل منتقل
اشاعت کی تاریخ: 5th, April 2025 GMT
کراچی:
شہر قائد کے علاقے عیسیٰ نگری پر حادثے کے بعد مشتعل ہوکر ٹریلر ڈرائیور پر فائرنگ کرنے والی خاتون کو عدالت نے جیل بھیج دیا۔
تفصیلات کے مطابق پی آئی بی کالونی کے علاقے عیسیٰ نگری کٹ پر ٹریلر کی گاڑی کو ٹکر لگنے سے گاڑی سوار خاتون نے اسلحہ نکال کر ہوائی فائرنگ کر دی۔
پولیس نے موقع پر پہنچ کر ٹرک ڈرائیور اور خاتون کو اسلحے سمیت تھانے منتقل کر کے سرکار کی مدعیت میں مقدمہ درج کرلیا۔
مدعی مقدمہ اے ایس آئی شیر احمد کے مطابق علاقہ گشت پر مامور تھا کہ جمعے کی رات ایک بجے کے قریب عیسیٰ نگری کٹ کے قریب ٹریلر اور گاڑی دونوں تیز رفتاری سے گاڑی چلا رہے تھے اور اس دوران ٹریلر نے غفلت و لاپروائی سے آگے نکلنے کی کوشش کی اور اس دوران ٹریلر کی ٹکر سے گاڑی کو نقصان ہوا۔
اس دوران گاڑی سے ایک خاتون اتری اور انھوں نے طیش میں آکر گاڑی کے اندر سے پستول نکال کر ہوائی فائرنگ کر دی ، مدعی کے مطابق اس دوران وہ اپنے دیگر پولیس اہلکاروں کے ہمراہ ٹرک ڈرائیور کو پکڑا جس نے اپنا نام ظفر اقبال بتایا بعدازاں خاتون جس کا نام علیشہ معلوم ہوا اور اس کے قبضے سے ایک نائن ایم ایم پستول برنگ سیاہ لوڈ میگزین 9 زندہ راؤنڈ جبکہ خاتون سے لائسنس طلب کرنے پر انھوں ںے موقع پر پیش کیا جسے پولیس نے اپنے قبضے میں لیکر دونوں گاڑیوں اور خاتون سمیت ٹرک ڈرائیور کو تھانے منتقل کر دیا۔
مدعی کے مطابق ڈرائیور ظفر اقبال کا غفلت و لاپروائی سے گاڑی چلانے کا فعل بجرم دفعات 279 اور 427 جبکہ خاتون علیشہ کا ہوائی فائرنگ کرنے کا فعل زیر دفعہ 337 ایچ ٹو ہونا قرار پایاْ
پی آئی بی کالونی پولیس نے مقدمہ درج کر کے مزید تفتیش کے لیے انویسٹی گیشن پولیس کے حوالے کر دیا اس حوالے سے ایس ایچ او پی آئی بی اشفاق نے بتایا کہ خاتون کے اسلحہ کا لائسنس کوئٹہ سے بنوا ہوا ہے جو کہ گزشتہ سال 2024 میں ایکسپائر ہوگیا تھا۔
انویسٹی گیشن پولیس نے خاتون اور ڈرائیور کو عدالت میں پیش کیا تھا جنھیں جیل بھیج دیا ہے ۔
.ذریعہ: Express News
کلیدی لفظ: فائرنگ کر پولیس نے کے مطابق سے گاڑی
پڑھیں:
پاکستانی سے شادی کے لیے کراچی آنے والی امریکی خاتون کی نیو یارک میں موج مستی
پاکستانی لڑکے کی محبت میں مبتلا امریکی خاتون اونیجا اینڈریو رابنسن جو اکتوبر 2024 میں کراچی پہنچی تھیں اور جنہیں فروری 2025 میں ڈیپورٹ کردیا گیا تھا کی نیو یارک کی سڑکوں پر موج مستی کرتے ویڈیو وائرل ہو گئی۔
کراچی سے دبئی کے راستے امریکا پہنچنے والی امریکی خاتون سوشل میڈیا پر وائرل ویڈیو میں اپنے سفر کے حوالے سے بات کرتے ہوئے دبئی میں گرفتاری سے متعلق خبروں کی تردید کرتی ہیں کہ میں دبئی میں پھنس گئی تھی، جس کی وجہ سے امریکا تاخیر سے پہنچی، امریکا واپس آ کر خوش ہوں۔
View this post on Instagram
A post shared by Anokhay (@anokhay.official)
مزید پڑھیں: ’ہم لُٹ گئے تیری محبت میں‘، پاکستان آنیوالی امریکی خاتون نامراد وطن لوٹ گئی
اونیخا اینڈریو رابنسن نے بتایا کہ میں پاکستانی لڑکے سے انٹرنیٹ کے ذریعے ملی تھی اور دوبارہ پاکستان جانے یا نہ جانے بارے میں ابھی کچھ نہیں کہہ سکتی، فی الحال میں نیویارک میں رہوں گی، مجھے واپس آ کر خوشی ہو رہی ہے۔
اونیجا اینڈریو رابنسن 19 سالہ پاکستانی نوجوان سے شادی کی خواہش لیے گزشتہ برس 11 اکتوبر کو کراچی پہنچی تھیں۔ کراچی میں قریباً 4 ماہ رہنے کے بعد انہوں نے امریکا واپس جانے سے انکار کر دیا تھا۔ تاہم ویزا ختم ہونے پر انہیں زبردستی واپس بھجوا دیا گیا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اونیجا اینڈریو رابنسن دبئی شادی کراچی نیویارک
مسلم حکمرانوں نے تحریک آزادی فلسطین سے خیانت کی، علامہ مقصود ڈومکی