بجلی کی قیمت میں کمی کے بعد عوام کیلئے ایک اور خوشخبری
اشاعت کی تاریخ: 5th, April 2025 GMT
لاہور(نیوز ڈیسک)وزیراطلاعات و ثقافت عظمیٰ بخاری نے کہا عید کے بعدوزیراعظم نےبجلی کی قیمتوں میں کمی کااعلان کیا، ایک اورخوشخبری آنیوالی ہے جس کاوزیر اعظم اعلان کرینگے۔
تفصیلات کےمطابق وزیراطلاعات و ثقافت عظمیٰ بخاری نے پریس کانفرنس کرتے ہوئے کہا کہ بجلی کا ریلیف گرمی میں عوام کو فائدہ ہوگا،رمضان سہولت بازار میں 1ارب11کروڑ کی عوام کوچیزوں پربچت ہوئی،3ارب57کروڑروپےکی رمضان بازاروں میں خریداری ہوئی،28ہزارافرادنے3کروڑکی فری ہوم ڈیلیوری اشیاخورونوش منگوائیں۔
صوبائی وزیراطلاعات کا کہنا تھا کہ ایک اورخوشخبری آنیوالی ہے جس کاوزیر اعظم اعلان کرینگے، نئے 13 سہولت بازار اگست تک بنائیں گے ،69کروڑسےسہولت بازار سولر انرجی پر منتقل ہو رہے ہیں۔
14مقامات پر پائلٹ سہولت آن دی گو پروگرام شروع کرینگے،اوورچارجنگ پرٹرانسپورٹرزکو22لاکھ کاجرمانہ،11لاکھ مسافروں کوواپس دلوایاگیا۔
مزیدپڑھیں:بجلی کی قیمتوں میں حالیہ کمی سے مہنگائی مزید کم ہوگی، نواز شریف
ذریعہ: Daily Ausaf
پڑھیں:
سہولت بازاروں سے خریداری پر عوام کو ایک ارب گیارہ کروڑ کی بچت، خدمت اولین ترجیح: مریم نواز
لاہور (نوائے وقت رپورٹ) وزیراعلیٰ مریم نواز کی زیر قیادت حکومت پنجاب نے ایک اور سنگ میل عبور کر لیا۔ حکومت نے سہولت بازار میں خریداری پر عوام کو رمضان المبارک میں ایک ارب 11کروڑ روپے کی شاندار اور بے مثال بچت ہوئی۔ اوپن مارکیٹ کے تناسب سے مریم نواز کی زیر نگرانی قائم خصوصی سہولت بازار کے سٹال پر عوام کو 31فیصد ریلیف دیا گیا۔ سہولت بازاروں میں ڈی سی ریٹس کے تناسب سے 11کروڑ 70لاکھ روپے ریلیف عوام کو دیا گیا۔ رمضان المبارک کے دوران سہولت بازاروں میں 2ارب 46کروڑ 60لاکھ روپے کی خریداری ہوئی۔ عوام کو رمضان المبارک میں مارکیٹ ریٹ پر خریداری کی صورت میں 3ارب 57کروڑ 50لاکھ روپے ادا کرنے پڑتے تھے جبکہ ڈی سی ریٹس کے مطابق خریداری پر2ارب 58کروڑ 30لاکھ روپے ادا کرنے پڑے۔ سہولت فری ہوم ڈلیوری ایپ کے ذریعے 2کروڑ 80لاکھ روپے کی ریکارڈ خریداری ہوئی۔ 25اضلاع میں قائم 36ماڈل بازاروں میں فری ہوم ڈلیوری ایپ کے ذریعے تقریباً28 ہزار آرڈر دیئے گئے۔ سہولت بازاروں میں 10کلو آٹا بیگ795روپے ڈی سی ریٹ832روپے اور مارکیٹ میں 897روپے، مارکیٹ میں چکن 940روپے کلو تک، ڈی سی ریٹ 585روپے جبکہ سہولت بازار میں 571روپے بیچا گیا۔ سہولت بازاروں میں سیب 305روپے جبکہ ڈی سی ریٹ کے مطابق 316روپے اور مارکیٹ میں 487روپے، مارکیٹ میں کیلا 389درجن، ڈی سی ریٹ 227روپے جبکہ سہولت بازار میں صرف 216روپے میں فروخت ہوئے۔ سہولت بازار میں انڈے269، ڈی سی ریٹ میں 276 اور مارکیٹ میں 350 روپے تک فروخت ہوئے۔ سہولت بازار میں کھجوریں 446روپے کلو دستیاب تھیں جبکہ ڈی سی ریٹ پر 460روپے اور اوپن مارکیٹ میں 734روپے کلو فروخت کی گئیں۔ پنجاب ماڈل بازار مینجمنٹ کمپنی کے سی ای او نوید رفاقت نے مریم نواز کو بریفنگ دی۔ وزیراعلیٰ نے کہا کہ عوام کو اشیاء خوردونوش اور اشیاء ضررویہ کم از کم نرخ پر مہیا کرنا چاہتے ہیں۔ رمضان المبارک میں اللہ تعالیٰ کے فضل و کرم سے گزشتہ سالوں کی نسبت مہنگائی کی شرح بہت کم رہی۔ وزیراعلیٰ مریم نوازشریف نے کہا کہ عوام کی خدمت اور معاشی ریلیف ترجیحات میں اولین ہے۔ علاوہ ازیں مریم نواز شریف نے شاہدرہ ٹیچنگ ہسپتال میں کرنٹ لگنے سے کمسن بچے کے جاں بحق ہونے پر غم ودکھ کا اظہار کیا ہے۔ سیکرٹری صحت سے فوری رپورٹ طلب کرلی ہے اور کمسن بچے کی ہلاکت کی ذمہ داری کا تعین کرکے کارروائی کا حکم دیا ہے۔ دوسری جانب مریم نواز شریف سے صوبائی وزیر محنت فیصل ایوب کھوکھرنے ملاقات کی اور ورکرز کو درپیش مسائل پر تبادلہ خیال کیا گیا۔ وزیراعلیٰ نے پنجاب میں دکانوں، ورکشاپوں اور چھوٹے اداروں میں کام کرنے والے ورکرز کی رجسٹریشن شروع کرنے کا حکم دیا۔ چھوٹے اداروں میں کام کرنے والے ورکرز کو لیبر ڈیپارٹمنٹ میں رجسٹریشن کے بعد گرانٹس اور دیگر مالی فوائد ملیں گے۔ مریم نواز نے صوبے بھر میں کم از کم اجرت کے فیصلے پر عملدآمد نہ کرنے والے اداروں کے خلاف کریک ڈاؤن کا حکم بھی دیا۔ وزیراعلیٰ نے پنجاب بھر میں دکانوں، پٹرول پمس اور فیکٹریوں میں کم از کم اجرت کی ادائیگی یقینی بنانے کی ہدایت کی اور صوبے بھر میں لیبر رجسٹریشن بڑھانے کا حکم دے دیا۔ پنجاب میں پہلی مرتبہ دکانوں، ورکشاپوں اور چھوٹے انڈسٹریل یونٹ میں کام کرنے والے ورکرز کی رجسٹریشن کی جائے گی۔
محسن نقوی سے شیخ نیہان بن مبارک النہیان کی ملاقات، دو طرفہ تعلقات پر گفتگو