خیبر پختونخوا میں دہشت گردوں کے خلاف کامیاب کارروائیاں، ایک ماہ میں 158 دہشت گرد ہلاک
اشاعت کی تاریخ: 5th, April 2025 GMT
پشاور:خیبر پختونخوا میں دہشت گردوں کے خلاف ہونے والی کارروائیوں کے دوران گزشتہ ماہ 158 دہشت گرد ہلاک ہو گئے۔ تفصیلات کے مطابق صوبے کے 15 مختلف اضلاع میں 73 آپریشنز کیے گئے۔
رپورٹ میں بتایا گیا کہ مارچ کے مہینے میں سب سے زیادہ 40 دہشت گرد شمالی وزیرستان میں ہلاک ہوئے، جب کہ دیگر علاقوں میں بھی دہشت گردوں کے خلاف سخت کارروائیاں کی گئیں۔ ڈی آئی خان میں 25، مہمند میں 20، بنوں اور مردان میں 18، 18 دہشت گرد ہلاک ہوئے۔
جنوبی وزیرستان میں 13، لکی مروت میں 7 دہشت گرد مارے گئے، جب کہ باجوڑ میں 6، خیبر میں 4، کرک اور ٹانک میں 2، 2 دہشت گرد ہلاک ہوئے۔ اس کے علاوہ چارسدہ، سوات، ہنگو اور پشاور میں ایک، ایک دہشت گرد ہلاک ہوا۔
رپورٹ کے مطابق دہشت گردوں سے 123 ایس ایم جی، 29 راکٹ لانچر اور 9 مشین گن برآمد کی گئی ہیں، جنہیں دہشت گردوں کے قبضے سے بازیاب کرایا گیا۔
Post Views: 1.ذریعہ: Daily Mumtaz
کلیدی لفظ: دہشت گرد ہلاک دہشت گردوں کے
پڑھیں:
کورکمانڈرزکانفرنس:دہشت گردوں ،انکے سہولت کاروں کیخلاف سخت کارروائی کے عزم کااعادہ
راولپنڈی:آرمی چیف جنرل سید عاصم منیر، نشانِ امتیاز (ملٹری) نے جنرل ہیڈکوارٹرزمیں 268ویں کور کمانڈرز کانفرنس کی صدارت کی۔فورم نے شہداء کی عظیم قربانیوں کو خراج عقیدت پیش کرتے ہوئے فاتحہ خوانی کی جن میں مسلح افواج، قانون نافذ کرنے والے اداروں اور وہ شہری شامل ہیں جنہوں نے ملک میں امن و استحکام کے لیے اپنی جانیں نچھاور کیں۔فورم کو موجودہ جغرافیائی اسٹریٹیجک ماحول، ابھرتے ہوئے قومی سلامتی کے چیلنجز اور بدلتے ہوئے خطرات کے تناظر میں پاکستان کی اسٹرٹیجک حکمت عملی پر تفصیلی بریفنگ دی گئی۔علاقائی اور داخلی سکیورٹی صورتحال کا باریک بینی سے جائزہ لیتے ہوئے فورم نے ہر قیمت پر دہشت گردی کے مکمل خاتمے کے عزم کا اعادہ کیا۔ علاوہ ازیں اس بات پر زور دیا گیا کہ پاکستان ریاستی طاقت کے مکمل استعمال کے ذریعے ان عناصر کے خلاف سخت کارروائی کرے گا جو دشمن قوتوں کے ایماء پر ملک میں عدم استحکام پیدا کرنے کے لیے سہولت کاری اور معاونت فراہم کر رہے ہیں۔فورم نے اس بات کا اعادہ کیا کہ بلوچستان میں کسی کو بھی امن خراب کرنے کی اجازت نہیں دی جائے گی اور غیر ملکی پشت پناہی یافتہ عناصر بشمول سماجی انتشار پھیلانے والے اور ان کے نام نہاد سیاسی حامی، جو اپنے محدود سیاسی مفادات کی خاطر بلوچستان کے استحکام اور خوشحالی کو نقصان پہنچانے کی کوشش کر رہے ہیں، انہیں عوام کی غیر متزلزل حمایت کے ساتھ ناکام بنا دیا جائے گا، تمام غیر ملکی اور مقامی عناصر کے اصل چہرے، ان کے گٹھ جوڑ اور ملک میں بدامنی پھیلانے کی سازشیں بے نقاب ہو چکی ہیں اور ان کے ساتھ کسی بھی قسم کی رعایت برتے بغیر سختی سے نمٹا جائے گا۔وژن عزمِ استحکام کو نیشنل ایکشن پلان کے تحت فوری اور مؤثر طریقے سے نافذ کرنے کی اہمیت پر زور دیتے ہوئے فورم نے قومی یکجہتی کے اصول کو اجاگر کیا۔ ریاستی ادارے آئین کے دائرے میں رہتے ہوئے قانون پر سختی سے عمل درآمد یقینی بنائیں گے اور کسی بھی قسم کی نرمی یا کمزوری نہیں دکھائی جائے گی۔ آرمی چیف نے پاکستان بھر میں ضلعی کوآرڈی نیشن کمیٹیوں کے قیام کا خیرمقدم کرتے ہوئے نیشنل ایکشن پلان کے نفاذ میں بین الادارتی تعاون کی ضرورت پر زور دیا۔آرمی چیف نے کہا کہ پاکستان آرمی حکومت اور قانون نافذ کرنے والے اداروں کو غیر قانونی معاشی سرگرمیوں کے خلاف سخت اقدامات میں مکمل تعاون فراہم کرے گی، کیونکہ یہ سرگرمیاں دہشت گردی کی مالی معاونت سے جڑی ہوئی ہیں۔ پاکستان میں دہشت گردوں اور ان کے سہولت کاروں کے لیے کوئی جگہ نہیں ہے۔مقبوضہ جموں و کشمیر میں جاری انسانی حقوق کی سنگین خلاف ورزیوں اور بھارتی فوج کی لائن آف کنٹرول پر بلااشتعال فائرنگ پر گہری تشویش کا اظہار کرتے ہوئے، فورم نے اس بات پر زور دیا کہ پاکستان مقبوضہ جموں و کشمیر کے مظلوم عوام کی جائز جدوجہد کی بھرپور حمایت جاری رکھے گا اور عالمی سطح پر بھارتی مظالم کو بے نقاب کرنے کے لیے سفارتی کوششوں کو تیز کیا جائے گا۔فورم نے فلسطینی عوام سے مکمل یکجہتی کا اظہار کرتے ہوئے، غزہ میں جاری سنگین انسانی حقوق کی خلاف ورزیوں اور جنگی جرائم کی شدید مذمت کی۔ فورم نے فلسطینی عوام کے لیے سفارتی، سیاسی اور اخلاقی حمایت کے غیر متزلزل عزم کا اعادہ کیا۔ آرمی چیف نے فیلڈ کمانڈرز کو اعلیٰ ترین آپریشنل تیاری اور پیشہ ورانہ مہارت کو برقرار رکھنے کی ہدایت کی، تاکہ سخت ترین تربیت کے ذریعے فوج کی جنگی صلاحیت کو بلندی پر رکھا جا سکے۔
Post Views: 1
محسن نقوی سے شیخ نیہان بن مبارک النہیان کی ملاقات، دو طرفہ تعلقات پر گفتگو