پارکو ریفائنری سے کروڑوں روپے کا تیل چرانے والے چھ ملزمان کے ریمانڈ میں توسیع
اشاعت کی تاریخ: 5th, April 2025 GMT
کراچی:
انسداد دہشت گردی کی منتظم عدالت نے پارکو ریفائنری میں کروڑوں روپے کے تیل کی چوری کے معاملے میں گرفتار چھ ملزمان کے جسمانی ریمانڈ میں توسیع کردی۔
ایکسپریس نیوز کے مطابق انسداد دہشت گردی کی منتظم عدالت، پارکو میں کروڑوں روپے کے تیل کی چوری کے معاملے میں گرفتار زخمی ملزم سمیت چھ ملزمان کو پولیس نے عدالت میں پیش کردیا۔ ان میں محمد یاسر، فیضان احمد، آصف نظیر، محمد رستم عرف اندھا، فیاض عرف بھورا اور امجد عباسی شامل ہیں۔
تفتیشی افسر راجہ طارق نے کہا کہ ملزمان سے 80 ہزار لیٹر تیل برآمد کیا گیا جسے کروڈ آئل کہا جاتا ہے، دو ٹرک برآمد کیے گئے ہیں، مزید ریکوری کرنی ہے، کروڈ آئل سے ڈیزل بنانے کی غیر قانونی ریفائنری بھی قبضے میں لی ہے، پارکو کے ملازمین کے ملوث ہونے سے متعلق بھی تفتیش کی جارہی ہے۔
تفتیشی افسر نے کہا کہ مقدمے کی تفتیش سی ٹی ڈی کے پاس ہے، مقدمہ کورنگی میں درج ہے، مرکزی ملزم عالم، پارٹنر طاہر عرف فوجی، نواز، الیاس عرف پپو، ملزم کانسٹیبل علی حسن سمیت 24 ملزمان مفرور ہیں۔
عدالت نے ملزمان کے ریمانڈ میں 9 اپریل تک توسیع کردی۔
.ذریعہ: Express News
پڑھیں:
سمندر کے راستے شہریوں کو یورپ بھجوانے والے ریڈ بک کے انتہائی مطلوب ملزم سمیت 3 ایجنٹس گرفتار
سمندر کے راستے شہریوں کو یورپ بھجوانے والے ریڈ بک کے انتہائی مطلوب ملزم سمیت 3 ایجنٹس گرفتار WhatsAppFacebookTwitter 0 4 April, 2025 سب نیوز
اسلام آباد:سمندر کے راستے شہریوں کو یورپ بھجوانے میں ملوث ریڈ بک کے انتہائی مطلوب ملزم سمیت 3 ایجنٹس کو گرفتارکر لیا گیا۔
ترجمان ایف آئی اے گوجرانوالہ کے مطابق ایف آئی اے گجرانوالہ زون نےسمندر کے راستے شہریوں کو یورپ بھجوانے میں ملوث ریڈ بک کے انتہائی مطلوب انسانی اسمگلر سمیت 3 ایجنٹس کو گرفتارکرلیا۔ملزمان کی شناخت محمد عمران، محمد تنویر اور غلام غوث کے نام سے ہوئی۔ملزمان کو گوجرانوالہ اور گجرات کے مختلف علاقوں سے گرفتار کیا گیا۔
گرفتار ملزم محمد عمران نے شہریوں کو سمندر کے راستے اسپین بھجوانے کے لیے 72 لاکھ روپے سے زائد وصول کیے۔ملزم نے شہریوں کو کشتی کے ذریعے غیر قانونی طور پر موریطانیہ سے اسپین سمگل کی کوشش کی۔شہریوں نے کشتی کے ذریعے سفر سے انکار کر دیا اور واپس پاکستان آگئے۔
گرفتار ملزم محمد تنویر سال 2019 سے اشتہاری اور نام ریڈ بک کے انتہائی مطلوب انسانی اسمگلرز میں شامل ہے۔ملزم کے خلاف متعدد شہریوں کو ترکی کے راستے یورپ بھجوانے کے مقدمات درج ہیں۔ ملزم غلام غوث نے شہری کو غیر قانونی طریقے سے یونان بھجوانے کی غرض سے 17 لاکھ روپے سے زائد ہتھیائے۔ملزمان شہریوں کو بیرون ملک بھجوانے میں ناکام رہے اور روپوش ہو گئے۔گرفتار ملزمان سے تفتیش کا آغاز کر دیا گیا ہے۔
جسٹس ریٹائرڈ شوکت عزیز صدیقی نے اپنا عہدہ چھوڑنے کا فیصلہ واپس لے لیا