منوج کمار نے شاہ رخ خان پر 100 کروڑ ہرجانے کا مقدمہ کیوں کیا تھا؟
اشاعت کی تاریخ: 5th, April 2025 GMT
بھارت کے لیجنڈری اداکار منوج کمار نے ایک موقع پر بالی ووڈ کنگ شاہ رخ خان پر 100 کروڑ ہرجانے کا مقدمہ دائر کردیا تھا، لیکن کیا آپ جانتے ہیں کہ یہ اس تنازعے کی اصل وجہ کیا تھی؟
2007 میں فلم ’اوم شانتی اوم‘ کی ریلیز نے بالی ووڈ میں ہلچل مچا دی تھی، لیکن فلم کا ایک خاص سین اداکار منوج کمار کےلیے ناقابل قبول ثابت ہوا۔
فلم میں شاہ رخ خان کے کردار اوم پرکاش مکھیجا کا ایک سین، جس میں وہ منوج کمار کا پاس چرا کر فلم پریمیئر میں داخل ہوتے ہیں اور پولیس ان کے ہاتھ سے چہرہ ڈھانپنے کے انداز کی وجہ سے انہیں پہچان نہیں پاتی، اس لیجنڈری اداکار کو ناگوار محسوس ہوا۔
منوج کمار نے فلم سازوں سے مطالبہ کیا کہ وہ اس سین کو فلم سے نکال دیں، جس پر فریقین نے اتفاق کیا۔ شاہ رخ خان نے معافی مانگتے ہوئے کہا، ’’میں بالکل غلط تھا… اگر انہیں تکلیف پہنچی ہے تو میں معافی چاہتا ہوں۔ میں نے انہیں فون کیا تو انہوں نے کہا ’بیٹا، یہ کوئی بڑی بات نہیں ہے‘۔‘‘
لیکن یہ معاملہ 2013 میں دوبارہ زندہ ہوگیا جب فلم کو جاپان میں دوبارہ ریلیز کیا گیا اور وہی متنازع سین شامل کیا گیا جس پر منوج کمار نے اعتراض کیا تھا۔ اس بار آنجہانی اداکار نے شاہ رخ خان اور ایروس انٹرنیشنل کے خلاف 100 کروڑ روپے کے معاوضے کا مقدمہ دائر کردیا۔
منوج کمار کے وکیل نے کہا، ’’شاہ رخ خان نے پہلے وعدہ کیا تھا لیکن انہوں نے جاپان میں یہی غلطی دہرائی… کوئی ذاتی معافی نہیں دی گئی۔‘‘
منوج کمار نے اپنی مایوسی کا اظہار کرتے ہوئے کہا، ’’انہوں نے میری بے عزتی کی ہے۔ عدالت نے 2008 میں ہی انہیں ہدایت کی تھی کہ وہ اس سین کو تمام پرنٹس اور براڈکاسٹ مواد سے ہٹا دیں۔‘‘
طویل قانونی جنگ کے بعد منوج کمار نے مقدمات واپس لے لیے، کیونکہ ان کا خیال تھا کہ قانونی کارروائی سے شاہ رخ خان اور فرح خان میں ذمے داری کا احساس پیدا نہیں ہوا۔
’پورب اور پچھم‘ اور ’کرانتی‘ جیسی وطن پرست فلموں کےلیے مشہور منوج کمار 87 سال کی عمر میں ممبئی کے کوکلیابن دھیروبھائی امبانی اسپتال میں دل کے عارضے کے باعث انتقال کرگئے ہیں۔
TagsShowbiz News Urdu.
ذریعہ: Al Qamar Online
کلیدی لفظ: شاہ رخ خان
پڑھیں:
صدر آصف علی زرداری کیخلاف نازیبا پوسٹ پر پولیس افسر گرفتار
صدر آصف علی زرداری کیخلاف نازیبا پوسٹ پر پولیس افسر گرفتار WhatsAppFacebookTwitter 0 4 April, 2025 سب نیوز
کراچی:(آئی پی ایس) صدر مملکت سے متعلق سوشل میڈیا پر نازیبا پوسٹ کرنے پر پولیس افسر کو گرفتار کرلیا گیا۔
اسٹیشن انویسٹی گیشن افسر (ایس آئی او) ابراہیم حیدری ابرار شاہ کے خلاف سکھن تھانے میں اے ایس آئی یعقوب کی مدعیت میں پیکا ایکٹ کے تحت مقدمہ درج کیا گیا۔
مقدمہ کے متن کے مطابق پولیس افسر ابرار شاہ نے 2 اپریل کو سوشل میڈیا پر نازیبا الفاظ پر مبنی پوسٹ کی تھی، مدعی مقدمہ کا کہنا ہے کہ ابرار شاہ کی پوسٹ سے میری اور دیگر شہریوں کی دل آزاری ہوئی۔
محکمہ ثقافت کے پی کے اکاؤنٹ سے کروڑوں روپے کی مشکوک ٹرانزیکشنز کا انکشاف