پی آئی اے نے قبل ازحج آپریشن کا اعلان کر دیا، پہلی پرواز29 اپریل کو روانہ ہوگی
اشاعت کی تاریخ: 5th, April 2025 GMT
قومی ائیرلائن (پی آئی اے )نے حج آپریشن کا اعلان کر دیا،پہلی پرواز29اپریل کو روانہ ہوگی، قومی ایئرلائن 280 خصوصی پروازوں کے ذریعے 56 ہزار سے زائد پاکستانی عازمین کو سعودی عرب پہنچائے گی،پی آئی اے کا حج آپریشن 29اپریل سے یکم جون تک جاری رہیگا۔حج آپریشن 30 روز تک جاری رہے گا۔عازمین کی روانگی کیلئے بوئنگ 777 اور ائربس 320 طیارے استعمال کئے جائیں گے تاکہ سفر کو زیادہ آرام دہ اور منظم بنایا جا سکے۔
ذرائع کے مطابق رواں سال 20 ہزار عازمین سرکاری حج سکیم کے تحت جب کہ 36 ہزار پرائیویٹ اسکیم کے تحت پی آئی اے کی پروازوں سے سفر کریں گے۔ حکام کا کہنا ہے کہ تمام پروازیں وقت پر اور محفوظ طریقے سے مکمل کرنے کیلئے خصوصی انتظامات کیے گئے ہیں اور عازمین حج کو کسی بھی زحمت سے بچانے کے پیش نظر ہر ممکن سہولت فراہم کی جائے گی۔ پی آئی اے کا بعد از حج آپریشن 12 جون سے شروع ہوگا جو 10 جولائی تک جاری رہے گا جس کے دوران واپس آنے والے عازمین حج کو وطن پہنچانے کیلئئے فلائٹس کا مربوط نظام ترتیب دیا گیا ہے۔یہ بھی بتایاگیا ہے کہ پی آئی اے، سعودی ایئر لائن سمیت 5 ایئر لائنز حج آپریشن میں حصہ لیں گی۔ذرائع کے مطابق سرکاری سکیم کے تحت تقریباً 89 ہزار پاکستانی عازمین حجاج مقدس جائیں گے۔ سال رواں ایک لاکھ 79 ہزار 210 پاکستانی عازمین فریضہ حج ادا کریں گے۔سرکاری سکیم کے تحت تقریباً 89 ہزار پاکستانی عازمین حجاج مقدس جائیں گے۔دوسری جانب سعودی عرب میں حج 2025 کی تیاریاں پورے زور و شور سے جاری ہیں، وزارت حج وعمرہ کا اس حوالے سے کہنا تھا کہ حج 2025 کے لیے ضروری تیاریاں مکمل کرلی گئی ہیں تا کہ عازمین کو دروان قیام مکہ مکرمہ ہر ممکن سہولت فراہم ہو سکے۔وزارت حج و عمرہ نے عازمین حج کی رہنمائی اور ان کی سہولت کیلئے ٹول فری نمبرز جاری کئے ہیں جن کے ذریعے اہلکاروں سے رابطہ کرسکتے ہیں۔
.ذریعہ: Nawaiwaqt
کلیدی لفظ: پاکستانی عازمین پی آئی اے کے تحت
پڑھیں:
پاکستان سپر لیگ میں پہلی بار میچوں میں مکمل اردو کمنٹری ہوگی
پاکستان کرکٹ بورڈ نے اعلان کیا ہے کہ ایچ بی ایل پاکستان سپر لیگ (پی ایس ایل) کی تاریخ میں پہلی بار، شائقین پورے ٹورنامنٹ کے دوران مکمل میچ اردو کمنٹری سے لطف اندوز ہو سکیں گے۔ ایچ بی ایل پی ایس ایل ایکس 11 اپریل سے 18 مئی تک 4 شہروں، لاہور، کراچی، ملتان اور راولپنڈی میں منعقد ہونے جا رہا ہے۔
شائقین اب اردو میں لائیو براڈکاسٹ سننے کا انتخاب کر سکتے ہیں، جس سے انہیں پاکستان کی قومی زبان میں لیگ میچز کا ایکشن اور جوش و خروش محسوس ہوگا۔ یہ قدم کرکٹ کے کروڑوں شائقین کے ساتھ تعلق کو گہرا کرنے اور ان کے تجربے کو بہتر بنانے کے لیے اٹھایا گیا ہے۔
مزید پڑھیں: پی ایس ایل میچز کی وجہ سے اسکولوں کے تدریسی اوقات تبدیل، نوٹیفیکیشن جاری
ایچ بی ایل پی ایس ایل کے چیف ایگزیکٹو آفیسر سلمان نصیر کے مطابق یہ ایچ بی ایل پی ایس ایل اور اس کے تیزی سے بڑھتے ہوئے مداحوں کے لیے سنگ میل لمحہ ہے۔ کرکٹ پاکستان میں یکجہتی کا ذریعہ ہے اور ہم میچ کی مکمل کمنٹری اردو میں پیش کرکے ایچ بی ایل پی ایس ایل کے جوش و جذبے کو ملک کے ہر کونے کے شائقین کے دلوں کے قریب لا رہے ہیں۔
مزید پڑھیں: ’یہ کس کی شادی کا گانا ریلیز کردیا‘، پی ایس ایل 10 کے ترانے پر صارفین کے تبصرے
انہوں نے کہا کہ اردو کمنٹری کا علیحدہ فیڈ متعارف کرانا ایک ایسا قدم ہے جس کا شائقین بے صبری سے انتظار کر رہے تھے اور ہم اسے فراہم کرنے کے لیے پرجوش ہیں۔ یہ اقدام نہ صرف ہماری کمیونٹی سے تعلق کو مضبوط کرتا ہے بلکہ یہ یقینی بناتا ہے کہ ایچ بی ایل پی ایس ایل کا جوش و خروش زیادہ وسیع ناظرین تک پہنچ سکے۔
براڈکاسٹ کی تفصیلات، بشمول انگریزی اور اردو کے کمنٹری پینلز کی معلومات بعد میں فراہم کی جائیں گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اردو کمنٹری پاکستان سپر لیگ پی ایس ایل سلمان نصیر
مصطفیٰ عامر قتل کیس: ارمغان کے 40 مختلف بینک اکاؤنٹس سے 20 ارب روپے کی منی لانڈرنگ کی گئی