ڈرامہ سیریل ’یقین کا سفر‘ نے میری زندگی بدل دی: احد رضا میر
اشاعت کی تاریخ: 5th, April 2025 GMT
شوبز انڈسٹری کے معروف اداکار احد رضا میر نے انکشاف کیا ہے کہ سابقہ اہلیہ، اداکارہ سجل علی کے ساتھ کیے گئے ڈرامہ سیریل ’یقین کا سفر‘ نے میری زندگی بدل دی تھی۔
اداکار احد رضا میر نے حال ہی میں ڈیجیٹل پلیٹ فارم پر آن لائن انٹرویو دیا ہے۔
احد رضا میر نے آن لائن انٹرویو کے دوران اپنی نجی و پیشہ ورانہ زندگی سے متعلق متعدد سوالات کے جواب دیے۔
اس موقع پر انہوں نے ایک سوال کے جواب میں بتایا کہ ڈرامہ سریل ’یقین کا سفر‘ میں کام کرنا میرے لیے بہترین تجربہ تھا۔
اداکار نے کہا کہ اس ڈرامے نے میری زندگی بدل دی تھی، یہ میرا پہلا شو تھا، اس ڈرامے کے بعد جو مجھے پیار ملا میں اس کے لیے تیار نہیں تھا، میں اپنی جانب سے جتنا بہتر کر سکتا تھا میں نے کیا۔
انہوں نے کہا کہ اس ڈرامے میں میرے کردار ڈاکٹر اسفندیار کو ابھی بھی یاد کیا جاتا ہے اور میں اس کے لیے بہت خوش ہوں۔
یاد رہے کہ اداکار احد رضا میر سینئر اداکار آصف رضا میر کے بیٹے ہیں، ان کے دادا احمد رضا میر بھی پاکستانی فلم انڈسٹری کا حصہ تھے۔
احد رضا میر نے 2010ء میں ٹی وی کی دنیا میں قدم رکھتے ہوئے ڈرامہ سیریل ’سمی‘ سے اپنے کیریئر کا آغاز کیا تھا۔
پھر وہ اپنی تعلیم مکمل کرنے کی غرض سے کینیڈا شفٹ ہو گئے تھے اور 2017ء میں انہوں نے اداکارہ سجل علی کے ساتھ ڈرامہ سیریل’یقین کا سفر‘ میں کام کیا۔
اس ڈرامے میں وہ بہترین پرفارمنس کا مظاہرہ کر کے راتوں رات شہرت کی بلندی پر پہنچ گئے تھے۔
’یقین کا سفر‘ میں سجل اور احد کی جوڑی کو مداحوں کی جانب سے خوب پزیرائی ملی تھی۔
خیال رہے کہ ڈراموں کی دنیا کے بعد اس جوڑی نے حقیقی زندگی میں بھی ایک دوسرے کو ہم سفر چنا مگر ان کی شادی زیادہ دیر نہ چل سکی۔
احد رضا میر اور اداکارہ سجل علی کی 2020ء میں دبئی میں شادی ہوئی تھی جو کہ بعد ازاں 2022ء میں پہلے علیحدگی اور بعد ازاں طلاق پر ختم ہو گئی تھی۔
Post Views: 1.ذریعہ: Daily Mumtaz
کلیدی لفظ: ڈرامہ سیریل یقین کا سفر اداکار ا
پڑھیں:
’طرز زندگی میں تبدیلی کینسر سے بچ جانے والوں کی عمر کو بڑھاتی ہے‘
کینسر ایک جان لیوا مرض ہے، تاہم آج کے جدید دور میں اس کا علاج بھی موجود ہے، اگر پہلے اسٹیج پر ہی اس کی تشخیص ہو جائے تو بچنے کے چانسز بہت زیادہ ہوتے ہیں، اس کے علاوہ صحت مند رہنے کے لیے ضروری ہے کہ انسان صحت مند خوراک کے ساتھ ساتھ ورزش کا بھی خیال رکھے اور وہ تمام تدابیر اختیار کرے جس سے انسانی جسم صحت مند رہ سکتا ہے۔
یہ بھی پڑھیں صحتمند بڑھاپے کے لیے درمیانی عمر میں کیا کھائیں؟
حال ہی میں کی گئی ایک تحقیق میں یہ بات سامنے آئی ہے کہ طرز زندگی میں تبدیلیاں کینسر سے بچ جانے والوں کی عمر میں اضافہ کرتی ہیں۔
امریکا میں کی گئی تحقیق سے پتا چلتا ہے کہ کینسر سے بچ جانے والے صحت مند خوراک اور ورزش کے رہنما اصولوں پر قائم رہ کر موت کے اپنے جاری خطرے کو کم کر سکتے ہیں۔
جرنل آف نیشنل کینسر انسٹی ٹیوٹ میں شائع ہونے والے نتائج کے مطابق کینسر سے بچ جانے والے اگر اپنے طرز زندگی میں تبدیلیاں کرتے ہیں اور تمباکو نوشی سے پرہیز کرتے ہیں تو موت کا مجموعی خطرہ کم ہو جاتا ہے۔
کینسر کی تشخیص اکثر لوگوں کو یہ سوچنے کی ترغیب دیتی ہے کہ وہ صحت مند زندگی کیسے گزار سکتے ہیں۔
امریکن کینسر سوسائٹی میں وبائی امراض کی تحقیق کے سینیئر پرنسپل سائنسدان ینگ وانگ نے کہاکہ بہت سے زندہ بچ جانے والے یہ جاننا چاہتے ہیں کہ وہ اپنے طویل عرصے تک زندہ رہنے کے امکانات کو بہتر بنانے کے لیے طرز زندگی میں کیا تبدیلیاں لا سکتے ہیں۔
انہوں نے کہاکہ اس کے لیے ضروری ہے کہ انسان صحت مند وزن کو برقرار رکھے، اس کے علاوہ ایسے کھانوں کا استعمال کرے جو اس کے جسم کو توانائی فراہم کریں۔
تحقیق کے مطابق جن افراد نے طرز زندگی میں نئے رہنما اصول اپنائے ان میں کسی بھی وجہ سے موت کا خطرہ 24 فیصد کم تھا۔
تحقیق کے نتائج کے مطابق ایسے افراد میں دل کے امراض سے موت کا خطرہ 33 فیصد کم تھا اور کینسر سے موت کا خطرہ 21 فیصد کم تھا۔
جن لوگوں نے ورزش کو ترجیح دی ان میں موت کا مجموعی خطرہ 22 فیصد کم تھا، اور دل کے امراض کی وجہ سے موت کا خطرہ 26 فیصد کم تھا۔
یہ بھی تجویز کیا گیا ہے کہ انسان کو صحت مند رہنے کے لیے طرز زندگی میں کون سے تبدیلیاں کرنی چاہییں۔
تحقیق کے نتائج کے مطابق یہ تجویز کیا گیا ہے کہ صحت مند رہنے کے لیے تازہ سبزیوں اور پھلوں کا استعمال کیا جائے، جبکہ پراسس شدہ گوشت اور دیگر کھانوں سے پرہیز کیا جائے۔
اس کے علاوہ ورزش کرنے پر زور دینے کے ساتھ ساتھ قد کے حساب سے وزن کو برقرار رکھنے کو بھی ضروری قرار دیا گیا ہے۔
یہ بھی پڑھیں برطانیہ میں صحت مند کھانا اب فی کیلوری دوگنا مہنگا
تحقیق کے نتائج کے مطابق الکوحل کے استعمال کو محدود کرنے کی ترغیب بھی دی گئی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews امریکا تبدیلیاں تحقیق سائنسدان صحت مند کھانے طرز زندگی کینسر کینسر سوسائٹی لمبی زندگی موت کا خطرہ وی نیوز
مصطفیٰ عامر قتل کیس: ارمغان کے 40 مختلف بینک اکاؤنٹس سے 20 ارب روپے کی منی لانڈرنگ کی گئی