قومی اسمبلی کا اجلاس پرسوں ہوگا
اشاعت کی تاریخ: 5th, April 2025 GMT
اسلام آباد (نوائے وقت رپورٹ) قومی اسمبلی کا اجلاس پرسوں 7 اپریل کو شام 5 بجے ہوگا۔ سپیکر سردار ایاز صادق اجلاس کی صدارت کریں گے۔ سپیکر قومی اسمبلی نے ہاؤس بزنس ایڈوائزری کمیٹی کا اجلاس پیر کی شام 4 بجے طلب کر لیا۔
.ذریعہ: Nawaiwaqt
پڑھیں:
خیبرپختونخوا میں گیس پلاسٹک شاپرز میں جمع کرنے کا معاملہ، کریک ڈاؤن کی ہدایت
پشاور:خیبرپختونخوا بھر میں اور بالخصوص پشاور میں گھریلو صارفین کو سوئی گیس کی عدم فراہمی پر سوئی گیس کو پلاسٹک شاپرز میں جمع کرنے کا معاملہ صوبائی اسمبلی میں اٹھالیا گیا اور ضلعی انتظامیہ کو اس معاملے پر سخت کریک ڈاؤن کی ہدایت کی گئی۔
خیبرپختونخوا اسمبلی میں جمعیت علمائے اسلام (جے یو آئی) کی رکن صوبائی اسمبلی ریحانہ اسماعیل کی جانب سے توجہ دلاؤنوٹس کے تحت اسمبلی کو بتایا گیا کہ گھریلو صارفین سوئی گیس کو پلاسٹک تھیلیوں میں جمع کرلیتے ہیں۔
انہوں نے کہا کہ اس کے بعد لوڈشیڈنگ کے اوقات میں مذکورہ گیس کو استعمال میں لایا جاتا ہے، شاپرز میں ایک بڑے سائز کے سلینڈر سے کئی گنا زیادہ مقدار میں گیس بھری جاتی ہے۔
ریحانہ اسماعیل نے کہا کہ پلاسٹک تھیلیوں میں جمع گیس گھروں کی چھتوں،گیراج یا بالکونی میں رکھی جاتی ہے جو صرف اس گھر کےلیے ہی نہیں بلکہ پڑوس کے تمام گھروں کو انتہائی خطرناک صورت حال میں ڈالنے اور خودکش دھماکے کے مترادف ہے۔
ان کا کہنا تھا کہ اس حوالے سے ضلعی انتظامیہ کارروائی کرے، توجہ دلاؤنوٹس کے جواب میں وزیر قانون آفتاب عالم نے جواب دیا کہ ضلعی انتظامیہ نے دسمبر میں نوٹیفکیشن جاری کیا تھا اور شاپنگ بیگز میں سوئی گیس بھرنے پر پابندی عائد کی گئی ہے۔
انہوں نے کہا کہ اس حوالے سے دفعہ 144 بھی نافذ ہےاور مختلف کولیکشن پوائنٹس پر ریڈ بھی کیا گیا ہے تاہم اس حوالے سے آگاہی ضروری ہے۔
صوبائی وزیرقانون نے کہا کہ ہمارے جنوبی اضلاع میں 50 فیصد سے زائد گیس کی پیداوار ہو رہی ہے لیکن اس کے باوجود گیس مینجمنٹ کے نام پر ہمارے شہریوں کو ضرورت کے مطابق سوئی گیس فراہم نہیں کی جارہی ہے۔
اسپیکر صوبائی اسمبلی کا کہنا تھا کہ گھروں میں بچیوں اور خواتین کے لیے ایسا معاملہ انتہائی خطرناک ہوسکتا ہے، عام لوگوں کو آگاہی دینی ضروری ہے۔
ان کا کہنا تھا کہ ادارے پیسے کمانے کے لیے تگڑے ہیں، ان سے پوچھا جائے کہ لوگوں کو ادائیگی کے باوجود سوئی گیس کیوں نہیں فراہم کی جا رہی ہے۔
خیبرپختونخوا اسمبلی کے دیگر اراکین رنگریز خان، پیر مصور شاہ، شاہجہاں یوسف نے بھی خیبرپختونخوا میں گیس کی پروڈکشن زیادہ ہونے کے باوجود عام صارفین کو سوئی گیس کی عدم فراہمی پر شدید اعتراضات کیے۔
خیبر میں میٹرک امتحانات، حکومت کی نقل کی روک تھام کیلئے منفرد کارروائی