لاہور: سگی بہن کے قتل میں ملوث ملزم گرفتار
اشاعت کی تاریخ: 4th, April 2025 GMT
کاہنہ پولیس نے سگی بہن کے قتل کی واردات میں ملوث ملزم کو گرفتار کر لیا۔
پولیس ذرائع کے مطابق ملزم قتل کی واردات کے بعد فرار ہوگیا تھا۔ملزم ڈسمس شدہ پولیس کانسٹیبل بتایا گیا ہے۔
تفصیلات کے مطابق قتل کی واردات پر ایس پی ماڈل ٹاؤن ڈویژن نے نوٹس لیا اور ملزم کی گرفتاری کے احکامات جاری کئے۔
ایس پی ماڈل ٹاؤن کا کہنا تھا کہ ملزم کے خلاف مضبوط چالان مرتب کرکے قرار واقعی سزا دلوائی جائےگی۔
ایس ایچ او کاہنہ ناصر حمید بتایا کہ سگی بہن کو قتل کرنے والے ملزم کو گرفتار کر کے آلہ قتل برآمد کر لیا۔ملزم نے لڑائی جھگڑے کے دوران بہن مقدس کو گولی ماری۔زخمی کو ہسپتال منتقل کیا گیا جہاں وہ دم توڑ گئی۔ کاہنہ پولیس نے جدید ٹیکنالوجی کا استعمال کرتے ہوئے ملزم کو آلہ قتل سمیت گرفتار کر لیا۔
کاہنہ پولیس نے نذیر احمد کی مدعیت میں ملزم عاصم کے خلاف قتل کا مقدمہ درج کیا ۔
.ذریعہ: Express News
پڑھیں:
کراچی؛ گاڑیاں چھیننے میں حاضر سروس پولیس اہلکاروں کے ملوث ہونے کا ایک اور واقعہ
کراچی:شہر قائد میں گاڑیوں کی چھینا جھپٹی کی وارداتوں میں حاضر سروس پولیس اہلکاروں کے ملوث ہونے کا تیسرا واقعہ بھی سامنے آگیا۔
اے وی ایل سی پولیس نے ملیر کینٹ تھانے میں تعینات سب انسپکٹر کو گرفتار کر کے مسروقہ کار برآمد کرلی ۔ گرفتار پولیس افسر اپنے بیٹے کے سولنگی کار لفٹنگ گینگ کو تحفظ فراہم کرتا تھا جب کہ اس سے قبل بھی گاڑیوں کی چوری میں ملوث 2 پولیس اہلکار اینٹی وہیکل لفٹنگ سیل پولیس کے ہاتھوں گرفتار ہو چکے ہیں۔
اینٹی وہیکل لفٹنگ سیل پولیس نے ملیر کینٹ تھانے میں تعینات سب انسپکٹر محمد عرس سولنگی کو گرفتار کر کے شارع فیصل تھانے کی حدود سے چوری کی گئی مسروقہ کار برآمد کرلی ۔
ترجمان اے وی ایل سی پولیس کی جانب سے جاری اعلامیے کے مطابق گزشتہ ماہ 30 مارچ کو اے وی ایل سی بلدیہ ڈویژن پولیس نے بدنام زمانہ بین الصوبائی کار سنیچر سولنگی گینگ کے 2 کارندوں قاسم عرف عامر اور شعیب عرف ایس کے کو مقابلے کے دوران زخمی حالت میں گرفتار کیا تھا، اس دوران سولنگی گینگ کا سرغنہ دانش سولنگی عرف میر دیگر 2 ساتھیوں نور خان اور فخر سمیت موقع سے فرار ہوگیا تھا ۔
پولیس نے ملزمان کے قبضے سے 27 مارچ کو فیروز آباد کے علاقے سے چھینی گئی ٹیوٹا کورولا کار اور اسلحہ برآمد کیا تھا ۔ برآمد کی گئی گاڑی ملزمان نے شہید ملت روڈ پر صبح سوا 8 بجے چھینی تھی اور اس دوران ملزمان نے کار میں سوار فیملی کو انتہائی بے دردی سے گھسیٹ کر اتارا تھا ۔
کار میں سوار فیملی نے اسلحہ بردار ملزمان کو دیکھ کر خوفزدہ ہو کر کار کے دروازے اور شیشے لاک کر لیے تھے اور ملزمان سے معافی کے ساتھ ساتھ واردات نہ کرنے کی التجائیں بھی کی تھیں۔
ترجمان کے مطابق مقابلے میں زخمی حالت میں گرفتار ملزمان سے تفتیش کے دوران انکشاف ہوا کہ سولنگی گینگ کا سرغنہ ایک سابق فوجی اہلکار دانش سولنگی عرف میر ہے جو کہ ایک پولیس کے سب انسپکٹر کا بیٹا ہے جب کہ یہ گینگ ایک درجن سے زائد ملزمان پر مشتمل ہے۔
پولیس نے ملزمان کے اس انکشاف پر ملیر کینٹ تھانے میں تعینات پولیس افسر سب انسپکٹر محمد عرس سولنگی کو گرفتار کر کے شارع فیصل تھانے سے چوری کی گئی کار برآمد کرلی۔
واضح رہے کہ اس قبل بھی اے وی ایل سی پولیس کار چوری میں ملوث 2 پولیس اہلکاروں کو گرفتار کرچکی ہے۔
جنوبی کوریا میں خوفناک جنگلاتی آگ، 24 افراد ہلاک، ہزاروں بے گھر